تَرّیں واب

 تَرّیں واب

                      نصرت آزاد

شپءَ وابءِ توکا وتی شلوارءِ تر کنگ ھچ ھرابیں کارے نہ اِنت بلکں اے تئی صحتیابیءِ نشانی انت۔ اشیءَ انگلش Wet Dreamsءُ میڈیکلءِ زبانءَ Nocturnal Emission گُش انت۔ اے زلوری نہ انت کہ ما وتی وابانی توکا براھنگیں چیز بہ گندیں یا گوں دگہ یکےءَ وپتءُ واب کنگءَ بہ بئیں گڑا نی ما "شیتانی" بئیں۔ باز رندءَ ما ھچ واب نہ گندیں بلئے انگت وتی شلوارءَ تر کن ایں۔ اشیءَ سوب اے بیت کنت کہ ما وپتءُ واب نہ کُتگ یا مُٹ نہ جتگ گڑا مئے "اسپیدگ" کُہن بنتءُ آہانی درآھگ لازُم بیت تاکہ نوکیں بئیت۔ 

مئے کرّءَ باز رندءَ مردم ھمے گُش انت کہ ایوکءَ مستیں مردم شیتانی بنت یا ھما مردم کہ مُدام وپتءُ وابءِ باروا جیڑ انت بلئے اے دراہ وتسریں گپ انت۔ شیتانی بئیگ یک normal ایں چیزےءُ اے ایوک بچکاں گوں نہ بیت بلکں گوں جنکاں ہم بیت۔

من یک میڈیکلءِ آرٹیکلے ونت من آئیءِ لہتیں پوائنٹ شمارا گُش آں۔

1: شیتانی بئیگءَ چہ مئے اسپیدگ کم نہ بنت۔

2: جنین ہم شیتانی بنت

3: شیتانی بئیگءَ پہ ناں مئے "سامان" کمزور بیتءُ ناں مئے جند

4: الم نہ انت کہ مُٹءِ جنگءَ یا وپتءُ واب کنگءَ گوں شیتانی بئیگ بند بہ بیت۔ انگت مردم بنت۔

5: ھمک مردم شیتانی نہ بیت۔

6: شیتانی بئیگ الم نہ انت کہ پہ براھنگیں وابانی گندگءَ گوں بہ بیت۔

7: دیم پہ چیر وپسگءَ مردم گیشتر شیتانی بیت کن انت۔

اے درستیں گپاں گوں ھمے زانگ بیت کہ شیتانی بئیگ نارمل ایں چیزے۔ اشیءِ واستہ پشلءُ پریشان بئیگی نہ انت۔ بلکں اے تئی وپتءُ وابی زندگیءِ مُہکمیءِ نشانی انت۔ اگاں تو سُہبءَ پاد اتک ئے تہ دیست کہ تئی شلوار تر انت یا ھمے وھدءَ پاد اتک ئے گڑا اے واستہ پشل مہ بی. مئے کرءَ اے بلاھیں ھرابیں کارے گُشگ بیت پمشکا باز رندءَ ما گندیں کہ بچک شپءِ نیمءَ وتی شلوارءَ شودگءَ باں پرچا کہ آ نلوٹنت کہ لوگءِ مردم سرپد بہ بنت بلئے اے مئے وتی ناسرپدی انت۔