مائنس جام

مائنس جام

الطاف بلوچ

 1970 

ءَ ون یونٹ ءِ ہلاسی ءَ پد وھدے بلوچستان صوبہ  یےجوڑبوت چریشیءِ پد بلوچستانءَہوار تیوگیں ملک گچینکاری بوتاں،1972 ءَ  بلوچستان ءِ صوبائی  اسمبلیءِ جوڑ بوہگءَبگر داں مروچی بلوچستان اسمبلیءَچار سر وزیرانی ہلاپ ءَتحریک عدم اعتماد جم کنائینگ بوتگ ایشانی تہا میر تاج محمد جمالی، سردار اخترمینگل، نواب ثنااللہ زہریءُ  بلوچستانءِاستیں سر وزیر جام کمال ہوار انت۔

میر تاج محمد جمالی ، اخترمینگلءُ ثنا اللہ زہری ءَتحریک عدم اعتماد جم بوہگ   ءَچیزے روچانی نیام ءَچہ وتی اگدہ ءَ استعفیٰ داتگ  بلے جام کمال انگتءَوتی اگدہ ءِ سرا نشتگ ءُاستعفیٰ دئیگ ءَ نہ تیار انت پہ مقابلہءَاوشتاتگ۔ اے وھد ءَ  جاورال چو 2018 ءِ وڑاانت جام کمال ءِ گورا اکثریت پشت نہ کپتگ آئی ءِ جند ءِ پارٹی ءِ باسک چرآئی دلگران انت ءُ دلگرانیں باسک مائنس ون فارمولہءَ ابید دگہ ہچ وڑیں گپءُترانءَساڑی نہ انت۔

انچوکہ 2018 ءَن لیگءِ  جند ءِ باسکاں وتی جند ءِ سر وزیر ءِ ہلاپ بغاوت کت بلے آئی اتحادیاں آیلہ نہ دات ،ہمے وڑا بلوچستان عوامی ہارٹیءِ باسکاں جام ءِہلاپ بغاوت کتگ بلے آئی ءِاتحادی گل اے این پی ، ایچ ڈی پی  ءُ  جے ڈبلیو پی جام ءِ پلہ مرزیءَکنگا انت ، 2018 وھدے سیاسی بحران گیش بوہان بوت گڑا نواب ثنا اللہ زہری ءَ استعفی دات بلے جام تنیگتءَ اے بحرانءِمقابلہ کنگا انت۔

بلوچستان  ءِ  گوستگیں 3 سروزیراں اعتماد  ءِ  ووٹ گرگ ءَ  پیسر استعفی داتگ بلے جام کمال  ءِ  گشئگ انت گیشتریں باسک منی ہمراہ انت تحریک عدم اعتماد بے سوب بیت، تحریک عدم اعتماد اپوزیشن نیمگا جم کنائینگ بوتگ بلے ایشی  ءِ  تہا حکمران جماعت ءِ  ہما دلگرانیں  باسک جام کمال ءِ ہلاپ ءَ  چست  ءُ  ایر کنگا انت کہ آ چہ جام کمال  ءِ گورننس  ءَ  دلجم انت ،آہانی لوٹ ہمیش انت  کہ جام ولگوج بہ بیت  ءُ دگہ کسے اے اگدہ  ءِ  سرا بہ نندایت۔

ہمے وڑا اپوزیشن ءِ  باسک  ہم گوستگیں 3سال ءَ جاک  ءُ  سلوات کنگا انت کہ جام کمال خان ءَپسند ءُ ناپسند ءِبنیادءَ فنڈ بہر ءُبانگ کتگ انت ءُ مئے حلقہ ڈالچار کتگ انتءُ جام  ءِ سرکار ءَ وتی بجٹ ءِ  گیشتریں زر ہما حلقہاں داتگ انت کہ سرکاری باسکانی حلقہءَانت اے درگت اپوزیشنءَاسمبلی  ءِتہا ءُڈن ءَابید دگہ بازیں فورماں احتجاج کتہ بلے بلے آ ہر جاگہ ءَ بے سوب بوتگ  21- 2022  ءِ بجٹ ءَ پیسر اپوزیشن ءَوزیر اعلیٰ  ءِ  سکریٹریٹءِ دیم نندانک جتگ  ءُ زہرشانی کتگ چریشی  ءَ  پد پد سرکار ءَاپوزیشن سدکی داتگ کہ شمے درستیں جیڑہ ٹہینگ ءُ شمارا برابریءِ بنیاد  ءَفنڈ دئیگ بیت بلے اپوزیشن گلگ انگت ءَہما انت کہ3 سال ءَ  پیسر بوتگ انت اپوزیشنءِگشئگ انت بجٹ ءِگیشتریں زر جام کمال ءَوتی حلقہ ءَبرتگ انت ءُدومی چاغی کہ آ عارف محمد حسنی ءِحلقہ انت اودا مزنیں کساسے فنڈ مختص کنگ بوتگ ،اپوزیشن ءِگشئگ انت ایوکا 2019-20 ءِبجٹ چاغی ءِواستہ 9ارب کلدارمختص کنگ بوتگ بلے،سرجمیں چاغی زمینءِسرا کلدار ے ءِدیمروئی گندگ نہ بیت۔ عارف محمد حسنی جام کمالءِفیورٹ وزیرانی تہا ہوار انت ، عارف محمد حسنیءِگشگءِسرا جام کمالءَواشکءُخارانءِفنڈز داشتگ انت، اے درگتءَ باز براں واشک ءِ ایم پی اے حاجی زابد علی ریکیءَاسمبلیءِفلور ءِسرا احتجاج ہم کتگ بلے آسر ہچ دیما نہ اتکگ۔

اپوزیشن ءِگشگ انت کہ استیں سرکار ءِردیں پالیسانی سببءَ روزگار ءَابید دیمرؤئی کارانی حوالہءَہچ وڑیں پیش رفت نہ بوتگ ،صوبہ ءَبے ایمنی گیش بوتگ سرکارءِنا اہلی سببءَ ادارہانی کارکردگی ہم مزنیں کساسےءَمتاثر انت،جم داتگیں تحریک عدم اعتما د ءَاپوزیشن ءَجام سرکار ءِسرا بھتام جتگ کہ وزیر اعلیٰءَآئینءِآرٹیکل37 ءُ 38 ءِخلاف ورزی کتگءُانچیں بجٹ یے پیش کتگ چرے بجٹءَبلوچستانءِگیشتریں دمگ یک پندل یے درچ ءَ چہ دیمرؤئی فنڈاں زبہر کنگ بوتگ انت فنڈانی بہرءُبانگ ہم برابری  ءِبنیادءَنہ بوتگ اپوزیشن یک بھتامے ہمیش انت کہ بنجاہی سرکار ءِگورا بلوچستان ءِ  بنیادیءُآئینی حقانی ھاترا جام کمالءَ وتی کرد گوں سنگینیءَپیش نہ کتگ چریشیءِسبب بلوچستان ءَ  آپ ، لینءُگیسءِجیڑہ ودی بوتگ۔ 

 اے وھدءَجام کمال خان  یک مزنیں سیاسی بحران یے ءِآماچ انت پرچا کہ آئی جندءِباسکاں آ دروہتگ باپ دلگرانیں باسک ہم چو اپوزیشنءِباسکانی وڑا ابید ءِمائنس ون   فارمولہءَ دگہ ہچ چیز ءَ  تیار نہ انت چئرمین سینٹ صادق سنجرانی ءَہم جہدے کتگ کہ دلگرانیں باسکانی دلرنجی ہلاس بہ بنت ءُآ پداجام ءِپلہ مرزی ءَ  بہ کن انت بلے صادق سنجرانی ءِ  ہم بے سوب بوت،نوں چارگی ایں باریں کئے کٹ ایت ءُ کئے بباہ دنت آؤکیں چیزے روچانی صورتحال کلئیر بیت۔

اے وھد ءَبلوچستان اسمبلی ءَ درستیں باسکانی کچ 65 انت سرکار ءُ آئیءِاتحادی گلانی کچ 42 انت دگہ 23باسکانی سیادی گوں اپوزیشنءَایں ،اپوزیشنءِگشئگ انت بلوچستان عوامی پارٹیءُ اتحادی گلانی 16 باسک تحریک عدم اعتمادءِپلہ مرزیءَکنگا انت بلے اے وھدءَاپوزیشنءَ 10 باسکانی کمک پکار انت پرچاکہ سرکار ءَ سادہ اکثریتءِ  واستہ 33باسکانی ضرورت انت اگاں حکومتءِ 10باسک اپوزیشنءِتحریک عدم اعتمادءِ پلہ مرزی بہ کن انت گڑا جام کمال وتی سی ایم شپءَ ہچ وڑا رکھینت نہ کنت۔ بلے اے گپ اوں چارگی انت بلوچستانءِ  سیاستءَ مستریں لیبی اسٹیبلشمنٹ ایں کجام ہم وھدے جاورال بدل بوت کن انت یک اشارہ یےءَ باپءِدرستیں باغی وتی سلاہاں چگل دئینت  ءُ  پدا رواں جام ءِکٹءَنندانت پرچا کہ بلوچستانءِسیاست چہ اے دگہ صوبہانی سیاستءَجتا انت ادا اسمبلیءِباسکاں بگر داں سیاسی گلاں درا ہر چیز کنٹرولڈ انت لگام اسٹیبلشمنٹءِدست  ءَ  انت ہر نیمگا بارتے آئیءِمرضی ایں۔