تعلیم ءِ ارزشت یک چاگردے ءِ تہ ءَ

تعلیم ءِ ارزشت یک چاگردے ءِ  تہ ءَ

      عاصم شمیم

وانگ ءُ زانگ یک شریں کارے ،پرچاکہ بے وانگ ءُ زانگ ءَ انسان دلوت ءِ هساب ءَ  اِنت ، بے وانگ ءُ زانگ ءَ تو دنیا ءِ کاراں هچ سرپد نہ بئے ، بے وانگ ءُ زانگ ءَ انسان وتئی زندگی ءَ سرپد نہ بیت کہ چی بکناں؟ اگاں تو وان ئے تو یک شریں انسانے بئے ، یک شریں راهشونے بئے ، تو وتی زندگی ءَ سرپد بئے ءُ دنیا ءِ یا وتی ملک ءِ کاراں سرپد بئے کہ چی بوهگ ءَ اِنت۔

انچو کہ آ دیگے مهلوک ءَ ونتگ ءُ در برتگ مرچی کجا سر اَنت ، ماه ءِ سرا شتگاں ، انیگیں دنیا ءِ تہ ءَ بِچار چی چی کتگ مردماں همے تعلیم ءِ پشت ءَ ،مردماں ونتگ ،وانگ ءِ  سر ءَ  صبر ءُ اوپار کتگ ،محنت کتگ، مرچی کجا سر اَنت ، یک شریں زندے گوازنیگ ءَ آں ، بلے مئے چاگرد ءِ  تہ ءَ بچار ادا وانگ ءُ زانگ سک کم اِنت۔ گیشتر مردماں بچار کہ پہ وانگ ءُ زانگ ءِ واستءَ آسراتی نیست اِنت ، مئے چاگرد ءِ  تہ ءَ شریں وانگجاه نیست اِنت، شریں شهدربرجاه نیست کہ چاگرد ءِ  مردم بوان اَنت اگاں اَست ھم نیستی ءِ هساب ءَ اَنت۔

 ملک ءِ تہ ءَ بچار انگت شریں سڑک نیست اِنت، شریں بجلی ءِ آسراتی نیست اِنت ، ملک ءِ واجہ نشتگ واب اِنت هچ سُود ءَ نہ اِنت ادا ملک ءِ مردم چنچو بزگاں ءُ وار اَنت، ءُ پدا بلوچ  گیشتر نیکیں راھی جاورانی دیمپان ءَ اَنت ، هچ اَرسراتی نیست اِنت ،پمیشکہ مردمانی پہ اے آسراتیانی نہ بوھگ ءِ  وجہ ءَ جیڑہ گیشتر بوان ءَ اَنت ،زندگی گرانتر بوان اِنت۔

 

 اگاں ما ملک ءِ مردماں بچاریں چنچو بے تعلیم اَنت ، ما بلوچ 520 چیزانی مالک اِنت بلے انگت ما سرپد نہ اِنت ، هر میتگ ءُ علاقہ ءَ بچار همے مزنیں مردم  رواں ووٹ لوٹاں کہ ما شمئے واست ءَ وانگجاه اڑ کنیں ،ما شمئے واست ءَ بجلی کار اِنت، درستیں گپاں مردماں جناں وتی ووٹ ءَ لوٹاں ..پدا ووٹ رسیت گڑا هچ سما ءَ نہ اَنت همدا مردماں رد دیاں .

 

 بلے اے میتگ ءُ علاقہ ھما انت کہ پسرا بیتگاں انت. هچ بدلی سدلی نہ یَتکگ . مئے چاگرد ءِ  تہ ءَ هم شریں وانگ نیست پمشکہ مردم چہ تعلیم ءَ دور اَنت .اگاں چاگردے ءِ تہ ءَ همے آسراتی بہ باں گڑا الم یک راجے هر چیز ءَ دیمروی کنت، وانگجاه شر بہ بیت ناں کہ نیستی ءِ هساب ءَ .

 

عاصم شمیم تُربَت بلوچستان ءِ جھمنند انت ءُ انٹرمیڈیٹ ءِ یک نودربرے، آ شال ءَ میڈیکل کالج ءِ چکاسانی تیاری ءَ کنگ ءَ اِنت۔