میر سائب! اوپار کن کہ گوادری 30 سالیں اوپار کنگءَ آں۔

 میر سائب! 30 سال گوادریاں اوپار کُتگ 30 روچ تؤ ھم بکن۔

گوادرءِتوار شونگال                          

جُستاں کُنٹگ پِر انت بلئے ھئیر۔۔۔۔

پانزدہ سال پیسر اگاں بجٹءِ تہءَ گوادرءِ تعلیم ءُ زانتءِ پڑءَ کار بوت انت گڑا مرچی گوادر ءِ پی ایچ ڈی اسکالر، ہژدہ گریڈءِ مزنیں آفیسرز، بیوروکریٹ، راجی ءُ میان استمانی تکءَ نامی ایں اھوالکار ءُ لبزانک کار شعوری بنیادءَ وتی راہشونءِ ھاترءَ دیمءَ درآتکگ اتاں۔۔۔۔۔۔

جیونیءَ بگر داں اورماڑہ اگاں مہلوک تُنیگ مہ بوتیں، بے لئینیءَ آہانی جسم مچھراں ٹُنگ ٹُنگ مہ کُتیناں گڑا مرچی آہاں اے اکس مار اتگ ات۔۔۔۔۔۔

چُک مات بوھگءَ  پہ نادرائیں زالبول دیم پہ کراچیءَ بسول ءُ ھنگول ءِ چپ ءُ چوٹیں راہاں مہ مُرتیناں گڑا مرچی آہانی چُکاں اے اکس ءَ یک دردناکیں اکسے گُشتگ ات۔۔۔۔۔

اگاں میدانی زِر ءُ گنجیں دریاءَ چہ دُز ءُ ڈُنگاں چہ رکینگءَ پہ زہرشانیءَ اے اکس بوت ایں گڑا مرچی ھمک دریاورد گون بوتگ ات۔۔۔۔۔

اگاں گوادرءِ جنوزام ءُ بزگیں درتہ پُچاں پہ بیٹھکءَ دو سد ءُ سے سد کلدار ونڈ کنگءِ جاہءَ آہانی پدریچ ءُ آؤکیں بانداتءَ پہ 30 سال پیسر ھمے وڑیں کار بوت ایں گڑا مرچی اے اکس دردناکیں اکسے بوتگ ات۔۔۔۔۔

اگاں چندیں ھمے بچک ءُ نودربر کہ پہ باڑہ ءُ کرایہءِ سرا ایوک اے ھاترءَ دارگ بوتگ انت کہ آ " ہردل عزیز، نوجوان قیادت، فرزندءِ گوادر" بہ لِک انت ءُ سوشل میڈہا ءَ شنگ بکن انت۔ آہاں مزنیں شاہ دربرجا، چین ءُ سی پیکءِ اسکالرشپ بہ داتیناں ءُ سیاست، انٹرنیشنل ریلیشن ءُ دگہ فیلڈانی کواس جوڑ کنگءَ پہ دیم بہ داتیناں مرچی جاور چوش نہ بوتگ ات۔۔۔۔۔

اگاں ھر میتگءَ ایوک یک کھدہ، ٹیکہدار ءُ خاندانےءِ سروکےءَ پہ وتی زر زوال مہ کُتین انت مرچی نودربر ءُ ورنا گوں تؤ ھوار اتاں۔

میر سائب! بہ بکش کہ 30 سال انت جیونیءَ بگر داں اورماڑہ تُنیگ انت۔ بے لئینی ءَ گوادر بزگ انت، جان سلامتی ءُ تعلیمءِ پڑءَ گوادر مکرانءِ پدمنتگ تریں ضلع انت۔ 30 سالءَ بُرز انت کہ گوادری مات ءُ گوہاراں آنڈو سرا انت۔ بے کساس نودربر وتی گیشتر وانگءِ واباں ھمروچ پاھو دیئنت۔ گوادر ءِ کوچگ ءُ میتگاں منشیات ءِ سیاہ مار ناچ کنگءَ انت۔ ادا کماشیں سیاستدان ایوک چوک ءُ چار راہانی سرا "بیا او مرید بیا او مرید" ءِ شئیر وانگءَ کارمرز کنگ بنت۔

ادا سیاسی شعور اتکگ ءُ یک ایس ایچ او ءِ بدل کنگءَ دگ بند کنگ ءُ زہرشانی کنگءَ رستگ۔۔۔۔۔ گڑا اوپار کن۔

ڈاکٹرمالکءِ دو سال ءُ نیم ءِ سرکار ءَ ترا ھچ نہ دات۔۔۔۔ تؤ اوپار کُت۔ انگت بکن چیاکہ تئی شھرءِ مردم کم چہ کم پانزدہ سال ءُ گیش چہ گیش 30 سال انت اوپار کنگءَ آں۔

میر سائب! پکر مکن گوادرءِ شعوری سنچ دیریں مُرتگ تئی دیمءَ گوادرءَ دگہ آپشن نیست، پدا یک ءُ دو دگہ انچیں ڈڈیں واجہ کار ووٹءَ تئی دیمءَ اوشتیت کہ لس گوادریءَ آہانی نامءِ گرگ تُرسیت تئی و کسے نامءَ گپت وَ کنت۔ ترا دو گپ وَ گُشت کنت۔۔۔۔ اوپار کن تئی داتگیں اوپارءَ گوادری مھکم کُتگ انت نی تئی باریگ اتکگ تؤ اوں مھکم بو۔

گڑا اے 30 سالءِ سرجمیں سپرءَ تؤ بائد سی روچ اوپار کن کہ ترا مچھر دانیءِ وَ گون گوادریاں ھمے اوں نسیبءَ نیست۔

#گوادرءِتوار  شونگال۔

اکس: سوشل میڈیا