تئی ودار انت ارواہ

تئی ودار اِنت ارواہ!!!

حبیب_کریم

تو منا مُدام یات کائے من ھر وھدا دل ءَ جیڑان ءُ خیال کنان منی خیالانی توکا بس تو کائے۔۔۔۔۔ من ھمے کہ تھنا بان منا ھما روچ یاد کئیت کہ شال ءَسک جمبرا ءُ کم کم ءَ ھئور ھم بیگاھا ءُ موسم سک وش اَت من بس  تئی انتظار ءَ نشتگ اَتان ھمے روچ  ودار ءَ پر ماتگا کہ من تئ گوم ءَ مُلاقات کنان منی خیالان دُنیائے توک ءَ منی وشترین روچ ھمیش ءَ ءُ اے روچ ءَ من سک گَل اِتان پرچہ کہ ودار کنگ انسان ءَ سک بے چاڈ کنت ءُ ودار کنگ ءِ ساھت منی خیالان وشترین ساھت اِنت۔۔۔

وھدے کہ تئی میسج منی کِرا اتک تو ھمے نبشتہ کُتگ ءَ کہ بیا لیاکت بازار ءَ من ھم اتکگان اے دَمان منی واست ءَ پورا جنت ءَ ھما دیم ءَ پرچہ کہ من تئی گِندگ ءَ سک بے چاڈ اِتان تئی مھران تئی گپان منا انچو کُتگ ءَ  کہ منا انچو سما بیت زِندگی ءِ توک ءِ وشترین ساھتان گوازینگ ءَ ھان ھمبل۔۔۔۔۔۔۔ 

 ھئو ھمے تئی مُلاقات ءَ چہ یک روچ ءِ رند تو منا ھمے گوشت کہ بس منی واست ءَ ودار بکن من انی تئ گوم ءَ ھچ رابتا کنگ نہ لوٹان اے ساھت اے دمان پہ منا پورا زندگی ءِ گران ترین روچ اَت ھمبل۔۔۔ من وتی دل ءَ انچو جیڑگا ءِ اِتان کہ من چی کُتگ آیا منی دست ءَ ردی ءِ بوتگ بلے منی ردی چی اِنت اے جُستان من وتا وت کنگائے اِتان روچ گوست شپ بوت  منی خیال ءِ توک ءَ شال ءِ گران ترین شپ پہ من ھمیش اَت انچو کہ وھد گوزان بوت منی پریشانی گیشتر بوان بوتان اے شپ منی خیالان سک تھار اَت من وھدے کہ کم ءِ واب کپتان ءُ کمی ءَ پد منی گوشان یک آواز ءِ کپت من کہ پاد اتکان دان سک تھار اِنت ءُ شپ زِمِستانی آن سک گوھر اَت ھم من کہ پاد اتکان دروازگ پچ کُت دان اِدا ھال ءِ توک ءَ ھچ نیست بلے وھد ءِ کہ من ھال ءِ دروازگ پچ کُت ءُ ڈن ءَ دراتکان ءُ بُرزا چارِت دان سک جمبرین ھئور ھم کم کم ءَ رِچگا اِنت ءُ شال ءِ اے موسم ءَ منی دل یک تاھیر ءِ دات موسم سک وش اَت دل ءَ گُشت کہ سِگریٹ ءِ بہ کش ءُ من سِگریٹ بُن دات ءُ کشگا لگتان ھمے ساھت ءَ منا ھما روچ یاد اتک کہ من ترا گُشتگ ءَ کہ من ترا مِلگ لوٹان تو منا گُشت منی گوم ءَ مہ مِل من اجنبی شر آن بلے من تئی گہ نہ زُرت بلے مرچی من ھمے جیڑگاھان کہ من آروچی تئ گپ پرچا نہ زُرت من اگان آروچی تئی گپ بہ زُرتین بلکین اے روچ منی واست ءَ نہ یتکگ اِتان ۔۔۔۔۔۔۔

 مھروان  من ترا مُدام جیڑان ءُ مُدام تئی ترانگ ءَ کپان من ھمے کہ کمراہا چہ ڈن درکایان اے شال ءِ موسُم اے شال ءِ راہ منا بس تئی یات ءَ ءُ ترانگ ءَ گیجان تو منی دیم ءَ پورا یک اکسی ءَ اوشتاتگ ءِ من اگان جیڑان بس ترا جیڑان ھمبل۔۔۔۔

(تئی ودار اِنت ارواہ)