پہ مردمی اُکبالاں بس گالبند منتگ

پہ مردمی اُکبالاں بس گالبند منتگ 

شاہ ابن شین

دنیا ءِ کجام ھم ملک راج یا ریاست بہ بیت آ وتی نپ ءُ سیتّ ءِ ھاترا زَلمان ءُ بے وسیں راج ءُ آھانی دراھیں ھستیاں تباہ ءُ تاراج کنت ءُ پدا دَجُّک ءُ تــاس ءِ سیاست بنا بیت تاس ٹلّینگ اَنت ءُ سریچکیں دَجُّک نـــاچ کن اَنت.... 

اے اولی بر نہ ات کہ دوھیں جھانی مزن جنگاں پد دنیا ءَ اولی رند ءَ بزگ ءُ بے وسیں انسانانی سرا کمّے گیشتر بزّگ بوت ءُ چندے تاسُپ دلیں مَـردُکو یکجا بوت ءُ یک Human Rights نامیں گالبندے ساتک اِش ءُ پشت اش مـــان دات...............

 چدو پیسر ھم چوشیں ھنر کاری باز بوتگ! 

لبزے بہ بیت یا گالبند ءُ ویلے آئی ءِ ودی بوھگ ءِ یا ردوم زورگ ءِ یک عملے(ارتقائی) لازم بیت ... Human Rights ءَ کمّے پیسر دگہ گالبندے اَتHolocaust بلے ایش پہ یھودیاں کارمرد اش کتگ اَت بیا کمّے انگہ پُشترا رویں..... 

1190 ءَ اولی رند ءَ یونانی زبان ءِ لبز Holókauston بزاں "سرجم ءَ سوچگ یا ھدا ءِ راہ ءَ کربان کنگ" اے لبز یا گالبند ءَ را دو نامی ایں ویل نویس روجر آف ھاؤڈن ءُ رچرڑ آف ڈیوس ءَ پہ ناگتیں ویل ءُ مُسیبتاں کامرد کت..... 

چدو پد اے گالبند داں ھژدہ سدمی کرن ءَ ھمے وڑیں ویلاں کامرد بوت اولی جھانی مزن جنگ ءَ پیش اے پہ آرمینی راج ءِ کُشت کوش ءَ کارمرد بوھگ ءَ اَت .... 

وھدے جرمنی ءِ واک ھٹلر ءِ دست ءَ بوت جرمنی ءِ چانسلر ھٹلر کہ بوت گڑا آئی ءَ یھودی زندگ ءَ مـــان داشتگ اَنت جرمنی ءِ شھر شھر دمک دمک ءَ یھودی مان دارگ بوت اَنت 1937 ءِ ستمبر ءِ ماہ پہ یھودیاں یک ازاب دَیوکیں ماھے اَت 90 لکّ ءَ گیش یھودی سوچگ بوت ءُ سرجمیں زمین آسانی برانزاں رُژنا کتگ اَت اے شپ ءَ را آ کرسٹل نائیٹ ءِ نام ءَ یات کن اَنت. .... .... ھمے ویل ءَ پد لبزHolókauston ھولوکاسٹ بوتHolocaust.... پیسرا پہ آپت ءُ مسیبتاں کامرد بوتگ اَت نوں پہ یھودیاں کارمرد بوت... ھولاکاسٹ بزاں سرجم ءَ سوچگ .... ھلاس کنگ

1945 ءَ دومی جھانی مزن جنگ ءِ مردم وریں ویلاں پد چندے مردکو یکجا بوت ءُ Human Right گالبند اش ساتک پرچا کہ نوں سرجمیں دنیا ءِ انسان چک چین بوھگ ءَ اَت ءُ آھانی آزاتی پچ گرگ بوھگ ءَ اَت آھانی ملک ءُ زمین برگ بوھگ ءَ اَتاں...ھر دور ءُ باریگاں ھرسال ءُ ماھاں پہ انسانانی ھکّ ءُ آھانی آزاتی ءُ واکی ءِ ھاترا رژناہ رُژناھیں گالبند سازی ءِ ھنر روچ ء مرچی ھم برجاہ اِنت بلے دومی نیمگ ءَ کُشت ءُ کوش ھکّ وری چُک چینی گیش بوھان اِنت . 

@IbneSheen