غلامی ءُ نسل پرستی۔ گوادر ءِ توار

 غلامی اور نسل پرستی 

 اے نبشتانک جمعہ گوٹھ یوتھ ویلفیئر  ءِ پیسبُک تاکءَ چہ زورگ بوتگ۔ غلامی اور نسل پرستی ڈاکٹر مبارک علیءِ نبشتگیں کتابے ءُ اے ھما کتابءِ سرا چمشانکے

غلامی ءُ ذات ءُ پات ءِ شکار گیشتر افریقہ ءِ مردم بوتگ انت پرچا کہ رنگءِ بنیادءَ نسل پرستی ءِ آس ءَ تعصب گونگیں چاگردے جوڑ کتگ ات دنیاءِ درائیں مزنیں تہذیبانی تہا غلامی ءِسنچ گندگءَ کیت کہ ھمے غلام جنگانی پڑا دزگیر بوتگیں قیدی بوتگ انت یا ھما مردم بوتگ انت کہ آہانی سرا کارءُبار کنگ بوتگ ہمے انسانانی بہا ءُ شر بزاں منڈی( نہاد) لگ اتگ۔ اشانی بہا زورک بادشاہ آں بگر تاں مال دار ءُ ازگار بوتگ انت۔ ھمے مردم بھا زیرگ بوتگ انت گڑاں اشاناں لوگی کسبءُ کاراں بگر تاں وتی ذاتی گارڈ ءُ ملکیت مال ءُ دلوتانی چاردلگوش کنگ ءِ ذمہ داری دیگ بوتگ انت۔ ھمے وڑا غلامانی بھا ء ُ زورگءِ واستہ یک ادارہ ءِ اوں جوڑ بوتگ ھمے وڑا ھمے غلام ذاتی ملکیت ءِ بنیادءَ قبول کنگ بوتگ انت پمیشکہ ہما زمانگاں ہمے غلاماناں انسان منّگ نہ بوتگ بس چو ذاتی ملکیتءِ ھاترا زیرگ ءُ کار بستگ اِش ۔

افریقہءُغلامی

دنیا ءِتہا درستاں چے گیشتر افریقہ ءِ غلام تکلیف ءُ پریشانیءِ تہا بوتگ انت بندات ءَ افریقہ ءِ غلامانی سکیں مزنیں ڈیمانڈے بوتگ پرچا کہ افریقہ غلامانی دروشمءُ باڈی ڈیل ءُ ڈول انچوش بوتگ انت اشانی بہا زورگ ءُ ریٹ اوں ھمے بینادءَ ایر کنگ بوتگ انت مشرقی وسطیٰ ءُ برصغیر ھندوستانءَ افریقی غلامانی یک مزنیں ارزشتے بوتگ ۔ھمے غلام درباری بوتگ انت واجہ ءُ بادشاہانی استقبالءِ واستہ ءُ مال ءُ مڈیانی چارءُ دلگوش کنوک ھمے غلام بوتگ انت ۔ اے ھبر اوں راستے کہ افریقہءِ غلامانی بہا ءُ شر ءِ تھا اسپیت رنگیں راجانی تاجر ایوکءَ ھوار بوتگ انت بلکیں ایشیءِ تھا افریقہ ءِ جندے تاجرءُ مالدار ریاستانی حکمران ءُ باشاہ ھوار بوتگ انت چہ افریقہ ءَ غلامانی آرگ ءُ غلامانہ تصورءِ  مستریں مول ءُ مراد اے بوتگ کہ ھودے ملکیت ءَ را وتی کنٹرولءَ کنگ ۔امریکہءِ زمین کہ آ کار گِرگ نہ بوتگ ات کہ آئیءِ تہا چیریں دولت کہ زمینانی تہا کل اتاں تانکہ آہانی گیش ءُ گیواری ءِ ہاترءَ کمککار بہ بنت ۔

ھمے وڑا پٹ ءُ پولکار اینگلزءَ وتی کتاب (اینٹی ڈیورنگ ) anti duehring ءِ تہا نبشتہ کتگ کہ غلامی ءِ سبب ءَ راعت کشت کشاری ءِ نظام دیما اتکگ ءُ اشانی تقسیم کاری اوں چہ ھمے غلامیءِ سبب ءَ گیشنگ بوتگ ءُ اگاں غلامی مہ بوت انت گڑاں ھچ یونانی ریاست ءِ وجود نہ بوتگ ات گڑاں  رومی امپائرتشکیل دیگ نہ بوتگ ات غلامیءِ مسئلہ ءُ نسل پرستی ءِ جیڑہ ءَ را پمیشکہ نظر انداز کنگ بوتگ ات پرچا کہ مغربی چاگردءِ معاشی وابستگی ھوار بوتگ انت ۔ 

 غلامانی آ زمانگ ءَ ھچ وڑیں خاندانی نظام نہ بوتگ پرچاکہ ایشیءِ واستہ سور ءُ سانگ المی بوتگ اشاناں پہ آروس کنگ ممکن نہ بوتگ اشاں کارءِ دوران ءَ ہرکس ءَ گوں تعلق جوڑکتگ ءُ زندگی کتگ اشانانی واستہ  ناں رسمءُ رواجے بوتگ ءُنیکہ اعلانءُ جارے ۔۔

دومی دردءِ گپ ایش انت کہ ھمے غلام اگاں بھا زیرگ بوتگ انت گڑاں برے برے جن ماں دگہ سیٹھ ئے ءَ مرد دگہ مالدارےءِ لڑا اتکگ بزاں ایشانی ھمے چک اوں بھرءُ بانگ بوتگ انت ۔

غلام ءُ میرون !!

غلام باز تُرندیءُ جنجالانی تہا بوتگ انت اشاناں پہ زور جسمانی کارگرگ ءُ دم برائینتگ بوتگ کہ اے دگہ ھچ کت مکناں مہ جیڑ انت ۔ءُ اشانی تہا مزاحمت ءِجزبات ھلاس بہ بیت اشاناں بس کار کنگے مشین لیکگ بوتگ ۔

اگاں ما بچاریں راجدپترءِ تہا غلامانی باز مزنیں بھرے است انت بلے اشانی  جہد ءَ ھچ وڑا سوب مندی نہ رستگ ۔

سفید فام اشانی واجہ آقا لیکگ بوتگ انت پرچا کہ مالدار ہما بوتگ انت آہاں کہ بھا زرتگ انت گڑاں گوں ھمے سیاہ رنگیں انساناں گوں رویہ مالکانہ بوتگ ۔

غلامی ءِ آسری تحریک بندات ءَ برطانیہءَ چے بُنگیج بیت۔ یورپءِ مردماں غلامانی سرانا انصافیءُ ظلم کہ دیست گڑاں اشاں ہمے ادارہ ھلاس کت انت کہ ھودا سیاہ پوستانی بہا ءُ شر بوہگءَات ۔اشاں آواز برز کت۔

ھمے نسل پرستی ءُ تعصب سک کامن ات اشاں ھچ وڑیں شخصی آزادی نیست ات گڑاں انسانی لوٹانی ادارہ دیما اتکاں ھمے جبرءُ تعصب ءِ ھلاپء آواز برز کت ۔

ھمے وڑا نسل پرستی ءِ آس ءَ باز دگہ ملکانی تہا اوں اثر دور دات ءُ ھندوستان ءِ تہا نسل پرستی ءِ رجھان ودّ اِت ھودا ریڈ انڈین ہاں  بندات ءَ برطانیہ ءِ مردماں ھودے مردمانی تہذیب ءُ روایت ءُ چیزانی تعریف اشانی سرا قابض کنگءِ واستہ یک ڈرامہ ات ۔

پدا رندءَ ھمیشانی سرا مسلط بوت انت ءُ وتی کلچرءُ زبان  دیما آؤرت انت ءُ اسپیت ءُ سیاہ یاکہ شرتر ءُ ھراب ترء ِ نعرہ جنگ بندات کت ۔

آسڑیلیاءِ غلامی ءُ ھودے مردمانی لیکہ چہ 1978ءَ دیما اتک اشانی تہا ھما سفید فام کہ اےھما اتاں اشانی زندگی برطانیہ ءِ مردمانی زندگیءَ چے مختلف ءُدگہ پیم ات ۔ادءِ مردمانی واستہ ھوریءَ زندگی گوازینگ یک مشکلیں جیڑہ ئے ات  پمیشکہ اشانی تہا آؤکیں مردم گیشتر مرد اتاں ءُ ھمیشاں زالبولانی گوما نہ شریں کارکت ءُاغوا کت انت۔

منت وار: