سیاہ زردوئی
سجاد اسد
 |
سیاہ زردوئی یا ایپاٹائیٹس c ، ورلڈ ایلتھ آرگنائزیشن WHO بزاں میان استمانی جان سلامتی ءِ ادارگءِ 2016ءِ رپورٹءِ ردءَ دنیاءِ تہا کساس ہپت کروڈ دہ لک مردم 71000000 سیا زردوئیءِ آماچ انت ءُ سالے کساس چار لک مردوم مرگءِ آماچ بیت۔
سیاہ زردوئی جگرءِ نادرہائی ئے۔ اے نادرہانی تہا لہتیں نشانی ایش بوت کن انت چوش کہ پشانک، گُژنگ نہ بوئگ، دلءِ رچگ بزان شانگ، تپ، ہڈ ءُ بندانی درد کنگ ءُ پیشاپءِ سک زرد بوئگ ھوار انت۔
بلے دلگوش کنگ بہ بیت کہ اے نشانیانی گندگ بوئگءَ گوں الم نہ انت کہ نادرہءَ الم سیاہ زردوئی بہ بیت پمیشکہ کجام ھم نادرہائیءِ بابتءَ ٹیسٹ کنگءُ ڈاکٹرءَ پیش بوئگ المی اِنت۔ سیاہ زردوئیءِِ اے نشانیاں پد گُڈی سری ءُ سکیں بیم ناک تریں نشانی جگرءِ کینسر انت کہ آ گُڈ سرءَ ساہ گِر بیت ۔
سیاہ زردوئی یک شنگ بوتگیں نادرائیے۔ یک انچیں وائرسے کہ انسانءَ سیاہ زردوئی دنت ءُ اے وائرس انسانءِ ھونءَ ھوار بیت ءُ اشییءِ آماچ بوئگءِ چندیں سبب اے بیت کن انت چوش کہ چہ سیاہ زردوئی آماچیں نادرہءَ چہ ھون زورگ، کارمرز بوتگیں سوچن ءُ انجکشن ءُ بلیڈءِ دوار کارمرز کنگ۔۔۔۔
سیاہ زردوئیءِ ویکسین بزاں درمان انگت نیست۔ چوش کہ پولیو ءُ دگہ لہتیں نادرہائیانی ھست انت کہ آہانی پیسرءَ چہ ٹُکءَ جنگ یا درمان دئیگ بیت۔ پمشکہ چہ سیاہ زردوئیءَ رَکگءِ ھاترءَ الم انت کہ مردم وتءَ بہ پہریز ایت ءُ سیاہ زردوئی آماچیں نادرہءِ ھونءَ مہ زور ایت ءُ دگہ چیزانی دوار کار گِرگءَ چہ وتءَ بہ رک ایت۔
ھمے وڑءَ ھاس دلگوشی دئیگ بہ بیت کہ ہر چونائیں مردمےءَ چہ ھون زورگءَ پیسر آئیءِ ٹیسٹ کنگ بہ بیت کہ ھدا مہ کنت آ سیاہ زردوئیءِ آماچ نہ انت۔ ءُ ھجامانی کرا ھم دلگوشی دئیگ بہ بیت کہ کارمرز کتگیں بلیڈ ءُ دگہ شے دوار کارمرز کنگ مہ بنت۔ چیاکہ سیاہ زردوئی چہ ھونءَ یک انسانےءَ دومی انسانءَ شِنگ بیت پمیشکہ ھر ھما چیر کارمرزکنگ مہ بیت کہ یک انسانےءِ ھونءَ گوں نزیک بیت ءُ دومی انسانءِ ھونءَ گوں ھور بوت کنت۔
نبشتانک ءَ یوٹیوبءَ چارگءِ لنک
 |
@Sajjad13931481 |
No comments:
Post a Comment