خلائی مہلوک

خلائی مہلوک

سجاد اسد

بنی آدم  ءَ وت ءَ را دائم چہ دنیاءِ دگہ مہلوکءَ شر تر ءُ زانتکارتر پہم اتگ ۔ وتی پگر ءُ  علم ءِ سرا مزن شانی کتگ۔ بلے ھمے علم و زانت ءَ بنی آدمءَ را مرچی یک دگہ جست ءُ ترسےءِ آماچ کتگ کہ آیا دنیاءِ زانتکار تہنا آ وت انت یا دگہ زانتکار ھم است؟

 اگں ھست گڑا آ کجا اَنت؟

 آ چے کنگءَ اَنت ؟

 آ بنی آدم ءِ وڈءَ زانتکار انت یا گیشتِر یا کمتِر ؟ آہانی رنگ و دروشم چون بنت؟

 باریں آھاں مارا چہ گیشتر دیمرئی  کتگ یا کمتر ؟ اے درستیں پگراں یک نوکیں ھیالے بنا ءُ ودی کتگ ۔ ھیال کہ alien یا (unidentified flying object (UFO گشگ بیت یا خلائی مہلوک بزاں دگہ دنیاءِے مردُم ۔ 

اے دگہ دنیاہانی مردمانی ھئیال بزانکہ ایلیئن ءِ ھئیال بنی آدم  ءَ کساس 80 سال ساری کیت ءُ ھمک دھر ءِ زانتکاراں وتی ھیال و لیکہ داتگ انت ۔ 19ئمی کرن  ءِ  نامداریں سائنسدان البرٹ آئنسٹاہن  ءَ گُشتگ کہ "مئے زمین  ءِ وڈیں بے ھساب دگہ سیارہ ھست گڑا الم اشانی سرا زند ءُ زندگی ھم ھست بیت ۔ دنیا ءَ بنی آدم تہنا نہ انت۔"

ھمے Alien ءِ پگرءِ آماچیں بنی آدم وسرءَ ھئیال کنت ءُ گشیت کہ آزمان ءِ دیما ufo بال انت ءُ alien زمین  سرا اتکگ ءُ شوتگ اَنت ۔ بلے رندترءَ پٹ و پولءَ اے زانگ بوتگ کہ ھما مردماں کہ اے جار جتگ کہ زمینءِ سرءَ دگہ دنیاہانی مردم اتکگ ءُ شُتگ انت اے گیشتر شپ چر ءُ نشئ آں ءُ اے گپ درست دروگاں ۔

بلے سائنس انگت وتی جہد  ءَ کنگءَ اِنت کہ دنیاءِ تہہءِ دگہ مھلوکاں شوہاز بہ کنت ۔ اے جہد  ءِ ھاترءَ 1977 سائنسدان یک خلائ میسجے جوڑ کن انت ءُ خلا  ءِ تہا شنگ کن انت کہ بلکیں کسے اے کلوہءَ اش بہ کنت ءُ پدا دگہ کلوہے راہی بہ کنت ۔ انسان  ءِ روان داتگیں کلو  ءِ تہا دنیا  ءِ 55  زبانانی دروت ، سازءُزیمل ءُ لہتیں اکس ھوار اتاں بلے کس  ءَ انگت پسو نہ داتگ انت ۔

 1977ءَ بنی آدم  ءِ روان داتگیں کلوہ  ءَ پیسر یک سکیں ترندیں سگنلزے زمین  ءَ سر بیت   ءُ 72  سکینڈ تا رژنا بیت ءُ پدا گار بیت ۔ مروچی تک بنی آدم نہ زانت کہ اے سگنل کجا چہ اتک ، کےءَ دیم داتگ؟ ترس ءِ آماچیں بنی آدم  ءِ 20می کرن  ءِ نامداریں سائنسدان  Stephen Hawking گشیت " alien اں در مہ گیج اِت چیا کہ اگاں آ مارا چہ گیشتر زانتکار بہ بنت گڑا آ مۓ زمین  ءَ آوار جن انت  ۔" 

بلے بنی آدم وتی جہد  ءَ یل دیگ  ءِ وڈا نہ اِِِنت۔ بنی آدم ءَ نوں باز ھئیال درشان کتگ ۔ چوش کہ                         بیت کنت کہ ایلیئناں وت ماں وت جنگ کتگ ءُ مرتگ ھلاس بیتگ آں ۔ یا بیت کنت کہ alien دنیا  ءِ یک کنڈے  ءَ ھست آں بلۓ  مئے گون بنی آدمءَ ھال احوال کنگ  ءَ نہ آں ۔ یا بیت کنت کہ alien ھست آں ءُ بنی آدم  ءِ گون ءَ ھال احوال کننگ آں بلۓ انسان پہمگءَ نہ انت ۔ یا انگت اے ھم بیت کنت کہ alien زمین  ءَ بیتگ ءُ شُتگاں بلۓ ما ادا نبیتگ آں ۔یا اے ھم بیت کنت alien  ھمدءَ آں بلۓ بنی آدم نہ زانت ۔

گپ  ءِ مکسد اش انت کہ بیت کنت کہ بنی آدم ءَ ابید ھم دگہ زانتکاریں زند ھست ءُ اگاں ھست بیت کنت کہ روچے ناں روچے آ گوں بنی آدمءَ گوں دچار بہ کپ انت۔ باریں پدا چے بیت ؟۔۔۔ دوہیں بنت ، یکیں بیت یا کس نہ بیت ؟

@Sajjad13931481