گوادرءِ لوکل، نا ھکّی یا شمبوءِ شگنز؟

 گوادرءِ لوکل، نا ھکّی یا شمبوءِ شگنز؟

شریپ ھسن

انچش کہ شُما سرپد اِت کہ گوادر ءِ نودربر ہر سال بولان میڈیکل کالج ءِ سیٹانی واستا یک اڈ ءُ جنجالےءِ آماچ بنت...ھمے وڑ اے رندی ھم انچُش انت۔

بولان میڈیکل کالج بلوچستان ءِ یکیں میڈیکل کالج انت ادا کوٹہ سسٹم اِنت کہ سیٹ District Wise  بھر بنت، ھر ڈسٹرکٹ ءِ  آبادی ءِ ھساب ءَ سیٹ دیگ بنت.. چوش کہ گوادر ءِ پیسر ءَ سیٹ چار بوتگاں مرچاں ہمے سیٹ گوں آ دگہ میڈیکل کالجانی ھمراهی ءَ نو دانگ انت ...گوادر آ دگہ ڈسٹرکٹاں چے وانگ ءَ  بلوچستان ءِ تہا سک پُشتءَ انت..

 ادا میرٹ ھم ھرچ وهد ءَ سک جال بوتگ...گوادر ءِ اگاں تو شہر ءِ گپءَ بجن ئے گُڈا ادا ترا سک کم ھسابءَ وانوک گندگ ءَ کیت۔ کدّءِ گوادرءِ آ دگه تحصیلاں ، یکے وَ اش انت کہ ادا هما تبکاءِ مردم اَنت کہ ها گیش وتی لاپءَ  نہاں.. سھب ءَ پادا بُرو دریاءَ شپ ءَ واتر بہ بئے.... دومی تبکا ءِ هاپ ءُ لاپ ایں مردم انت  ها وتی چُکاں انٹر ءَ رند گریجویشن ءِ واستا یا وَ دیم نہ دیاں اگاں دیم بہ دینت ھم آ Private یونیورسٹی ءُ کالجاں وتی چُکّاں  وانینت کن آں....

گپ کیت میڈیکل کالج ءِ سیٹانی سرا 2016 ءُ 2017 ءَ اولی جیڑہ دیمءَ اتک وھدے یک سنگتےءِ لوکل دیمءَ اتک کہ آ گوادرءِ نہ اَت ءُ یکّیں مرد ءَ گوادر ءِ 3 لوکل سرٹیپکٹ جوڈ کتگ بوتگ ات،، یکّے پسنی ءَ چہ ءُ 2 گوادر ءِ شہرءَ چہ...یک مردم ءِ 3 لوکل پرچا ؟؟؟؟ 

مئے ایڈمنیسٹریشن انچو نالاہک انت کہ یک مردمے تو 3 لوکل جوڈ کن ئے ترا اے سُد وَ بہ بیت کہ یک مردمے 3 لوکل چے کنت ؟؟؟؟ 

بلے گپ اش انت کہ 3 ایں پت چوں رازی بنت ،،؟؟؟ اے رازی نبیت گُڈا آ رازی بیت آ نبیت گُڈا من سیمی ءَ رازی کناں ...ھمے وڑءَ بہ گندئے زاناں آ سنگتءَ ھم انچُش کتگ ات ءُ آئیءِ پُشتءَ ویٹنگ ءَ بوتگ ایں سنگت کہ گوادرءِ لوکل اَت یک سیر ءُ ازگاریں لوگےءَ چہ سیادی داروکے پمیشکہ اے کیسءَ پد آئیءَ دگہ یک مزنیں شھرےءَ شُت ءُ دگہ یک شاہ دربرجاہےءَ داکلہ زُرت. اے سنگتءَ گوادرءَ کیس ھم کُت ءُ سبوت دُرو جما کُت اَنت ڈی سی ءِ هوالاءَ کُت انت بلے زاناں دیمءِ مردم گیشتر توانا ءُ پاور داروک ات انت زاناں کہ ادا مردءَ باج بُرت ءُ 3 ایں لوکلانی تہا 2  کینسل بوت انت...

 پدا کیس شُت بلوچستان کورٹ ءَ. گُٖڈ سرءَ پیسلا ڈنی سنگتءِ هک ءَ کورٹ ءَ دات ءُ گوادر ءِ  لوکل سرٹیپیکٹ ءَ چہ یکّے کورٹ ءَ بهال کُت...

مئے نودربر گل مُدام وتءَ نودربرانی سرپرست گُشنت کہ ما اسٹوڈنٹانی ھکّانی سرا گپ جنیں بلے اے ٹاہم ءَ کس دیمءَ نہ اتک نا یکّے ءَ اشییءِ ھلاپ ءَ پروٹسٹ کُت ناں وتی ھالتاکےءَ بیانے دات... مئے دگہ یک وش بھتیے اش انت کہ ما مُدام ھمے چیزءِ سرا پھر کُتگ کہ  مارا پلاں پلاں مردم گوادرءِ نودربرانی ھمرہ انت یا مئے مردم انت۔ چُشیں نامے ھست ئے بلے اے کیسءَ درست پدر کُت انت کہ کے چنچو آپءَ اِنت۔

اے کسّہ هلاس نہ بوت کہ دگہ جیڈاہے اتک کہ ڈنی دگہ شھرےءِ جنکےءَ گوادرءِ سیٹے بُرت.اشییءِ دیم ءِ مردم گوادرءِ مزن نامیں سیاستدانےءِ جنک اِت۔ پدا اے جیڑہءِ سرا ھم کیس بوت رندءَ ھمے سیاستدانیں واجکارءَ پشل پشلءَ کیس واتر زُرت چیاکہ ھما ڈنیءِ لوکلءِ سرءَ سیگنیچر واجہءِ جندءَ کُتگ ات۔

نو اتکگ اے کیس  2020 ءَ BMC ءِ ایڈمیشن بوت اَنت میرٹ لسٹ اتک پدا دگے یک ڈنی سنگتے ءِ نام ھمے لسٹ ءَ مان انت گوں. اے واجہ ھم گوادرءِ اسل جاہمنند نہ اِنت....گوادرءِ دروگیں لوکلے جوڈ کُتگ....  مرچاں سیٹ گیش کنگ بوتگاں 9 سیٹ اَنت ..... نومی پوزیشن ءَ خورشید چہ پانوان ءَ ءُ دهُمی پوزیشن ءَ مُرید خالد چہ پشکان ءَ۔ اِشانی نام میرٹ لسٹءَ گون انت گوں. اے دُویں کیس کنگ ءَ انت ءُ  کیس Dc Office گُوادر ءَ بُوئگءَ اِنت.دُراهیں سبوتاں ابید ھم مئے ایڈمنسٹریشن پرچا لوکل ءَ کینسل کنگءَ نا انت؟

ھمے لوکلءِ سرا کہ کیس بوئگءَ اِنت سنگتاں ھمے گوادرءِ مردم درگیتکگ انت کہ چوش ءُ چُش پلانی گُشگءَ انت کہ من شمے چُک آں۔ گڈا ھمے مردءِ سوگندی بیان ھست کہ منءَ اے نامءِِ چُک نیست بلے انگت زوراک گوں گوادرءِ لوکلاں نا ھکّی کنگءَ اَنت ءُ چو شمبوءِ شگنزءَ گوادرءِ لوکل کارمرز بوئگءَ اَنت۔

ما گپ کہ جن انت گڑا گُشگ بیت کہ گوادری تاسب کن انت ....

اشییءَ ما ھک جنگ بُگش انت یا تاسب؟؟؟

وهدے ڈنی لوکل والا کایاں آهاں وتی گیرت، کوم ءُ زبان دُرا بہا کُتگاں؟ گڑا بائد انت کہ بلوچ وت وتی بلوچ ءِ ہکءَ اوں مہ جنت.

@shareef_baloc