ڈرائیوری زند

 ڈرائیوری زند

یاسین مراد

منءَ ہر وہدے کہ دگہ جاگہے ءَ روگی بوتگ گڑاں من  مدام وتی سپر ءِ توکءَ گاڑیءِ استاد بزاں گاڑیءِ ڈرائیور ءِ بابت ءَ جیڑ اِتگ۔ من ھئیال کُتگ کہ مئے زندمانءِ توکءَ ڈرائیور  گاڑی ،بس، ٹرک ءُ ایدگہ گاڑی ءِ استاد کہ ھست اَنت اے چوں وتی زندگی ءَ گوازینگ ءَ آں. 

من ھئیال کُتگ کہ ما وھدے یک روچے سپر کن اِنت  وتی گِسءَ روایں گڑا سجئیں روچ ھمے زنگ ءَ جن اِنت ابڑے بابی منی دست ءُ پاد ہچ کار کنگ ءَ نا اَنت۔ منی سر درد کنگ ءَ انت،  من سک دم بُرتگ.

اے مئے سجیں زنگ اَنت کہ ماہ جنیں بلے ھمے بزگیں بس ڈرائیور بہ بیت یا ٹرک، شپ داں روچ سپر کنگ ءَ اِنت بلے یک روچے  ہم اے زنگ ءَ نہ جنت کہ ابوڑے ماتی منی سرین، منی پاد ، منی سر۔ بلے بزگیں ڈرائیور اے زنگءَ کدی ھم دِگرانی  دیمءَ درشان نہ کنت.

ڈرائیور مئے چاگرد ءِ ھما بہر اَنت اگاں ڈرئیور وتی یک روچےءِ واستا کار ءَ بند بکن آں گڑاں بزاں مئے کِرا پہ ورگ ءُ وردن ءِ واستہ ھچ پشت نہ کپیت. 

ڈرائیور شپ داں روچ بس سپر ءِ توکءَ اِنت.

من یک رندے یک ٹرک ڈرائیورےءَ جُست کُت کہ واجہ ڈرائیوری کار چونیں  کارے؟

 من ءَ پسو دات ئے کہ "ڈرائیوری یک انچیں کارے کہ کار ءِ توکءَ ڈرائیور ءَ زندگی نیست. ڈرائیوریں مردم وتی لوگ ءِ مردماں نہ گندیت نہ کہ دنیاءِ دگہ وشی۔ اے بس گاڑی ءِ اسٹرینگءِ بُنءَ نشتگ پہ وتی مردمانی واستا جہد کنت.  ڈرائیوریءِ توکءَ بس دو چیز ھست، یک ایش انِت کہ تو دنیا ءِ جاگہاں گند اِت دومی تو وشیں ورگے ورے بس دگہ زندگی ڈرائیور ءَ نیست."

ڈرائیور مدام وتی گاڑی ءُ اگاں پاسنجر والا گاڑیے  گڑاں پہ وتی گاڑی ءِ توک ءِ نشتگیں  مساپرانی ھئیال ئے ھست انت داں من وتی مساپراں پہ وتی منزل ءَ سر بکناں. 

بلے اے سکّی، بے وابی ءُ گرانیں زندءَ پد ھم کرا ڈرائیوری یک انچیں کارے زانگ بیت چوش کہ آ مئے کار دار بہ بنت۔ ڈرائیور کہ وتی گاڑیانی واھُنداں سیر کنت، لکھانی کلدار پہ آہاں کَٹیت بلے ناں شریں مُزے آہاں رسیت ءُ شریں زندے۔ بائد ما ڈرائیورانی زند ءُ ارزشستءَ پجا بیار انت ءُ آہانی کار ءُ جھدءَ ھم ازت بہ دئیں۔

گُڈسرءَ من گوں وتی گُلیں وانوکاں ہمیے گُشگ لوٹاں کہ ڈرائیور مئے چاگرد ءِ بہر اَنت مئے زمہ واری اِنت کہ ماءُ شما ایشانی زند، ہزمت ءُ کارءِ بستارءَ الم بزان اِنت۔

@YasinMurad12