بلوچ نودربرے کسّہ ءُ آئیءِ شاہ دربرجاہءِ نادراہی

 ,,چوش ہم بیت انت,

کراچی یونیورسٹی ءَ فزکس ڈپارٹمنٹ ءِ یک نودربرے (جنکے)اولی سال ءَ وانگءَ اِنت۔دو روچ پیشتر من ءَ ڈاکٹر شاھد محمود کہ فزکس ڈپارٹمنٹ ءِ سینئر استاد انت, من ءَ فون کنت گشیت رمضان بامری بلوچ صاحب مئے ڈپارٹمنٹ ءَ یک بلوچ جنکے واننگءَ انت آ مروچی کلاس ءِ تھا کپتگ ءُ بے ھوش بیتگ۔ من ءَ منی دگہ ھمکاراں بزاں کہ لہتیں دگہ جنین آدمیں استاداں آئیءِ کمک ءُ مدد کتگ ءُ ھاسٹلءَ سر کتگ۔ 

بہ گندئے آئیءِ طبیعت وش نہ انت پدا مستریں گپ اِش انت کہ آئیءَ کراچی ءَ دگہ کس سیاد ءُ وارث ہوں نیست انت, پدا حال اتکگ کہ ھمے جنکیں نودربر ءَ تپ انت, کورونا ءِ گمان انت ھاسٹل ءِ ذمہ داراں گشتگ ات کہ وتی ٹیسٹ ء بکن, بدبھتی اِش انت کہ چہ ھاسٹل ءَ در کتگ ئے ءُ راہ داتگ ئے۔ چک سک پریشان بوتگ بروت گڑا کجا بروت؟

 بہرحال سہبءَ پہ بزگی ڈاو ہاسپٹلءَ شُتگ وتی ٹیسٹ ئے کتگ۔ ھاوندءِ شکر انت کہ ٹیسٹ ءِ تھا کورونا نبوتگ گوں۔ وتی رپورٹ ءَ یک برے پدا جنان ءُ پروشان ھاسٹل ءَ اتکگ سر بیتگ۔ سہب ءَ وتی ڈپارٹمنٹ ءَ شتگ, وتی ٹیچر ڈاکٹر شاھد محمود صاحبءَ گپ ءُ تران اِش کتگ, کہ منی ٹیسٹ منفی انت منا کورونا نہ انت منا بس تپ انت, ڈاکٹر صاحب گوشیت من ءَ بُگش تئی نادرائی چی انت؟  ہمے نودربر ءَ چہ وتی لج ءَ ھچ نگشتگ, ڈاکٹر صاحب ءَ من ءَ پدا یک رندے فون کت کہ تو منی آفس ءَ بیا,

 من شتاں, ڈاکٹر صاحب ءَ ہمے بلوچیں نودربر توار جت۔ آ آفسءَ اتک وھدے من تسلا ءِ سرا جست کت کہ تو من ء وتی مسئلہ ءَ بگش تئی نادرائی چی انت؟ جنک ءِ چم چہ ارساں پُر بیتاں کہ سر من چے ترا بگشاں۔۔۔۔۔ من چہ تربت مکران ءَ یک کوچگے ءَ اتکگاں کراچی یونیورسٹی ءَ رستگاں منی پت یک غریبیں مردمے, منی وانگ ءِ فیس,منی ھاسٹل ءِ فیس, منی کینٹین ءِ خرچ, منی کتابانی خرچ, دگہ زندءِ سرجمیں اڑ ءُجنجال کجام گپاں بکناں؟ سر بامری صاحب منی نادرائی شد, گزن, بزگی, بےکسی, بےمردمی انت۔۔۔۔۔۔

من سہبءَ ورگ نہ وارتگ منی سر چکراِتگ من بے ھوش بیتگاں, گش ئے زاناں منی دیم ءَ سیاھیں شپے مانشانت, چم تھار بیتاں انچوش سما بوھگا ات منی سر اوں چکرگا ات۔ من ہوں بےھوش بوھگءَ اِتاں, ڈاکٹر صاحب ءَ من جُست کت,,ڈاکٹر رمضان بامری بلوچ صاحب کیا بات ہے آپ پریشان ہوگئے سب خیریت ھے,,؟

من گشت ڈاکٹر صاحب,,مسئلۂ اس ایک بچی کی نہیں ہے یہ تمام بلوچ بچوں کی ہے,,من جنکءِ روگءَ رند تیوگیں کسّہ گوں وتی دوستیں استاد ڈاکٹر شاھد محمود صاحب ءَ بیان کتاں,,آ سک پریشان بیت,,کہ اے وڑا پرچا بیت انت,آئیءَ اے کسہ وتی لوگ بانکءَ کہ وت بانٹنی ڈپارٹمنٹ ءِ استاد کتگ آئیءَ من ءَ کال کت جُست کت کہ اے گپ راست انت من پسو دات, راست انت اے تھنا یکے نہ انت بگندئے تیوگیں بلوچستان ءَ چکانی ھال ھمیش انت, امیریں سرڈگار ءِ چکانی حال انت, منی گلگ گوں کیا انت؟ ناں گوں سرکارءَ انت نہ کہ درآمدانی گوما انت,پرچا ?منی گلگ گوں وتی راج ءقوم انت گلہ چہ وتی نازانتی ءُ بے وسی ءَ انت,

 

 ڈاکٹر رمضان بامری بلوچ.