سکس ءُ بلوچ ءِ چاگردی لیکہ

سیکس ءُ بلوچ ءِچاگِردی لیکہ

سجاد اَسد           

گوستگیں روچاں گوادر ءِ توار  ءَ شنگ بوتگیں نبشتانکانی تہا گیشتر وانگ بوتگیں نبشتانکانی لڑ شنگ کتگ۔ اے لڑ ءِ تہا اولی سرحال سیکس ءِ بابت ءَ اِنت۔ ھمے لڑ ءُ ھمے سرحال ءِ سرءَ باز گپ ءُ تْران بوھگا اِنت ءُ مڑاہداریں دوست وتی ھیالاں درشان کنگ آں اَنت ۔ من ھم ھمے سرحال ءِ بابتءَ لہتیں گپ جناں بلے لہتیں ریفرنس ءَ چہ. 

نامداریں فلاسفر ءُ نبشتکار وِل ڈیورینٹ وتی کتاب فالن لیوس ءِ تاک نمبر چاردہ ءَ، آن سکس  ءِ اندرءَ نبیس اِیت؛

"وھدیے بنی آدم ءِ بنکی لوٹ بزاں ورد ءُ وراک ءُ پیسہ ءِ واھشت کہ سرجم بیت گڑا آ وتی دیم ءَ پہ سیکس ءِ نیمگ ءَ دنت ۔

"وِل ڈیورِنٹ دیمتِر ءَ گشیت بنی آدم ءِ اولی زلورتاں چہ یکے وردن ءُ وراک اِنت ءُ ایشی ءَ چہ رند یک زلورت ئےِ سیکس اِنت بلے وردن ءُ وراک ءِ یک مول ءُ مُرادے  ھم پہ سیکس ءِ ھاتر ءَ تیار بوھگ اِنت ءُ چہ اے مول ءُ مُراد ءَ پد دومی لوٹ  وتی چک ءُ اولادانی نگہبان بوھگ اِنت۔ پہ ھمے لوٹ ءُ گزرانی ھاترءَ جِتائیں مذھباں آروس ءُ سور ءِ ترتیب ٹہینتگ کہ سیکس وَ بہِ بیت بلے چک ءُ اولادانی کساس گیشینگ ءُ دارگ بہ بیت  ۔۔۔۔سیکشوئل سینسیوٹی ءِ ایر جنَئگ  ازم ءِ بزاں آرٹ ءِ یک بُنکی روتگۓ بُرّگ بیت ۔۔۔ بلے اگاں انسان وتی شعور ءُ جسم ءَ را وتی حیالانی دارَگ بہ سِکارینیت  گڑا آ سیکس ءَ را ھدّے ءَ داں داشت کنت ۔ 

لہتیں سنگتاں اے گُشتگ اَت کہ چوکہ سیکس مۓ چاگردءِ تہا پابندی ءِ زمزیلاں گوں بَندوک اِنت پمیشکہ اے سرحال گیشتر وانگ بیت  گڑا اے پابندی ءُ آزاتی ءِ بابتءَ نامداریں نبشتکار ءُ فلاسفر برٹِرنڈ رسل وتی واناک  ایجوکیشن اینڈ سوشل ڈساٹر ءِ تاک نمبر نو ، سکس ان ایجوکیشن  ءِ توکا نبیس اِیت؛

" اے گپ الّم ءَ یات دارَگ بَہ بیت کہ ہما آزاتی ءِ کہ گپ جنئگ بیت گپتگیں آزاتی چہ گپ جتگیں آزاتی ءَ مدام زیات بیت"۔ ءُ اگاں ما اے گپ ءَ بِہ جیڑایں کہ پرچا ھمے سرحال چہ دُرساں گیشتر وانگ بوتگ گڑا ایشی ءِ پسو برٹرنڈ رسل ءَ اے رنگ ءَ داتگ؛ 

" انسانءَ وتی علم ءُ زانت دو بہر ءَ بہر کتگ بزاں شرّیں زانت ءُ ھرابیں زانت۔ سیکس ھرابیں زانت ءِ تہا شمار کنئگ بوتگ ، داں انسان کسان اِنت گڑا آئی جہد ھمیش اِنت ک آ سیکس ءِ بابت ءَ مہ وانیت ءُ مہ زانت بلے وھدے انسان مزن ءُ لائِک بیت گڑا آ سیکس ءِ بابت ءَ گیشتر وانگ ءِ ھب ءُ واھگ ءَ وتی دِل ءَ داریت"۔