جی پی ایس ءِ پجّار ءُ کارمرز کنگ ءِ تکنیک۔ گوادر ءِ توار

جی پی ایس ءِ پجّار ءُ کارمرز کنگ ءِ تکنیک

                                           سجاد اسد

سُہبءَ 8 بج ءَ من بس ءَ سوار بوت آں۔ 11:30ءَ منی دست ءِ گڑیال لرزاِت ءُ منا ھال ئےِ دات کہ بس پنجگور ءَ سر اِنت.   2:30 ءَ بس ءَ داشت ءُ کلینڈر ءَ آواز جت کہ نماز ءُ سبارگ بکن ئِے ۔ من موبائل چاراِت کہ باریں کجام جاگہ اِنت گڑا منا پیش ئےِ داشت کہ سوراب اِنت. بیگاہ ءِ 7 بج ءَ پدا منی گڑیال لرزاِت ءُ منا ھال ئےِ دات کہ وھد مٹّ اِتگ ءُ تئ جاگہ ھم۔ تو نوں کوئٹہ ءَ ئےِ. 

 منی دست ءِ  گْونڈیں گڑیال ءُ کیسگ ءِ سْیاھیں  موبائل ءَ چون زانت کہ من سپر  ءِ تہا اوں ءُ آ چوں منی راہ ءِ جاگہاں زانگ ءَ اَت ؟ ہمے سوچ ءُ پگر ءِ تہا من موبائل ءِ نیٹ پچ کت ءُ پولگ بندات کُت۔ نیٹ ءَ منا پسو دات کہ اے دْرس GPS ءِ کمال اِنت۔

جی پی ایس ءِ گْونڈیں پجّارے

جی پی ایس (GPS) بزاں Global Positioning System دگنیا ءِ تہا یک انچیں سسٹمے کہ آ درْستیں مردمانی جاگہاں درگیج ایت۔ اولی رندا امریکہ ءَ پہ وتی فوجیانی واستہ  جی پی ایس جوڑ کت ءُ رندا 1983 ءَ امریکہ ءَ جی پی ایس پہ دگنیا ءِ لس مہلوک ءِ واستہ ھم پُجارینگ ءَ سوبمند بوتنت. بلئے سرجمی ءَ کس ءَ کارمرز ءِ واستہ نہ دات ئےِ. 2000  ءَ جی پی ایس پہ لس مہلوک ءَ سرجم ءَ نْدرکنگ بوت۔ 

جی پی ایس چوں کار کنت ؟

جی پی ایس ءَ کار کنگ ءِ واستہ 3  چیزانی زلورت بیت۔ سیٹلائیٹ ، گراؤنڈ کنٹرول ءُ یوزر ایکویپمنٹ (User eqipment). بیا اِت ایشاں یک پہ یک ءَ چاریں۔

1۔ سیٹلائیٹ (satellite ) :

سیٹلائیٹ  زمین ءِ سرا سگنل راہ دئینت. 32 سیٹلائیٹ آزمان ءَ ترّگ ءَ اَنت پہ جی پی ایس ءِ کار کنگ ءِ واستہ ءُ ہمک سیٹلائیٹ روچے دو چکر زمین ءِ چپ ءُچاگِرد ءَ سرجم کنت۔ یک مردمے ءِ جاگہ (location) ءِ در گیجگ ءِ ھاترا 3 سیٹلائیٹ سگنل دیم دنت ءُ چارمی سیٹلائیٹ را داتگیں سگنلاں verify کنت ءُ گوْشیت کہ مردم کجا اَنت. 

2۔ گراؤنڈ کنٹرول (ground control )

گراؤنڈ کنٹرول گْوش اَنت زمین ءِ سرا جوڑ بیتگیں کنٹرول اسٹیشن ، ماسٹر کنٹرول اسٹیشن ءُ گراؤنڈ انٹینا اَنت. گراؤنڈ کنٹرول سیٹلائیٹانی جاگہ ، رواج  ءُ رپتاراں گیپت۔ 

3۔ یوزر ایکویپمنٹ (user equipment )

یوزر ایکویپمنٹ موبائل ، گڑیال (smart watch )، ءُ دگہ smart technology بیت کن انت ۔ یوزر ایکویپمنٹ سیٹلائیٹاں چہ آہوکیں سگنلاں گیپت ءُ وانیت. 

جی پی ایس ءِ کارمرز کنگ ءِ وڑ ءُ پیم:

1۔  لوکیشن locations 

جی پی ایس لوکیشن ءَ گشیت گوں. 

2۔ نیویگیشن Navigation

مردمے اگاں سپر ءَ بہ بیت گڑا جی پی ایس روگ ءُ آھگ ءِ جاگہاں گوْشیت گوں. 

3۔ ٹریکینگ Tracking 

اگاں یک مردمے یا ادارہ ۓ دگہ یک مردمےءِ سرا بہ بیت کہ آ کجا روت ءُ کیت گڑا آئیءِ واستہ ھم جی پی ایس کارمرد  کنگ بیت

4۔ میپنگ Maping 

دگنیا ءِ نکشہ ءِ ھڈ کنگ ءِ ھاتر ءَ ھم جی پی ایس ءِ زلورت بیت۔

5۔ ٹرانسپورٹیشن Transportation 

مزن مزنیں کمپنی وتی سامانانی سر کنگ ءِ جاگہ (Adress) ءَ گوں جی پی ایس ءَ در گیج اَنت.