کاشی جمپ
بھرام بلوچ
 |
| منت وار: بھرام بلوچ |
کاشی جُمپ دشت ءِ دمگ بل نگور ءِ یک کوہنیں میراسے کہ ادا ائدی زندءِ نشان ھست انت۔ چہ واجہ ایساءِ دہرءَ سے ہزار سال پیش ھم ادا انسانی آبادی بوتگ۔ مروچی ھم اے جمپ ءِ سرءَ کوہنیں کاشیگانی ٹُکر ھست انت۔
1980 ءِ دھکءَ پرانسءِ زانتکارانی ٹولیےءَ ادا تر ءُ تاب کُرتگ ءُ کُونڈگءِ کارءَ چہ نشانی درگیتکگ انت۔ نگور ءُ دشتءِ بازیں دمگاں چُشیں کوہنیں میراس ءُ نشانی ھست انت کہ اودءَ مرچیءَ چہ ہزاراں سال پیش انسانی آبادیءِ نشان گندگءَ کاینت۔
چندیں سال پیش لہتیں ٹولیاں پہ ھزانگءِ شوہازءَ اے وڑیں بازیں جاگہانی کونڈگ ءِ کار کتگ ءُ درگیتکگیں میراس پہ کمکیں زرءَ بھا کُتگ انت ءُ اے وڑیں گاریں میراس گوں بے دردیءَ تاوان داتگ انت۔
ءُ اے کار تا مزنیں مدتےءَ برجا بوتگ بلے میراسانی رکینگءِ ادارگ ءُ شھرستانی واکداراں ایوک ندارہ چاری کُتگ ءُ اشانی رکینگ ءُ دارگءِ گرءُدار ءَ بے سوب بوتگ انت۔
ھما وھدءَ تا چیزے نشانیگ ھست اِت انت اے دزی ءُ کونڈگءِ کار ھم برجا اَت۔ بلے انگت اوں پروشتگیں کلنڈیانی ٹُکر ءُ تراشتگیں سنگ ادا یک ائدی میراس ءُ دودمانےءِ کَل بوئگءِ جارءَ جنگءَ انت کہ چتور بے وسی ءُ بے واکیءَ دُزگ بوتگ انت۔۔۔۔
رجانک: جاوید بلوچ
یوٹیوبءَ چارگءَ پہ تامرُک ءِ لنک
No comments:
Post a Comment