زمین چَنڈ چون کیت ءُ آؤکیں زمین چنڈ ءِ گمان۔ چون؟

زمین چَنڈ چون کیت ءُ آؤکیں زمین چنڈ ءِ گمان۔ چون؟

     بلوچستان ویدر فارکاسٹ

سبڈکشن زمین ءِ کرسٹ ءِ یک ٹیکٹونک "حرکت" یے۔ وھدے کہ دو ٹیکٹونک پلیٹ یکے دومی ءَ گوں ڈیک ور اَنت گڑا یکے چیر تر اِیت ءُ یکے بُرز ءَ کیت ھمے میان ءَ زمین ءِ جھلی بھر ءَ چہ دریاہی زمین ءِ جوڈ کنوکیں مزنیں سنگ یک مزنیں کَچے ءَ تواناہی یل کن اَنت گڑا چہ اشی ءَ زمین چنڈ کیت۔

سنگانی یک بھرے گوں میگما ءَ ھوار بیت ءُ آپ بوھگ ءَ لگ اَنت گڑا ھمے میان ءَ گوات ءُ آدگہ میکسچریں گیسانی سوب ءَ آس شاناں ھوار زروان زمین ءِ سرا درکاینت۔

سبڈکشن یک سکیں سُستیں عملے۔ اے ھرچ سال سینٹی میٹرانی ھساب ءَ کَچ کنئگ بیت۔

اشی ءِ اسپیڈ ھرچ سال دو ءَ چہ ھَشت سینٹی میٹر اِنت۔

انوں اے ساھت ءَ مئے ٹیکٹونک پلیٹ بزان کہ عربین ٹیکٹونک پلیٹ یوریژن ٹیکٹونک پلیٹ ءِ چیر ءَ روگ ءَ اِنت بزان کہ ڈِپ بوھگ ءَ اِنت۔

سبڈکشن زون ءِ تھءَ یک زونے ءَ فوکل زون گوش اَنت کہ اے زون زمین چنڈ ءِ زون اِنت ءُ اے زون سک ایکٹیو بیت۔ اے زون ءَ ٹیکٹونک پلیٹس اسل ڈِپ نہ بنت بزان کہ چیر نہ تَر اَنت ءُ اے زون ءَ ٹیکٹونک پلیٹس ھُشک اَنت اگاں اے ڈیک بہ ور اَنت گڑا سک مزنیں کچے ءَ تباہی کار اَنت چو کہ بلوچ زر ءَ ٹیکٹونک پلیٹس کہ ھست اَنت کہ آ تَر اَنت ءُ آہانی ڈیک ورگ ءَ پد باز تباہی آتک نہ کنت۔ 

وھدے یک پلیٹے کہ چیر تَر ایت انچو مئے عربین پلیٹ چیر ترگ ءَ اِنت گڑا اے مزنیں چنڈگ جَت نہ کنت۔

#دلگوش اے ڈیک وروکیں ٹیکٹونک پلیٹس دریاہی ءُ زمینی بنت۔

اے ساھت ءَ ھال شنگ اَنت کہ مکُران ءَ ھوار سندھ ایران ءُ اومان ءِ تیاب دپی دمگاں سونامی ءِ ھترہ ھست اَنت چونھا اے گُمان دیر اِنت کہ پدر کنئگ بیتگ اَنت پرچہ کہ زمین چنڈ زانگ نہ بنت کہ کجام وھد ءَ آتک کن اَنت بلے اِشانی گوست چارگ بیت انچو کہ 1945 ءَ مکُران ءَ سونامی یے آتکگ بیتگ نی بوت کنت پدا بئیت یا و بوت کنت مئیت۔

مکُران ءِ روکپتی دمگاں ھم اگاں زمین چنڈ آتک گڑا اے زمین چنڈ ءَ اینچو تاکت مان اِنت کہ اے تیوگیں میگاتھرسٹ ءَ سُرینت بہ بکنت اگاں میگا تھرسٹ سُریت گڑا دریاہی زمین ھم سُریت گڑا چہ آئی ءَ مزنیں گورم چِست بنت ءُ دیم پہ بلوچستان ،سندھ،عمان،یا انڈیا ءِ نیمگ ءَ رونت۔

ھمے بابت ءَ جیوفیزیکل جرنل انٹرنیشنل ءَ پَٹ ءُ پول کُتگ ءُ گوشتگ کہ مکُران ءِ تیاب دپی دمگاں 9.0 ءِ زمین چنڈے آتک کنت۔

عربین ءُ ایروژن پلیٹسانی ڈیک ورگ ءُ عربین پلیٹ ءِ چیر ترگ ءِ سوب ءَ یک فالٹ لاہنے پیداگ بوھگ ءَ اِنت ءُ ھمے پالٹ لاہن ءَ میگاتھرسٹ گوش اَنت۔