جیکما کے انت؟

ندکار:  اُسمان کازی 

انوگیں ورناہ ترسینگ بوتگ اَنت کہ اگاں تو بے سوب بوت ئے تئی دگنیا ھلاس اِنت۔ ھمے سبب اِنت کہ مئے بلوچ راج ءِ نودربر کاینت بلوچی ءِ یک ءُ دو درونت وان اَنت ءُ یل کن اَنت یا کہ یک ءُ دو گپ چہ زانتکارانی نیمگ ءَ  گْوشگ بیت یا یک ءُ دو ردی کشگ بیت آ ایشاں دل ءَ کن اَنت ءُ دلپروش بنت بلوچی وانگ ءَ یل کن اَنت بلے راستی ایش اِنت کہ بے سوبی زندگی ءِ بھرے.

         جیکما دگنیا ءِ تہ ءَ باز رند ءَ بے سوب بوتگ ءُ پد ءَ ھم مرچی آئی ءِ کمپنی الی بابا دگنیا ءِ مستریں کمپنیاں چہ یکے ءُ چین ءِ سیرتریں مردمانی تہ ءَ دومی لمبر ءَ بیت. جیکما 10 ستمبر 1964 ءَ چین ءِ یک کسانیں میتگے ءَ ودی بیت. آ سیزدہ سال ءَ انگلیش ءِ وانگ ءَ بندات کنت چین ءِ تہ ءَ باز کم مردم انگریزی وان اَنت۔ چین ءِ مردم گیشتر وتی راجی زبان ءَ وان اَنت ءُ دوستدار اَنت. جیکما انگریزی ءِ دربرگ ءِ واستا وانگجاھاں ھچبر نہ شتگ وھدیکہ دریں ڈیھ ءِ مردم چین ءِ سیل ءَ آتکگ اَنت، جیکما ءَ ھمایاں گوں انگریزی کرتگ ءُ دربرتگ ھمے چیز ءَ آ انگریزی ءَ سک بلد بوتگ.

        جیک ءَ چہ کسانی ءَ وانگ ءِ ھُب ءُ واھگ نہ بوتگ پرے ھاتر ءَ جیک چارمی تبک ءَ دو رند ءَ بے سوب بوتگ ءُ ھشتمی تبک ءَ سے رند ءَ بے سوب بوتگ بلے آئی ءِ واھگ ھمے بوتگ کہ من ھارورڈ یونیورسٹی ءِ نودربرے بہ باں، یونیورسٹی ءِ چکاس ءَ دو رند ءَ بے سوب بیت، سیمی رند ءَ سوبین بیت. 1988 ءَ آئی ءَ سی جاہ  ءَ ￴ کار ءُ بار ءِ واست ءَ کاگد داتگ اَنت اے وھد ءَ KFC نوک چین ءَ کیت ایشی ءِ روزگار ءِ واستا بیست ءُ چار مردم کاگد دے اَنت۔ بیست ءُ سے مردم سوبین بنت یکیں جیکما پشت کپ اِیت. اے باز جاہ ءَ بے سوب بیت بلے جیکما ءَ را وتی سر ءَ بیسہ بیت کدی ھم نااُمیت  نہ بیت وتی جھد ءَ برجاہ دار اِیت گڈی ءَ آ یک یونیورسٹی یے ءَ یک اُستادے  لگ اِیت یک ماھے 12 ڈالر رس اِیت ئِے، 1994 ءَ آ وتی اولی کمپنی ءَ پَچ کنت آئی ءَ Haibo translation agency ءِ نام ئِے دنت ءُ ھمیشی ءِ ￵ سبب ءَ امریکہ ءَ روگ ءَ بیت اَود ءَ دامگ ءَ کارمرز کنگ ءَ پد کیت ءُ چین ءَ دراہ کمپنی والا گْوش اِیت دامگ ءِ کار ءُ بار ءِ (Online Business) ھیال ء دنت  کمپنی والا دراہ ایشی ءِ سر ءَ کند اَنت ءُ مسکرا کن اَنت ئِے ءُ گْوش اَنت کہ تو دامگ ءِ کارمرز کنگ ءَ نہ زان ئے تو دامگ ءِ کار ءُ بار کن ئے.

جیکما ءِ کر ءَ کمیں زر بیت آ ھمے زراں زور اِیت ءُ یک کسانیں ویب سائیٹے جوڑ کنت آئی ءَ را نام دنت China Yellow Pages ایشی ءَ چین پنڈ نہ دنت کار ءُ بار ءِ پشت ءَ روان بیت گڈی ءَ بینک ءَ چہ وام ءِ زورگ ءِ واستا کاگد دنت  بینک والا آئی ءِ کاگداں کش اِیت ءُ وام نہ دنت ئِے اِنچو بے سوبی ءَ ابید آ دم نہ بارت کار ءَ یل نہ کنت انگت گوں وتی جنین ءَ دگہ بیست ھمراھاں الی بابا ءَ جوڑ کنت بندات ءَ باز  اڑ ءُ جنجال دیم ءَ کاینت چار سال ءَ پد اے کمپنی سک دیمروی کنت  2014 ءَ آئی ءِ کمپنی  ءِ ￵نیٹ ورک 231 billion ڈالر بیت ایشی ءِ کمپنی دگنیا ءِ مستریں کمپنیاں چہ یکے بیت پیسبوک ءِ وڑیں کمپنیاں ھم گواز اِیت جند ھم دگنیا ءِ سیرتریں مردماں چہ یکے بیت آئی ءِ نیٹ ورک 31Billion بیت .

جیکما ءِ کسہ ءَ چہ مارا ھمے دربرگ لوٹ اِیت کہ بے سوبی زندگی ءِ یک بھرے بلے مارا دلپروش بوگی نہ اِنت ءُ وانگی ءُ جھد برجاہ دارگی اِنت.