جُمبیل ءِ زیارت، گوادر

 جُمبیل ءِ زیارت

ابدُل ھلیم ھئیاتان

 جُمبیل ءِ زیارت ءِ نشان (منت وار ھلیم ھئیاتان)گوادر

کوہءِ باتیل کہ آئیءِ چمب کساس 449 پٹ برز انت وتی تہا یک راج دپتری بستارے داریت۔ انگریزاں باتیلءِ کوہءِ نام hummer head ایر کُتگ بوتگ بلے ھندی جاہمنند اشییءَ کوہءِ باتیل گُش انت۔ اشییءِ ندارگ بتیل بزاں کسانکیں بوجیگےءِ وڑءَ گندگ بیت۔

باتیلءِ کوہءِ سرءَ بازیں کوہنیں نامداریں جاگھءَ ھست انت کہ ھمیشانی تہا دینی ستکءَ گوں بندوکیں زیارتےءِ نشانی ھم ھست اَنت۔ اے زیارت چہ زمانگاں جمبیلءِ زیارتءِ نامءَ زانگ بیت۔

اے زیارت کوہءِ باتیلءِ سرءَ زرباری رودراتکی نیمءَ کوہءِ سُنٹءَ اِنت کہ اودءَ پاکستان زری اوردءِ دوار جاہ انت۔ ھندی کماشانی ردءَ ھمے جاگھءَ جمبیل گُش انت پمشکہ اے زیارت جمبیلءِ نامءَ نامدار انت۔

گُش انت کہ وھداں گوسءِ آزمءَ گوں ستک داروک ھمدءَ اتکگ انت ءُ آہاں چلّہ کشتگ۔ ءُ یک جنیں چُکیں جنکے کہ آئیءِ نام اکرام بی بی بوتگ، آ ھم ھمدءَ بوتگ۔ جمبیلءَ ھندی مردم داں مزنیں وھدےءَ زیارت کنگءَ شُتگ انت ءُ وتی سِتکءِ پدا وتی چکانی سر سائیءَ ھم ھمدءَ شُتگ انت ءُ دوا لوٹ اتگ ءُ ھئیرات ھم کتگ اِت۔

جمبیل ءِ بابتءَ گُشگ بیت کہ اے زندہ پیر واجہ ھدرءِ ٹکانہ بوتگ۔

پیسرءَ ادا زیارت گُنبدےءِ دروشمءَ بوتگ بلے دریاءِ ورگ ءُ کوہءِ ڈُرگءِ سببءَ نو وتی اسل دروشمءَ نہ انت۔(انچش کہ اکس ءِ تہا پدر اِنت)

دلگوش: جمبیلءِ زیارتءِ بابت ھچ وڑیں پٹءُ پولی سنَداں چہ کمک زورگ نہ بوتگ۔ بلکیں اِشکُتگیں گپاں کہ اشانی تہا کمی ءُ گیشی بوت کنت۔

رجانک: جاوید بلوچ