حمل گنوک نہ انت

حمل گنوک نہ انت!

نبشتکار..... (ادنان مکسود)

اکس: میر قادر دَشْتی

"زمین ءِ اکس تو باز کش اتگ، نوں تو منی اکس ءَ کش" آ وتی گوما وت هبر ءَ ات. مدام من حمل ءَ گند آں برے برے گوں یک چمپلے ءَ کہ چِٹُک ءِ بستگ ئِے ءُ ریادگے دیم پہ جنگل ءَ تاکہ آ اکس کشی بہ کنت، او، چمپل آئی ءَ وتی کیمرا لیک اِتگ اَت. برے برے دار ءِ زوریت ءُ وتارا زانتکار لیک ایت، سنگ ءُ ڈوکاں مچی ئِے دروشم ءَ هیر کنت پدا وت آیاں نیکیں نسیت ءُ پنت دنت. اے دنیگتہ اولی بر اَت حمل ءَ وش وش ءَ منا توار کت،

 "‌سربان، منی گپ ءَ گوش دار."

 من تواکل بیت آں ءُ جیڑت نوں بلکے حمل پدا گنوکی ءَ سار بیت. من پسہ دات،

 "حمل بُہ گوش."

من ءَ گوشتے،

 "اے سنگ ءِ نام سربان انت." 

اے ساهت ءَ منی دل پدا ڈوبینت، حمل گوں وتی سنگ ءُ ڈوکاں انگت گپ ءَ ات. میزان میزان ءَ روچ میرگ ءَ ات، وهد ءُ ساهت بدل بیت انت ءُ حمل ئے گپ هم. چوشکہ آ رپٹگءَ ات،

 "تو گندے ادا بِہ جهل ئے، گڑا ترا تهاری گوں وتا بارت، نیکہ تو زانئے پرچا ترا بورتے نیکہ آ پہ تئی برگ ءَ اتکگ. آ وتی راہا روان انت، کسئے برشم آں هِش بہ کنت زوریت ئِے ءُ رؤت." 

من ءَ انچو سماه بیت کہ حمل گنوک نہ انت.

ادنان مکسود تُربَت شھدربرجاہ ءَ انگریزی لبزانک ءِ نودربرے ءُ کسانیں کسہ نویس ایت.