گوادر ءِ توار شمئے ھمراداری ءَ لوٹیت

 سلامتی مھرواناں

گوادر ءِ توار بلوچی ءِ تہءَ ڈیجیٹل میڈیاءِ یک وابے کہ اشییءَ سرجم کنگءِ ھاترءَ نودربر ءُ ھاس اھوالکاریءِ نودربرانی کمک درکار انت۔ اے درگتءَ ما لوٹ انت کہ ھر دمگءُ ھاس ھر شاہ دربرجاہءَ چہ مارا انچیں ھمرادار ءُ کمک کارانی ھمراداری لوٹیت کہ آ وتی جیڑہ، وتی وانگءُ فیلڈءِ بابتءَ سرپدی، رپورٹ، نبشتانک ءُ پٹءُ پولی کاراں یا رجانکاں دیم بہ دئینت ءُ گوادر ءِ توارءِ ٹیم مستر ءُ کار جوانتر بہ بنت۔

اے درگتءَ مارا انچیں سنگت ھم لوٹیت کہ آ گوں ٹیکنالوجیءَ سیادی دار انت تاکہ مئے ویب سائٹ ءُ دگہ ٹیکنیکل کاراں کمک بکن انت گوں۔

گوادرءِتوار جھد کنت کہ وتی بُنکی راھبنداں ھر وڑءَ مھکم بہ داریت کہ آ چُش انت:-

گوادر ءِ توار یک سوشل میڈیا پلیٹ فارمے پہ گوادرءِ ءُ بلوچستانءِ چاگردی، سیاسی، وانگی ءُ دگہ جیڑہاں دیمءَ کاریت۔

گوادرءِ توار گوادر ءُ بلوچستانءِ ازم، زبان، ورناہ، وانگ ءُ زانگ ءُ آ دگہ پڑانی کاراں دیمءَ آرگءِ جھد کنت۔

گوادرءِ توار ءَ گوں ھچ وڑیں سیاسی گَل، میر ءُ واجہ کاری ءُ دگہ چیر دستیں نودربر گلّاں ھچ وڑیں سیادی نیست۔ ءُ اے وڑیں ٹولیاں چہ وتءَ دور داریت۔

گوادرءِ توار بے ریا ءُ رو آجوئیں وڑءَ ھئیالانی درشانی ءِ سرءَ بیسہ داریت ءُ کسی سرءَ ذاتی بنیادءَ ھچ وڑیں کست ءُ کینگ دارگءِ ھلاپ انت۔

بلوچی مئے وتی شھدیں زبان انت۔