جنکانی کسان اُمری ءَ آروس، انّاں۔ چیا؟

جنکانی کسان اُمری ءَ آروس، انّاں۔ چیا؟

                                     سلال ساوڑ

جنک کسان عُمری ءَ چیا سیر دئیگ مہ بیت ؟

مئے پَدمنتگ ءُ نازانت ایں چاگرداں جیڑه یے جنکیں چُک ءِ کسان عُمری ءُ نابالگی ءَ آروس دئیگ اِنت اِے پَئیل پہ جنیں چُک ءَ انچیں یک زوراکی یے کہ پرائ ءَ بازیں ناجوڑی ءُ جنجال پیداک کن اَنت ءُ آئی ءِ جان سلامتی ءُ صحت ءِ واستہ تاوان اِنت۔ 

اَچ پٹ ءُ پول ءِ پَد ءَ لَهتیں ھما جیڑه ءُ نادُراھی کہ جنکیں چُک ءَ کسانی ءُ نابالگی ءَ آروس دئیگ ءِ سَوب ءَ سَر کشّنت ماں اِے نبشتانک ءِ جَھل ءَ جتا جتائیں رِداں شون داتگ اَنت

* چک ءُ مات بئیگ ءِ ساهتاں ماتانی بیران بئیگ ءِ خطره گیش بیت 

* آئی ءِ سروائیکل کینسر (جنک ءِ سائن ءِ چیر ءِ جاگہ ءِ کینسر) ءِ کساس هَست بیت 

* کسان ءُ نابالگیں عُمر ءَ آروس داتگیں ماتانی چُک لاگر ، کم توان ءُ نادُراه بَنت. 

*  آئی ءِ چُک ءِ کپگ ، وهد ءَ پیسر ودی بوئگ ءُ بازیں چُک بیران بَنت

* کسان عمری ءَ چُک ودی کنگ ءِ سَوب ءَ جنک فسٹولا ءِ       نادُراہی ءِ آماچ بوت کننت  

* کسانیں ءُ نابالگیں سیر داتگیں جنکانی  جنسی نادُراهیانی  آماچ بئیگ ءِ کساس گیشتر انت. 

* کسان ءُ نابالگیں سیر داتگیں جنک دائم هون ءِ کمّی  آماچ بَنت 

* جنکانی وانگ ءِ اوشتگ ءُ اسکول ءِ یل کنگ ءِ مستریں سَوب کسان عمری ءَ آروس کنگ اِنت 

* کسان عمر ءَ آروس داتگیں جنک مُدام لوگی اڑوجنجالانی دیمپان بَنت 

* کسان عمر ءَ آروس داتگیں جنک دائم  زہنی، جسمانی ءُ جنسی تشدد ءِ دیمپان بَنت پمشکا معاشی و چاگردی تَک ءَ پَشت کپنت