فرانز کافکا ءِ گدار "مقدمہ" ءِ سر ءَ چمشانک

کِتاب         مقدّمہ (the trial)

نبشتہ کار       فرانز کافکا

چمشانک         اکرم راز

"زورآوریں ھلکے ءِ تہا سَتر تؤ راست بہ بئے بلے ھَردیں تو تہنا بوت ئے تاں مَرگ بے مِنّت اِنت "

فرانز کافکا ءِ گِدار  "مقدمہ " (The trial)  ھم انچوش اِنت ۔ اے ھم ھنچیں چاگردے ءِ کِصّہ انت کہ تئی راست ءُ  ھَک بوھگ معنا نَہ داریت  اگاں تئ دَست درْاج بوت زِند ھم گُوں تؤ وپا کَنت اگاں لُک بوت زِند ھم ترا مان نیاریت۔۔۔

اے گَپ راستے کہ موت ہرکسی سرا بَر ھک اِنت بلے منی نِزاں زوراکیں چاگردے ءِ تہا  نِزورین ءِ  سرا گیشتِر ۔۔

اے گِدار ءِ کارست جوزف k اِنت کہ بینکے ءِ تہا کار ءَ اِنت ۔ یک پُرمولمیں سُہبے ءَ  لھتیں تمْردیں مردُوم کئیت جوزف k ءَ  لوگ ءَ  چہ آوار جَناں ءُ  دزگیر کن اَنت ۔ جوزف k ءِ رَدی بَس ھمیش اِنت کہ نَزاں منی گُناہ ءُ  میار چی اِنت  بہ گِندئے سَرپد بوتیں تاں دِگا راہ ءُ  درے پہ وتا گِچین ئے کُت اِیں ۔

 وھدے آوار جنوکاں جُست کَنت تاں آ ھم ھِچ نزاناں بَس ھمے گُش اَنت "مارا تئی دزگیر کنگ ءِ گُشْگ بوتگ "

 

روچ گْوزان بَنت k ءَ  وتی کار ءُ  کَسبانی کنگ ءِ  موہ دیگ بیت بلے کِیس انگت برجاہ اِنت ۔

جوزف ھمے دِل ءَ جیڈیت کہ من کسّی کار ھراب نہ کُتگ اَلّم روچے ناں روچے  اے کزاہ ءَ چہ رَکّاں پمشکا وتی کیس ءِ  واستہ بازیں تَگ ءُ  تاچ نہ کَنت ۔بلےگُش ئے زاناں وھد ءِ  پیچ ءُ  تاباں چہ آشناہ نہ اِنت ۔

روچ ءُ ماہ گوْزان بَنت یک روچے جوزف k ءِ  ناکُو k ءِ  کیس ءِ  بابت ءَ  سھیگ بیت تاں سَک اَبِھکہ ءُ  تکانسر بیت کہ اے کیس ءَ  اگاں آمِدگِس مارا میاریگ بہ کنت تاں کُجام دیم ءَ  گُوں وتا مَردُماں  پیش داراں ۔  ھمے ھاتِرا ناکو جوزف ءِ  کیس ءَ  وتی کوْھنیں وَکیل اِیں سنگتے ءِ  دَست ءَ  دَنت ۔  وھد گوْزان بیت وکیل ءِ  مَکر ءُ ھُنر باز بَنت۔ بے میاریں k ءِ  تَب ءَ  نہ کپیت پمشکا ھَردوینانی  راہ جِتاہ بیت ۔

یَک روچے اَناگہی دُو مردُم کئیت جوزف k ءَ زوراں ءُ  روان بَنت ۔ k بِنداتی روچ ءَ  بِگِر  داں  روچ ئے مروچی  نَہ زانت منی گُناہ چی اِنت ۔   دو اِیں مَردوم k ءَ  یَک کوہستگ ءُ  ویرانگیں دَمْگے ءَ بَر اَنت کہ چَمّاں شانک دئے بیدئے سِنگاں چہ اَبید ھِچ نیست اِنت ۔ 

بِگندئے آ جاہ ھمیش اِنت k ءَ  اِنصاف دیگ بہ بیت ۔ 

کوہستانیں دمگ ءِ  تہا اَناگہی k ءِ چَم  دُور یَک سِنگے ءِ  سَرا جوڈ بوتگیں لُوگے ءَ  کَپنت۔ کہ آئی ءِ دَریگ ءِ  پَچ بئیگ ءَ گُوں آئی ءِ تہ ءِ روژناھی ءَ  سَماہ کَنت ۔  تاں دَستاں آئی ءِ نیمگ ءَ  ٹال کَنت ءُ  گُشیت ۔۔ اِے کئے اِنت؟ منی دوست ئے ؟  رھم دِلیں اِنسان ئے ؟ کسے منا کُمک کنگ ءِ واھگ داریت ؟ آ مَرد تہنا اِنت؟ یا درست ھمودا آں ؟  کُجا اِنت ھَما جَج کہ کَدی نَہ دیستگ ؟  کُجا اِیں ھما مَزنیں آمِدگِس کہ کَدی  آئی ءَ  دَست نہ رَست آں ؟ 

پَدا وتی دَستاں  بُرزا کَنت ۔

دویں مَردومانی تہا یکے دو رَندا k ءِ  سینگ ءَ  کارچ جَنت۔ k ءِ چَم ملار بْیان بَنت۔

"  کُچَکی موت" یکے  گْوشیت  ۔۔۔۔۔۔۔