آزمانک: یک کسانیں بیگاہ یے

آزمانک: یک کسانیں بیگاہ یے

فاروق فرہاد

          نیم روچ ءِ دو کلاک بوتگ اَت. من چہ  وتی شاہی کاپر ءِ  چیر ءَ زنڈیں تھت ءِ سر ءَ وپتگ اِتاں۔ اے روچی من سک دمبرتگ اَت ۔من  تہا گُشئے  زاناں  پرُشتگ اَت ءُ  من ہمے تھت ءِ سر ءَ واب کپتاں . سهت یے ءَ   رند منی گوشاں یک نرم ءُ  نازرُکیں  پاد برمش یے ءِ  آواز  کپت۔ منی چم وش وش ءَ   پچ بوہاں بوتاں ۔ من دیست کہ کنر ءِ سر ءَ یک رولہ دروشمیں  سریگے درنگ اِنت ۔اے سریگ انچو ڈدلداراَت  چو چاردھی ماہ ءِ وڈا کہ  آئیءِ  ڈولداری منا  وتی نیمگا برانان اَت.

           بلے من ءَ  اِینچوں ہم ہاٹیگ مان نیست اَت کہ همے  رولہ دروشمیں سریگ ءَ   بیاراں وتی دلبندا مان بہ پوشاں  ءُ  وتی زردءَ  تاہیر بہ دیاں ۔ دومی نیمگا منا اے رولہ دروشمیں سریگ بے تاہیر ھم کنگ ءَ اَت ءُ من  خیالانی زِر ءَ بُڈگ ءَ اِتاں۔ من ءَ  واب ھم آیگ ءَ نہ اَت۔ یک اناگاه ءَ   گشئے زاناں  من ءَ  توار پر کنگ ءَ اِنت کہ   بیا او منی زندگی ءِ  ہمسفر  منی پاداں کنٹگ  لَگگ ءَ اَنت۔

           

من کہ وشءُ  شرکنیں آواز اِش کت منا گشئے  بَشی گوات یے ءَ  پاد کت ۔من ہمے زنڈیں تھتءِ سر ءَ وتی چم پچ ءُ  نز کتاں ءُ   پاداتکاں  سرگردان بوت ءُ  دیم پہ رولہ دروشمیں سریگ ءِ  نیمگا۔ وھدے کہ من نزیک ءَ  رستاں ۔داں یک یک کسان بالاد  دروشمیں کاڈے کنر ءَ لٹ جنگ ءَ اِنت ۔من پدا وتی گام  داشتاں ھمے اجب رنگیں کاڈ ءِ ندارگ ءَ  گوں دلگوش بوتاں  ۔اے  کنڈیں  بروان ,شِلّیں مِچاچ ,کُنڈیں زَنوک ,آسکی گردِن او شِپاریں  ملگور  شنگءُ  شانگ  اِتاں۔  بلے ائی ءِ  زیبائی  دیگہ دروشمے پیشدارگا اَت۔ من چہ نیم کلاک ءَ چہ گیش ھمے زِر ءِ چولاں گوں اوشناگ کت۔ من نو میزاں میزان ءَ   رواں بوتاں  نزیکء۔ وھدے کہ کُنر ءِ کر ءَ  رستاں   بلے آ انگہ گوں کنرا گیروشگ اَت  من پدا یک برے زرءِ جھلانکی ءَ بُڈگءَ  اِتاں ۔ ۔من لوٹ اِت کہ  آئی ءَ گولائیش کناں  بلے مُلا ءَ   اِنچو ھم صبر نہ کت عصر ءِ  بانگ ئے دات ھمے دمانءَ چم پچ بوتاں داں ھچ نیست ۔