دور یک توارے پیداک اِنت

 دور یک توارے پیداک اِنت

             دل جان شاہ

 دلءَ اومان کت کہ تئی ترانگ ءَ بہ کپاں

 اجبیں گپے گِندئے؟

 ترانگ ءَ ھمائی ءِ کپگ بیت کہ آ یات مہ بیت تو کہ یات ئے ترا گیر کاران ءَ گوں تو چندے گپ جنَگ لوٹاں

 

هما ایں کہ تو اچ من گسر کپتگ ئے هما من ءُ هما منی ایوکی ایں کہ تی ودار ءَ نشتگ آں...

بلے نوں من زان آں تئی دیمءَ دیوال پاد اتکگ اَنت دیوالاں آ دیم جنگلے درچکاں مرگاں راھے . ھمے جنگل کہ دیوال ءِ پشت ءَ ایں ھمیشی ءِ راہ تو گار کتگ؟

کِشک ، کوھنیں پد ، دُرس گار کتگ اَنت؟

  تو ھما پد گندئے شوھاز کت بہ کُتین اَنت تو الّم منزلے ءَ سر بیت ئے

 شپءَ وپسگءَ پیسرءَ مدام تو گیر کائے 

اڑے ترا ھما روچ یات کنت ؟ من تو ھردوئیں سورگ دلءَ لیب چارگ ءَ اتیں. آ روچی تئی دل ءَ چونیں شیتانیں لیبے برجاہ اَت چہ مُچّی ءَ بے کِمار تو کندگ ءَ ات ئے منی چشمک ءِ سرا منی دِرتگیں پادگ ءِ سرا منی سِستگیں چمپل ءِ سرا 

تو گشگ ءَ ات ئے مردم کپگ ءَ وَ کپ ایت بلے چو کہ تو کپتگ ئے پَرشتہ ھم درد بیتگ اَنت 

عظیم مرچی من پہ تو ارمانے دُراھی کناں چوش کہ تو  گار بیتگ ئے ھدا ھم درد بیتگ 

تو اگاں آگہہ ءِ دیوال ءِ پُشت ءِ جَنگل ءَ  کپوتے نالگ ءَ ایں آ  ھم تئی ودار نشتگ کہ باریں کدی واتر بے؟

 بلے تو گپءِ زان ئے اگاں واتر بئے گڑا میتگ ءَ میا کہ میتگ ءَ ودار نیست

 جنگل ءَ برو  کپوتے پہ تو مدام آگہ انت کپوتے ترا مدام ترا یات کنت

کپوتے مدام تئی ودار ایں 

شپ ایں  ماھکانی انت من یک پراھگے ءَ اوشتاتگاں  دور یک توارے پیداک انت من ھمے توار ءِ پداں گرگ ءُ جنزگ لوٹاں من ھمے توار ءَ پولگ لوٹاں من اے سرجمّیں وڑّ ءَ گولگ لوٹاں  کہ بلکیں اے توار تئی بہ بیت بلکیں اے تو بہ بئے بلے منی پاد مین اَنت یک گامے نہ دیم ءَ شت کناں نہ پشت ءَ

بلے منی چمّاں نوں اے وڑ جنگلے بیان اِنت اد ءَ درچک رُدان اَنت 

اے مین ھلاس بیان اِنت ءُ دل گل بیان اِنت کہ تئی توار نزیک آیان ایں

زوت بیا مارا چرے مین ءَ کش 

تئی  دلووو...

@DilJanShah1