گوادر، ہیسائیانی 200 سال کوہنیں کبرستان

 گوادر، ہیسائیانی 200 سال کوہنیں کبرستان

شےھک بلوچ

گوادر، بلوچ وارڈ ءِ تنکیں دمکانی تہا چیر تراِتگیں میراس ءُ بار گپتگیں ہیسائیانی کبرستان کہ ھندی جامنندیں مردمانی گُشگءِ ردءَ اے دوسد سال کوہنیں کبر بوتگ انت۔

ھندی جاہمنند ناکو دلمراد ءِ لوگءِ دیوالءِ تہا ہیسائیانی دینی پجارءِ نشان انگت مِک انت۔ ناکو دلمرادءِ گُشگءِ ردءَ آئیءَ باز برءَ گُشگ بوتگ کہ اشییءَ نو ڈرین بلے آئی ءَ پرے ھاترءَ نہ ڈرینتگ کہ اے کوہنیں یاتگیریں نشانیے۔ ناکو دلمراد گُشیت 'منی یاتءَ 50 سال اِنت کہ اے نشان ھمدءَ مِک انت بلے چوش کہ نزیکیں کبرانی سرءَ نبشتگینانی رِدءَ اشییءَ 200 سال بیت'

ناکو دلمراد گُشیت کہ داں مزنیں مدتےءَ چہ دور دورءَ انگریز ادا اے جاگھہءِ چارگءَ اتکگ انت ءُ آہاں کبرانی سرءَ دوا ونتگ ءُ پُل ھم ریتکگ تا ھما وھدءَ دیر دیرءِ سرءَ آہانی رو آ بوتگ تا جاورھال سک ھراب نہ بوتگ انت۔

ھمے ہیسائیانی نشانءِ نزیکءَ لوگےءِ دیوالءِ تہا کوہنیں ہیسائیانی کبر ھم بوتگ انت بلے نو بار گپتگ انت۔

اے نشان ھم نو ڈُر اِتگ ءُ کپگی انت۔ اگاں آؤکیں چندیں سالاں اشییءِ نیمءَ ھئیال گور کنگ نہ بوت ءُ ھئیال دارگ نہ بوت گڑا اے ھم گار بیت۔

ویڈیو رپورٹءِ چارگءَ پہ لنک  https://youtu.be/prgpEYTFKVU

@ShayhaqBaloch8