نا وشیں ھال: عبداللہ ثنا بیران بوتگ

بلوچیءِ توتی لسانیں گُشندہ عبداللہ ثنا بیران بوتگ

گوادر ءِ توار

بلوچی زبان ءِ گوشندہ واجہ عبداللہ ثنا ءِ باروا ھال اتکگ کہ واجہ بیران بوتگ ـ واجہ ءَ جگر ءِ نادراھی ءَ بے وار کتگ اَت ءُ گوشگ بیت پہ علاج ءَ سک باز زر پہ کار بوتگ ـ اوست ویلفیئر آرگنائزیشن ءِ جھد کاراں زر جم کنگ ءِ کوشست ھم کتگ،  نزاناں جھد کار چنچو سوبین بوتگ اَنت ـ نوں ھالے کہ واجہ عبداللہ ثنا ءَ پشت مانداتگ ءُ شُتگ ـ

واجہ عبداللہ ثنا ءِ پشپداں اوپار بہ رسات' ـ ذولفقار علی ذولفی

عبداللہ ثنا ھما وھدی گوں من آشنا ءُ سنگت اَت ۔ کہ من نوکی شئیر نبشہ کنئگ ءِ جھد ءَ اِتاں ءُ آ گشندھی ھیل گرگا اَت ۔ اے سنگتی تاں آئی ءِ اُمر ءِ گُڈّی روچاں ھما وڑا اَت ۔ کہ بنداتی روچان اَت ۔ چیا کہ ثنا ءِ کرّا بیدِ مھراں دگہ ہچّی نیست اَت ۔ بلوچی زیمر یک مھروانیں گشندھے ءُ نمیرانیں آوازے ءَ زبھر بوت ۔ 

بَلے عطا گشیت ۔۔۔ 

چے رستریں دنیا ءِ مھر ءَ چہ یکیم اِنت دل

دریگت کہ بہ برتیں تو گوں وت منی ساہ ءَ را

ثنا ھم چو عطا ءَ چہ رستریں دنیا ءِ بے مھریانی کُہت ءُ ارماناں آجو بوت ۔۔ 

ارواہ ئِے آسودگ بات ۔

ماجد عزیز