بائیو ڈائیورسٹیءِ جنجال

 بائیوڈائیورسٹی جنجال BIOdiversity CRISIS

سجاد اسد                             

بائیوڈائیورسٹی بزاں دگنیا ءِ تہا ھستیں ھر وڑیں  بے ھساب ایں ساھدار ۔ ساھدار کہ آ درچک و دار  ، جناور و رستر ، کسان کسان ایں کرم و کوگ ، بنی آدم و دگہ باز۔  زانتگیں او پہمتگیں گپ اش اِنت کہ ھر ساھدار  ءَ پہ دومی ساھدار ءَ وڑے ناں وڑے ءَ کار کپیت۔ لہتیں ساھدار دومی ساھدار ءَ وارت ءُ لہتیں ساھدار دومی ساھدار ءَ وتی لوگ ءُ گِس جوڈ کنت ۔

 بنی آدم کہ وتءَ چہ درست ایں ساھداراں زانتکار ءُ پرزور منیت ءُ لیکیت ھم اے دگے ساھداراں گوں کار ئے ھر رنگ  ءَ کپیت ۔ بنی آدم دگہ ساھداراں کشیت ءُ وارت ، گڈّیت ءُ سوچیت ، گڈّیت ءُ لوگ بندیت ، سبزی و پروٹ کنت وارت ءُ دگے بازیں کار ۔بلئے بنی آدم ءِ کتگیں کاراں مرچی بنی آدم  ءِ جند یک نوکیں ترس ءُ بیمّ  ئے آماچ کرتگ۔ ھما ترس کہ بائیوڈائیورسٹی کرائسس biodiversity CRISIS آئیءِ  نام اِنت ایں ۔ گپ  ءِ مکسد اش ایں کہ بنی آدم  ءِ کرتگیں کاراں چہ مرچی دگنیا ءِ تہا ساھدارانی کچ ءُ کساس کم ترّانیں ءُ بازیں ساھدارانی نسل ھلاس بوتگ ءُ بازین ایں ھلاس بوھگ  ءِ نزّیک آں ایں ۔

  بنی آدمءِ کتگیں کار ءُ بائیوڈائیورسٹی کرائسس:                باز جناور ، مُرگ ،درچک ءُ دار بنی آدم ءَ گار ءُ بیگواہ کتگ انت انچُش کہ دُرچک کہ یک وھدے مکران ءَ سک باز بوتگ مرچی سک کم ترّیتگ ایشیءِ مستریں زمہ وار انسان ایں کہ آئیءَ بے ھساب ءُ بے مکسد دُرچک ۓ شکار کتگ ۔ اگاں ھمے رنگءَ شکار برجم ببیت گڑا درُچک ھلاس بیت ءُ بنی آدم  اپسوز ءَ ابید دگہ ھچ کت نکنت ۔ ھمے ھال  گوں ھرگوش ، آسک ، سید او ماھیگ آں ۔شکار ءَ ابید بنی آدمءِ جنگل ءُ درچکانی بُرّگ پہ وتی متلب ءَ ھم جناور ءُ مرگ  آں نگیگ کنت۔کور ءُ گورمانی بار دیئگ پہ لوگ ءُ جاگہ آپ  ءِ ساھداراں بے لوگ کنت او کُشیت او جنگل ءُ کوہءِ ساھداراں چہ آپ ئے ورگءَ زبہر کنت۔نیلیں زر ءِ تہا کاگد ءُ گند دور دئیگ آپ  ءِ تہءِ ماھیگ ءُ ساھداراں کشیت و گار کنت ۔ 

زورگی گام گیج :                                                            بنی آدم ءَ بگیر اے دگے ساھداراں نبیت گڑا الّم انِت کہ لہتے گام گیج پہ ساھدارانی رکینگءَ زورگ بہ بیت۔ باید اِنت کہ گیش ایں ءُ بے زلوررت ایں شکار کنگ مہ بیت ۔جنگل  ءِ سوچگ ءُ گّڈگ  ءِ سرا کّمو کنٹرول کننگ بہ بیت۔ سرکار باید انت کور ءُ گوْرمانی کش ءُ کِّرا بہا مکنت ءُ مارکیٹ ءُ لوگ  ءِ بندگ  ءِ اجازت مہ دنت۔ او ھر کس کد  ئے وت لس مہلوک ءِ تہا اے بابت ءَ سرپدی بِدنت۔