نسیر آباد کتاب میڑہءِ مُز کتاب جاہے واب
نسیر آبادءِ ورناہ ءُ نودربر کتاب میڑہے برجم دارگءَ انت ءُ اے میڑہءَ بھا بوتگیں کتابانی مُزاں چہ پبلک لائبریریءِ جوڑ کنگءِ واھگدار انت۔
نبشتہ کار ءُ ھال ھوال آن لائنءِ شونکار آبد میرءِ ردءَ نسیر آبادءِ ورناہ ءُ نودربر ا6 ءُ 17 جنوریءَ نسیر آباد لبزانکی گل ءِ نیمءَ چہ یک دو روچی کتاب میڑہے جم دارگءَ انت۔ اے کتابانی بھاءِ مُز ءُ سَر اتکگیں کتاباں گوں لس مہلوکءَ پہ کتاب جاہے جوڑ کنگ بیت۔
بلوچستان ءِ ھر دمگ ءُ کُنڈءَ کتاباں گوں مھرداروک بے کساس ھست۔ ءُ کتاب میڑہانی ربیت ھم بلوچستانءَ مھکم اِنت کہ چدءُ پیش گوادر کتاب میڑہ، نوشکی ءُ پنجگورءَ ھوار آوارنءَ ھم جم داشتگیں کتاب میڑہانی سک ستا کنگ بوتگ۔
گوادرءِ توار اے کتاب میڑہءَ پہ نسیر آبادءِ ورناہ ءُ نودربرانی ستا کنت ءُ وتی نیکیں واھگاں درشان کنت ءُ سوبمندی ءِ دواءَ کنت ۔
منت وار آبد میر
No comments:
Post a Comment