transgender سیمی انسان

 نبشتہ کار یاسین مراد

@YasinMurad12 

https://youtu.be/QLy2sA_jsjsیوٹیوبءَ چارگ ءَ پہ لنک

من یک رندے مُلتان ٹو کراچی ٹکٹ کتُگ اَت من بلے ہر وہدءَ کوشش کُتگ کہ منی سیٹ دِیم دِیم ءَ بہ بیت چیا کہ منءَ پُشت ئے  سیٹ  وش نہ بنت ءُ من سک بور باں. منی لھتیں ہیل ءُ عادت ھست ۔ من وہدے  سفرءَ باں گڑاں منءَ کسءَ گوں گپ ءُ تران وش نہ بیت چیا کہ منی کوشش ہمیش بیت راہءِ ندارہ بکناں ءُ سجیں دمگاں بہ گِنداں.

اے رندءَ ھم من مدامی ایں وڑءَ وتی سیٹ دِیم دِیمءَ کتگ اَت بزاں ڈرائیور ءِ سیٹ ءِ پُشت منی سیٹ اَت.

من وہدءِ سرءَ وت ءَ سر کُت۔ من  ٹکٹ بُک کنگءَ اَتکاں منءَ آفس والاءَ  گُشت باندہ شپ ہپت بجا وتءَ سر بکن. من اے ہم مدام مار اِتگ کہ باز مردم گش اَنت ٹرانسپورٹ والا وسرءَ انچو وہد گُش اَنت بلے وتی داتگ  اِیں وہد ءِ سرءَ بس در نئیت۔ بلے من مدام مردماں ہمے گُشتگ کہ ٹراسپورٹر یک روچی کارے نہ اِنت کدی کدی یک مسافرے کموں لیٹ بوت کنت بلے ترا ہما وہد دئیگ بوتگ تؤ وت ءَ ہما وہدءَ ءِ سرءَ سر بکن.

خیر من وتی مدامی اِیں داتگیں وہدءِ سرءَ سر بوت آں شُت آں وتی سیٹ ءِ سرءَ نشت آں۔ گڑاں کمو دیر ءَ پد من وتی پُشتی نیمگ ءِ سیٹ ءِ سرءَ مردءِ توار منی گوشاں کپت۔ گُشیت منی سیٹءِ کش ءَ یک جنین آدمے نشتگ من ادا نہ نندءَگوں. گڑاں بس ءِ ہوسٹس ءَ آفس والا توار کُت.  آفس والا اتک دوئیں  مسافر وتی دفترءَ بُرت انت۔ چار یا پنچ منٹءَ پد دوئیں مسافر واتر اتکاں بلے ہمے مرد ءَ ضد کُتگ اَت کہ من اے جنین آدمءِ کش ءَ نہ ننداں .

گڑاں ھمے کشءِ جنین آدم پاد اتک ءُ تُرند تُرند ءَ گشت ئے من ءَ اللہءَ (بَگا) بزاں transgender کُتگ نو من چون بکن آں؟ منءَ زاناں سفر کنگءِ اجازت نیست یا شما مردین آدم منی کر ءَ نِندگ ءَ لج پرچا کن اِت؟ من ہمدا چہ زانت بزگ transgender.

 من مدام جیڑ اِتگ پرچہ مئے چاگرد اشانی سرءَ زلم ءُ زوراکی پرچا کن اَنت . من ہمے جیڑگءِ توکءَ اِتاں داں منی کش ءَ نشتگیں نوجوان پاد اتک گشت ئے من نند ءَ گوں اشیءِ کِرا . 

گڑاں ہما مردین کہ پیسرءَ گشت ئے من اے بزگ ءِ transgender کِراں نہ ننداں گوں۔ اتک منی کش ءَ نشت. بلے من سجئیں سفر ءِ توکءَ ھمے بزگیں transgender ءِ بابتءَ جیڑ اِت ءُ خیال کُت پرچا مئے چاگرد اشانی سرءَ اینچو زُلم ءُ زوراکی کنت؟ اے بزگاں کسے پرچا  عزت ءُ احترام نہ کنت؟

منی کش ءِ نشتگیں مردءَ سجیں راہ ءَ پشل پشل ءَ ہچ نہ گشت ءُ وتی سر جہل کُتگ ات.