پانوان ءِ زھگ لئیبی پٹّے لوٹاں

پانوان ءِ زھگ لئیبی پٹے لوٹاں

۔۔۔۔۔۔شھزاد رشید بلوچ ۔۔۔۔۔۔

لئیب ءُ گوازی پدریچاں نہ تھنا جسمانی ردوم ءَ کمک کنت بلکیں آیانی ذھنی بود ءَ ھم ودّینیت۔ بلوچستان ءَ چُشیں ھلک ءُ کوچگے پشت نہ کپتگ کہ آ نشا ءِ جھندم ءَ اوژناگ ءَ نہ اِنت۔ تاسُپیں ورناہ، بودناکیں زھگ دانکہ زالبول ھم نشا ءِ آماچ اَنت۔ اے جاوراں لئیب ءُ گوازی یک انچیں عملے کہ آ زھگاں کمو گروشگ کنت۔

بلے وائے بدبھتی کہ مئے مستر ءُ میر، نماھندگ ءُ دمگ ءِ سروکاں چُشیں سُد کج انت کہ آ پہ باندات ءَ کمو پگرمَنْد بہ بنت۔ اے راستے کہ مئے گوْر ءَ انگت بُنکی جیڑہ آپ ءُ ورگ، لئین ءُ وانگ، جان سلامتی ءُ روزگار ءِ آسراتی نیست انت۔ ادا لئیب ءُ گوازی ءِ دیمرئی، لئیبی پٹ ءُ آسراتیانی لوٹگ یا واھگدار بوھگ یک اجبیں لوٹے بیت بلے اگاں جیڑیانی لڑ پہ بلوچاں روچ پہ روچ گیش بوھان انت گڑا بائد جیڑیانی بُنگپ ءُ سرھال ھم لُک مہ بنت۔

ھمے بازیں جیڑیانی تہ ءَ یکے مئے ھلک بزاں پانوان ءَ پہ زھگاں لیبی پٹ نہ بوھگ اِنت۔ پانوان ءِ گْونڈواں لیب ءُ گْوازی ءِ ( بِزاں پوٹبال ءِ ) سَک شَوک اَست ءُ گْونڈو ڈَل ءُ ڈوکانی توک ءَ لیب کنگ اَنت کہ بازیں کوه ءُ ڈوکانی لگّگ ءَ گْونڈوانی پادانی ھون مں ھاکاں ھَوار اَنت. 

گْونڈوانی وسّاچیں گراؤنڈ مں کوه ، ڈَل ءُ شیشگاں  پُرّ اِنت ءُ گْونڈو مں پاد شِپاد ءَ گَرمیں زمین ءَ لَیب ءَ اَنت ءُ گولانی بَدل ءَ سِنگ مِکّ اِنت ءُ نَہ کہ دِگا سَھولتے اَست. 

من کہ وھدے پانوان ءِ بے گراؤنڈی ءِ اِے ندارگ دیست گڈا من ھَمے جیڑ اِت کہ من ءَ وتی کوشش کنگی اِنت ءُ گْونڈوانی اِے جیڑہ دیم ءَ سَر کنگی اِنت کہ مُلک ءِ وَزیر ءُ چیئرمین بِزان اَنت ءُ پَہ گْونڈواں یک شَرّیں " پُٹبال " گراؤنڈے جوڑ بِکن اَنت.

شھزاد رشید بلوچ پانوان جِیوَنی ءِ جاھمَنْد انت