سرپدی دارگ ءِ ھک

سرپدی دارگ ءِ حق ءُ قانون سازانی جدوجہد

رائٹ ٹو انفارمیشن (آر ٹی آئی) بزاں "سرپدی دارگ ءِ حق"  پاکستان ءِ کانود ءِ  بنکی ھکّانی تہا یکے۔ آرٹیکل نوزدہ (اے) ءِ تہا گوں ساپیں لبزاں پاکستان ءِ جہمنندیں مردماں اے حق دئیگ بیتگ کہ آ  ملک ءِ تہا کجام ھم پبلک ادارہ ءَ عوامی اہمیت ءِ درستیں معاملاتانی بابت جست ءُ پرس کت کنت ۔ ھمے رد ءَ دنیا ءُ جہان ءِ  ملکاں پہ وتی مھلوک ءِ سہولت کنگ  ءِ ھاتر ءَ قانون سازی کتگ، پاکستان ءِ تہا ھم اے حق ءِ پچگرگ  ءَ بازیں قانون سازاں وتئی کوشش کتگ ۔ درستاں پیش 1990 ءَ سینیٹر  پروفیسر خورشید احمد ءَ اے بل پیش کت کہ آئی ءِ مخالفت  ءَ رد کنگ بیت پدا سینٹر قاسم ملک ءَ 1994 ءَ  چدو پد1997 دگہ وزیرے ءَ کہ نام ءِ فرخ الدیں ابراھیم ات آئی ءَ قانون سازی کت ءُ پاکستان ءِ صدر ءَ چہ منّارینت بلے ھما وھد ءِ وزیراعظم نواز شریف ءَ اشی ءَ قانون ءِ بھر کنگ ءَ مکن کت۔

اولی بر ءَ پرویز مشرف ءِ دھر  ءَ راستیں صورت ءَ حق پہ مھلوک ءَ دیگ بوت ءُ پدا 2010 ءَ وَ باقائدہ آئین ءِ تہا بنکی حقے منّگ بیت، صوبہاں ھم پہ وت ھمے قانون سازی کت۔

 پدا 2017 ءَ یک قانون سازیں ایکٹے  ءِ دروشم ءَ باقاعدہ یک کمیشنے ٹہینگ بیتگ کہ آ اے درستیں کارانی چار ءُ بچار ءَ کنت اے کمیشن ءَ طریقہ کار ھم واضع کتگ انت کہ آ چش انت 

ازری دئیگ  ءِ  وڑ ءُ پئیم : 

یک ساپیں کاگدی ءِ سر ءَ ارزی دیوک ءِ نام ، اڈریس ءُ پدا رابطہ۔ پدا ھما ادارہ ءِ نام کہ چہ آئی ءَ تو آئی  ءِ کارانی بابت ءَ سرپدی زیرگ لوٹ ئے ۔

چدو رند ھما ھاسیں موضوع کہ آئی  ءِ سرا ترا سرپدی لوٹ انت ءُ پدا جھل ءَ وتئی جست ءَ نبشتہ بکن۔ 

اے ارزی پہ ھما ادراہ ءِ انفارمیشن آفیسر ءِ نام ءَ رجسٹرڈ ایں پوسٹ آفس ءَ چہ دیم دئیگ  بہ بیت بشرطیکہ انفارمیشن  آفیسر آ ادارہ ءِ مہ بیت گڈا ادارہ ءِ سربراہ ءِ نام ءَ ھمے ارزی دیم دئیگ بیت۔ پہ ریکارڈ ءَ وتئی گورا ھمے کاگد ءِ نقلے ایر کنگ ھم نبشتہ ایں، ادراہ باید 10 روچ ءِ تہا ھما مردم ءَ کہ سرپدی لوٹ اتگ آئی ءَ ھمے 10 ایں روچانی تہا بہ پُجّارینت بلے اگاں مزنیں پٹ ءُ پولی کارے گڈا دگہ 10 روچ گیشیں ادارہ ءَ دئیگ بیت ۔

اگاں ھما ادرہ گیش چہ گیش سئے ءُ چار ھپتگ ءِ تہا لوٹ اتگیں سرپدیاں ارزی دیوک ءَ سر نہ کنت گڈا پدا  پاکستان انفارمیشن کمیشن ءَ ساپیں کاگدی ءِ سرا وتئی ارزی ءَ  بدنت ءُ ھما ادارہ ءِ نام ءَ بہ لک ایت، PIC  ششت روچ ءِ تہا  ارزی ءِ جواب ءَ دیم دنت۔

مارا کجام وڑیں جست ءِ اجازت نہ بیت؟ 

 لھتے انچیں سرپدی انت آ مھلوک ءَ دئیگ نہ بنت مطلب اگاں آ جست ملکی سلامتی ءُ ڈیفینس  ءِ بابت  ءِ  جست یا 

ملک  ءِ  ڈنّی پالیسی ءِ بابت ءَ جست۔

کرینمل کیس ءُ پٹ ءُ پولی جست ۔

عدالتی کارروائیانی جست  ءُ دگہ ایکنومیکل ءُ کانفڈینشل جستانی کنگ ءِ حق مارا دئیگ نہ بیتگ۔ 

اگاں شمارا گیشیں سرپدی اے بابت  ءَ درکار انت گڈا RTI ءُ پاکستان انفارمیشن کمیشن ءِ ویب سائیٹاں دست کپ انت۔

اے سرپدی نبشتانک لاء  ءِ بزاں کانود  ءِ نودربرے پہ گْوادر ءِ توار ءَ دیم داتگ۔