ڈاکٹر حنیف شریف

ڈاکٹر حنیف شریف 

عُمر مراد دشتی                          

ڈاکٹر ھنیپ شریپ 25 تاکشان 1976 ءَ ماں پاکستان ءِ رژنا ایں شھر بزاں کراچی ءَ ودی بیتگ ۔آئی ءِ آریپیں پت ءِ نام شریف بیتگ ۔

ڈاکٹر یک شوکیں نِبشتہ کارے آئیءَ چار کتاب نِبشتہ کُتگ۔آ کتابانی نام چگِرد پُل انِت، شپءَ کہ ھور گوار ایِت، تیران دسَک ءُ ھنیف نام ۔

اے کتابانی تہا بلوچ ءُ بلوچستان گون انَت ۔

واجہ تامُر ساز ایت ءُ یک جوانیں اکسکارے ۔

آئی ءِ تامُرانی نام بالاچ ،بلوچستان ءِ ھوٹل، منی پتءَ برات نیست ءُ کریم ءُ دگہ بازیں تامُرانی تہا کار کُتگ ئے۔

من دو سے روچ ءَ ساری یک تامُرے فیسبُک ءَ اَپ لوڈ کُت  ڈاکٹر ھنیف شریف ئیگ ءَ۔ گُڑا دہ ءُ دوازدہ منٹ ءَ رند بازیں مردماں کمینٹ کُت شر ءُ ھراب ۔شریں کمینٹ و شر بلے بیا ھرابیں کمینٹانی سرا گپ جن ایں۔

 باز مردُم ھمے گپ ءَ جنت کہ ڈاکٹر حنیف شریف وت نِشتگ جرمنی ءَ ءُ ڈنی ملکاں گپ جنت بئے بلوچستان ءِ تھا، شال ءِ دلبند ءَ ،کیچ ءَ، ءُ گوادر ءَ۔

 لھتیں مردُماں گُشت کہ ڈاکٹر پوکے لھتیناں گُشت ڈاکٹر کوٹکے لھتیناں گُشت ڈاکٹر نہ زانت من زبراں ۔ من ءَ اے اپسوز نہ انِت کہ ڈاکٹر حنیف شریف ءَ بد گُش ئے ۔اے گپ ءَ ڈاکٹر وت گُشیت کہ لازُم نہ انِت تو گوں من تپاک بکن ئے، بلے من ءَ اے اپسوز انت کہ اے گپانی گُشوک چونیں مردُم آں ۔انچیں مردُم گپ گوشاں انچیں مردُم بد گوشاں آ وت دنیگت نہ زاناں کہ بلوچستان چی یے ءُ پلوچ کے آں؟ اے وڈیں مردم ءَ راستی دوست نہ بیت،اے راستی ءَ اِشکُناں گڑا دور تچاں، ڈاکٹر  راست گُشیت پمشکا اے مردماں دوست نہ بیت ۔

 

آ تامُر ءِ ڈاکٹر گوشگ ءَ انِت ھما کہ ترا جَنّگ ءَ انِت آئی ءِ کِرا انساپ ئے لوٹگ ءَ مہ رو، ھما کہ ترا کوشگ ءَ انِت آئی ءِ کِرا انساپ لوٹگ ءَ مہ رو، ھمائی ءِ نزام جوڈ کتُگیں مردُم ترا کوشگ ءَ انَت آئی ءِ واستہ جون بَڈ ءَ مکن مہ رو، آئی ءِ واستہ پیرینی ءَ تکلیپ مکن مہ رو۔ اگاں تو وتئی بیر ءَ گرگ لوٹ ئے، سیدھا برو وتئی بیر ءَ بگر۔ بلوچ چاگرد ءِ تہا کہ نزانت من ءَ کے ءَ جتگ۔ اگاں بیر ءَ گپت نکن ئے ھما مرُدمانی بدل ءَ بئے کہ تئی بیر ءَ گپت بکناں، اگاں اشیءَ کُت نکن ئے بلے زدّ ءَ وتئی دلءَ داھم بہ دار کہ سالی ءَ پد وتئی بیر ءَ گراں، دو سال ءَ پد بیر ءَ گراں ۔تو اے وڈیں جُنزے ءِ بھر مبو کہ آ اود ءَ اے مرُدم دگریءِ کُشگ ءِ واستہ زندگ بیگ ءَ آں 

یکے ھمے گپ منی سمجھ ءَ  نئیت کہ کوم گُشیت  ڈاکٹر حنیف شریف تہنا بس، بلوچستان ءِ آزادی ءِ گپءَ بجن، بُگشیت بلوچستاں زندہ باد ۔

اگاں ڈاکٹر زالبولانی ھک ءِ سرا گپ جنت گُڑا کوم گُشیت تو بلوچستان ءَ جرمنی، امریکہ ءُ آ دگے ڈنی ملُکانی دود ربِیدگ ءَ آرگ ءَ ئے ءُ مئے بلوچیت ءُ بلوچی دود ءُ ربیدگ ءَ گار کنگ ءَ ئے ۔ بقول ءِ  ڈاکٹر شُمارا امریکہ ءِ موبائل دوست بنت جاپان ءِ گاڑی دوست بنت گڑا تربت ءَ بگر داں کراچی ءَ پادانی ءَ بیا تو چیا جاپان ءِ گاڑی ءَ سوار ئے؟ تو چیا موبائل  کارمرز کن ئے؟ گولو ھرامیں آپشک ئے الِار اِنت ۔