زیبُل سوتی
خیر جان خیرول
ماسی زیبُل سوتی وتی دؤر ءَ گوادر ءِ یک مزنیں، نامی ایں سوتی یے بیتگ ۔ زیبل ءَ سوت گوشی چہ وتی مات ءَ دربرتگ ، زیبل ءَ وتی ورناھی ءَ شاہ ایران ءِ چکے ءِ سالگرہ ءَ داں ایران ءَ شتگ سوت گشتگ ۔
زیبل ءَ دیر انت کہ چماں کور بیتگ ، بلے ھمے کوری ءِ ھالت ءَ ھم زیبل ءَ سیرانی سرا سوت گوشتگ ۔ بلے کمیں وھد بیت کہ زیبل ءِ ٹیم پرشتگ ، گڑا زیبل ءَ سوت جنگ بند کتگ ،
زیبل ءِ من سک دیریں یک گونڈیں انٹرویو یے کتگ ، بلے پدا ھم دل ءَ گوشتگ کہ ماسی زیبل ءَ گوں دیوانے بکناں۔ بلے ھمے روچاں شاہنواز شاہ ءُ ذاکر داد زیبل ءِ سرا یک ڈاکومنٹری فلمے جوڑ کنگ ءَ بیتگ انت ۔
گڑا منی اے واھش کمیں نرم بیتگ ، بس یک روچے کمیں وھد بیت کہ مسقط ءَ چہ ماسی زیبل ءِ لھتیں پیسہ اتکگ ات گڑامن ھمے پیسہ یانی دئیگ ءَ شتاں گڑا من ماسی ءِ یک اکسے کشت گوں ۔
مرچی انی سھتے پیش من ءَ مسقط ءَ چہ ھال رست کہ مرچی زیبل سوتی وفات بیتگ ۔
نی من ءَ یات اتک کہ ھو من بیگاہ ءَ واب ات انت بلے منی گوشاں مسیت ءَ مرگ ءِ جارے بیگ ءَ ات بلے من پہمگ ءَ نہ ات انت کہ کے انت بیران بیتگ ۔
اللہ بہشت ءَ بہ کنت ماسی زیبل ۔
No comments:
Post a Comment