ڈولی بیگ ءِ گدار ”پاکیں مھر“

نبشتہ کار:  ھونک گیبیؔ 

ڈولی بیگ وتی گدار پاکیں مھر ءِ ￵پُشتی تاک ءَ ￴نبشتہ کنت کہ ”من ءَ ￴اے گپ ءَ ￴لپرزگ کتگ کہ واکی اِے گدارے؟ 

گِداری رھبنداں چہ در نیاتکگ؟“ 

چہ اے گپاں زانگ بیت کہ گِدار نبیس گدار ءِ ￵راہ ءُ ￶رھبنداں سرپد نہ اِنت۔ چہ کتاب ءِ ￵وانگ ءَ ￴ھمے گُمان بیت کہ گِدار نبیس ءَ ￴اِے جُھد ھم نہ کُرتگ کہ من گدار ءِ ￵راہ ءُ ￶رھبنداں سرپد بہ باں۔ یک مردمے سید ھاشمی اِنت کہ آ بلوچی ءِ ￵اولی گِدار ءَ ￴نبیس ایت۔ گڑاں رؤت ءُ ￶کریم دشتی ءَ ￴وتی گدار ءَ ￴پیش داریت کہ باریں اِے گِدارے اگاں ناں۔ کریم دشتی سید ءَ ￴گوش اِیت کہ اِے گِدارے۔ ڈولی بیگ ءَ ￴ھمے کار کرت نہ کرتگ۔ باید اِنت کہ ڈولی بہ شتین ءُ ￶یکے ءَ ￴پیش ئِے ￸بہ داشتیں کہ باریں اِے گِدارے اگاں ناں۔ 

چوش ڈولی ءَ ￴دیر اِنت کہ اِے گدار ئِے ￸نبیس اِتگ بَلے اِینچو ھیمات ئِے ￸نہ بوتگ کہ من وتی گِدار ءَ ￴کسے ءَ ￴پیش بداریت۔ دنیا ءِ ￵آ دگہ نبشتہ کار کہ گدارے نبیس اَنت گڑاں آ وتی نزینکیں مردمے ءَ ￴یا انچیں زانتکارے ءَ ￴کہ گِدار وان اِیت ءُ ￶گِدار ءَ ￴سرپد اِنت، پیش ئِے ￸داریت دانکہ منی رَدیانی شون ءَ ￴من ءَ ￴بد اَنت۔ محمد حنیف وتی اولی گِدار ءَ ￴کہ نبیس اِیت گڑاں اھوال کاریں سنگتاں پیش ئِے ￸داریت ءُ ￶گوشیت بچار اِت باریں منی گِدار چون اِنت۔ گارشیا مارکیس ءِ ￵وڑیں نبشتہ کاراں ھم وتی گِدار فیڈرل کاسترو وڑیں مردمانی سرا دیم داتگ اَنت۔ گِدار پیش دارگ ءُ ￶سوج گرگ ھچ وڑیں نِزوری یے نہ اِنت۔ 

پدا ڈولی گوش ایت 

”ھمے وڈا اگاں پاکیں مھر ءَ ￴پہ وت ءَ ￴منی ساری ءِ ￵کتابانی کد ءَ ￴وانوک ودی کت بزاں من سوب مند بوتگ آں“

اے گپ ھم شوکیں گپے نہ اِنت۔ تو شائرے ئے ￷تئی کتاب وانگ بنت بَلے پہ وانگ ءَ ￴تو مردماں چے دَیگ ءَ ￴ئے ￷سوب مندی چہ ھمد ءَ ￴زانگ بیت۔ بلوچ تئی کتاب ءَ ￴وانیت، نوں ایشی ءِ ￵متلب اِے نہ اِنت کہ تو پہ وت ءُ ￶دیم ھرچی نبیس ءُ ￶بلوچ ءِ ￵دیما دَؤر دئے ￷کہ بوان۔ اے ھچ وڑیں سوب مندی یے نہ اِنت۔ اردو ءَ پیر کامل، جنت کے پتے، نمل، آب حیات انچیں گدار اَنت کہ چہ درستاں گیش ھمیشانی ایڈیشن دیما اتکگ، بَلے ایشاں کس اردو ءِ ￵شرتریں گِدارانی لڑ ءَ ￴ھوار نہ کنت۔ سک باز کتاب ءِ ￵بہا بئیگ سوب مندی یے نہ اِنت۔ سوب مندی ءُ ￶بے سوبی ءِ ￵ھال چہ وانگ ءَ ￴پد ترا سر بیت۔ 

دیمتر ءَ ￴ڈولی گوش اِیت

”اے ھر دوئیناں بے سوب بی پدا ھم من سوبمند بوتگ آں کہ لھتیں کوھنیں بلوچی لبز یکجاہ کتگ“

اے چُشیں مزنیں دلیلے نہ اِنت۔ پہ کوھنیں لبزانی یکجاہ کنگ ءَ گڑاں تو گال گنجے نبشتہ کتیں۔ گِدار ءِ ￵نام ءَ ￴کوھنیں لبزانی مُچ کنگ چشیں مزنیں کارے زانگ نہ بیت، ءُ ￶دگہ گپے ایش اِنت کہ اِے سرجمیں گِدار ءَ ￴بلوچی ءِ چشیں ھچ کوھنیں لبز مان نیست کہ آئی ءِ ￵مانا ءَ ￴وانوک گال گنجے ءَ ￴شوھاز بہ کنت۔ اے دراہ ھمے لبز اَنت کہ ما اِش زانیں ءُ ￶مئے ￷ ھمو روچی گپاں ھوار اَنت۔  

نوں گِدار ڈلگ ڈلگیں رَدیانی سرا تران کناں۔ 

اولی رَدی ایش اِنت کہ گدار ءِ ￵بندات ءَ ￴بزانکہ تاکدیم 5 ءَ ￴ماھل ءِ ￵پت ءِ ￵نام کنّر اِنت۔ 

”چاکر ءُ ￶ماھل چیزے روچ ات کہ یکیں کور ءَ ￴پساں شتگ ات اَنت، ماھل کنّر ءِ ￵چُک ات“ تاکدیم 5 

”یکرندے کنّر ءِ ￵لوگ بانگ شلی ءَ ￴گوشت، کنّر ماھل نوں مزن اِنت“ تاکدیم 5 

چہ اِد ءَ ￴زانگ بیت کہ ماھل ءِ ￵پت ءِ ￵نام کنّر اِنت۔ بَلے پدا دیمتر ءَ ￴نبشتہ کار ماھل ءِ ￵پت ءِ ￵نام ءَ ￴شموشیت ءُ ￶رَزائی کنت ئِے، ءُ ￶وسرّ ءَ ￴وت ماھل ءِ ￵پت رَزائی بیت۔ 

”ماھل ءِ ￵سرجمیں ٹک ءُ ￶ٹولاں من شر زاناں بزگیں شدری ءِ ￵چم دو اَنت ءُ ￶چک یکیں توئے، پرچا چمانے کور کن ئے ￷ابا ماھل ءِ ￵پت رزائی اگاں سھی بہ بیت“ تاکدیم 7 

”ماتی ماھل ءِ ￵ھون اَنت۔ 

کجام ماھل رزائی ءِ ￵جَنک؟ 

ھو ماتی رزائی ءِ ￵جَنک“ تاکدیم 19 

گِدار نبیس ءَ ￴اینچو ھم سما نہ بوتگ کہ من گِدار ءِ ￵بندات ءَ ￴ماھل ءِ ￵پت کنّر کتگ ءُ ￶رند ءَ ￴شموشتگ ءُ ￶وسرّ ءَ ￴وت کنّر ءِ ￵جاہ ءَ ￴ماھل ءِ ￵پت ءِ ￵نام رزائی کرتگ۔ 

ھمے وڑیں رَدی دگہ دو جاہ ءَ ￴ھم است۔ تاکدیم 127 ءَ ￴آلی مریت۔ ”آلی، جاوید مھیم اے سئے ￷ ایں ھلاس بوت اَنت“ 

پدا تاکدیم 130 ءَ ￴آلی زندگ اِنت۔ گِدار فلیش بیک ءَ ￴ھم نہ رؤت۔ ”مھرنگ تو کمیں بیا آلی چہ لوگ ءَ ￴در اتک“ 

اِد ءَ ￴ھم گِدار نبیس شمشتگ۔ اسل ءَ ￴اِد ءَ ￴آلی جاہ ءَ ￴زھور بئیگی اِنت۔ ”مھرنگ تو کمیں بیا زھور چہ لوگ ءَ ￴در اتک“

پدا 143 ءَ ￴ھم گِدار نبیس شمشیت ءُ ￶نگینہ ءِ ￵پت زھور ءَ ￴نگینہ ءِ ￵ناکو کنت۔ 

” ازگر ترا یات اِنت کہ ما پہ وتی لوگ ءِ ￵باگ ءِ ￵وکشی ساھدارانی کہ منی ھُدا مرزی ناکو زھور ءَ ￴داشتگ ات اَنت“ 

اِد ءَ ￴نگینہ گپ ءَ ￴انت۔ نگینہ ءِ ￵ناکو زھور نہ اِنت۔ نگینہ ءِ ￵ناکو آلی انت ءُ ￶زھور نگینہ ءِ ￵پت اِنت۔ 

دگہ نزوری ایش اِنت کہ گِدار نبیس ءَ ￴زبان ءِ ￵ھیال نہ داشتگ۔ ھر جاہ ءَ ￴ڈولی بیگ گپ ءَ ￴اِنت۔ بالگتر ءَ ￴ماھل گپ ءَ ￴بہ بیت یا شدری ءُ ￶چاکر۔ بَلے گپ ءَ ￴اِنت ڈولی۔ 

بچک گْوادر ءَ ￴کئیت۔ ناھدا شاہ دوست گپ ءَ ￴اِنت یا بانڈاری، اِد ءَ ￴ھم ڈولی گپ ءَ ￴انت۔ جنینے گپ ءَ ￴بیت یا مردینے۔ ھر جاہ ءَ ￴بچار ڈولی اِنت۔ 

اِد ءَ ￴بِلّ ھمے چاکر کہ کراچی ءَ ￴رؤت۔ اود ءَ ￴ماری پوری جنک کہ گِدار ءَ کردارانی دروشم ءَ ￴کاینت۔ جنکانی اُمبر کسان اِنت، ھمے ماری پوری جنک ھم بالگتر ءِ ￵بلک زرناز ءُ ￶شدری ءِ ￵وڑ ءَ ￴گپ جَن اَنت۔ اِد ءَ ￴ھم ڈولی ءِ ￵زبان یکین اِنت۔ سِندی پنڈوکاں بگر داں کراچی ءِ ￵پولیساں بیا۔ ھر جاہ بچار ڈولی اِنت کہ گپ ءَ ￴اِنت۔

(روان اِنت)