گنز، بے آپیءِ جیڑہ

 گنز، آپ ءِ جیڑہ

ھامجان واھگ

گنز ءَ چو مدامی ایں رنگ ءَ آپ ءِ جیڑہ داہم ءَ ھست انت مرچی ہم ہمے ڈول ءَ آپ  نہ بیگئے سببءَ گنزءِ مہلوکءَ جیونی ءِ روڑ بند کُتگ تحصیل جیوانیءِ تانیدار واجہ واحد  اتکگ  ءُ مارا دلبڈی داتگ ئے کہ شمے آپ ءِ جیڑہ وت ھلاس بیت  بلے انگتہ ہم ما تسلہ ءُ دلجم نہ بیتیں۔ سنگتاں شور کت کہ گوادر َٕءَ ڈی سی ءَ گوں دُچارکپیں۔ ہمے  رنگ ءَ طارق واحد، آمجان واھگ،   ناھدا صادق، انورشاہ،  ناھدا زاہد  ،خلیل پیرجان، سامد علی، ارشد مولابخش ءُ صنوبر صالح ءِ ہمراہی ءَ ما گوادر ءَ شُتیں بلے مئے بدبھتی ٕءَ کہ ڈی سی وتی کار گسءَ ساڑی نہ ات ءُ ماگوں اے سی  ءُ اے ڈی سی ءَ دُچار کپتیں آئیءَ ما وتی آپ ءِ جیڑہ دیم ءَ ایر کتاں  ءُ ما اےڈی سی ءُ  اے سی ءَ گُشت کہ مزنیں وھدے کہ گنز ءََ آپءِ ھچ  آسراتی نیست انت مرچی ہمے جیڑہءِ سرا دمگءِ ھندی مہلوک ءُ مردماں جیونی روڑ داشتگ  ءُ زہرشانی کتگ۔

  جیونیءِ تانیدار اتکگ ءُ مارا دلبڈی دیگءِ کوشش کتگ ئے بلے مئے میتگءِ مردم اے گپ ءَ دلجم نہ بیتگاں پرچہ کہ مارا اے پیمیں دلبڈی باز رندا داتگ اِت۔ پمیشکہ ما گوادرءَ مستریں واکدارانی گورءَ اتکگ اِنت۔ بلے ادا اوں واکداراں مارا ھمے گُشت کہ   شمے  آپ ءِ جیڑہ ءَ دیم ءَ براں ءُ زوت اے جیڑہ ءَ گیش ءُ گیوار کن انت۔ مئے میانءَ دو روچءِ مہلتءُ گپ بوت کہ دو روچءِ تہا اے جیڑہ گیش ءُ گیوار بہ بیت اگاں ناں گڑا ما پدا زہرشانیءَ لاچار بئینت۔ 

ھام جان واھگ