بزّگیں زند ءِ گُڈّی سرھد ۔ گوادر ءِ توار

بزّگیں زند ءِ گُڈّی سرھد

                                           این آر بلوچ

کتاب：Homo Deus

بزّگیں زند ءِ گُڈّی سرھد

نبشتہ کار ：یوول نوح ھراری

رجانک： این آر بلوچ

بندات چَہ ڈُکّال ءَ چے کن اِنت کہ ھزارانی سال اِے انسانیت ءِ دژمن ایں ءُ پیداکیں، اَنیگیں اھدا اُوں انسان ءِ گیشتریں بَھر بزّگی ءِ زندءَ زندگ اَنت۔ ھمے کہ کسانیں بَھرے ءِ مردم سکّ جلدی شُدیگیں لاپ ءِ ارجان بنت کہ وھدے کسانیں ردیے یا بد بھتی ے تیوکیں ھاندانءُ بازاری ءَ تباہ کُت کنت، اگاں تیزیں ھور ءُ گواتاں چہ کِشتگیں ڈگّار ئے کِشت ءُ کِشار ھراب بہ بیت یا دُزّ  ءُ ڈُنگے تئی داشتگیں رَمگ ءَ بہ بارت گڑا تو ءُ تئی دوستگیں مردمے چہ شُد لاپ بہ مِر اِیت۔

وھدے کہ دیریگیں مسر یا کرون وستی ءَ ھُندوستان ءَ ڈُکّال بیتگ اَت گُڑا تیوگیں آبادی ءِ دَھ  چہ پنچ بَھر پہ بزّگی ءَ  مُرت ءُ شُت۔ برنج نہ پُجیتگ اَت اَنت، چہ دومی جاہ ءَ برنج لوٹائنگ باز گران اَت، ھمے واستا  بلائیں بَھرے ءَ وردن پُجارینگ سک مُشکل اَت ،راجداری  اَمینکس نزور اَت کہ اِے کُلّیں مہلوک ءِ ساہ ءِ پاریزگ ءَ  سوبیں نہ بیتگ اَت۔

راج دپتر ءِ ھر یکّ کتاب ءَ را پچ بہ کن اِت ءُ بہ چار اِت شما گند اِت کہ گیشریں آبادی  شُد ءَ گوں جنگ ءَ بیتگ۔ اَنچوش کہ اپریل 1994 ءَ ہیوویس (Beauvais) نامی میتگ ئے یک فرانسیسی اَپسری  ءَ ڈُکّال ءُ  وَردِنانی  گیش بیتگیں کیمتانی بابت ءَ لیکہتگ کہ گریبانی یک نہ 

ھلاس بوکیں ٹولی ے، چہ بازیں شُدءَ نِزور ءُ  لاگر بیتگ اَت، پرچا کہ ملازمت  ءُ کار ئے بئیگ ءَ پد اوں اِیشانی کرا نگن ءِ زورگ ءِ زَرّ نہ بیتگ اَت ۔

وتی زندگی ءِ روچانی گیش کنگ ءِ ھاترا ءُ شُد ءِ دپ ءِ بند کنگ ءِ واستا آہاں پیشی ءُ اَپسانی گوژد  ءُ دومی گوک ءِ کُشگ ءَ پد رِتکگیں ھون وارتگ  ءُ زند گوازینتگ اَت، لھتے بے وسیں گریباں جنگل ءِ دْرچکانی تاک گراستگ ءُ وارتگ اَت، سرجمیں پرانس ءِ دروشم ھمے وڑ ءَ اَت، گْوستگیں دو سال ءِ موسم ءَ تیوگیں مہلُوک ءِ کِشت ءُ کِشار تباہ ءُ برباد کُتگ اَت۔ بزاں کہ داں 1694 ءَ ھچ نہ بیتگ اَت ھُشک ءُ ھیرانی اَت۔

ھما واجہ ءُ میراں کہ برنج چیر داتگ اِت اَنت آیاں  دل ءِ میلءَ بھا کُت اَنت مزنیں کچّی ءَ گریب مِرگ ءَ اِت اَنت۔ 1692 ءَ چہ1694 ءِ میان ءَ کِساس 28 لَکّ فرانسیسی آبادی ءِ پانزدہ بَھر ھلاس بیتگ اَت۔ دومی نیم ءَ لوئی چودہ نامی بادشاہ ئے گوں وتی مردماں نشتگ اَت ءُ ھیش ءُ نوش کنگ ءَ اَت، آھوکیں سال 1695 ءَ ڈُکّال ءَ ایسٹونیا ءِ سرا اُرُشّ کُت ءُ ایشی ءِ آبادی ءِ پنچ بَھر ھن وتی ارجان جَت ءُ کُشت۔

1996 ءَ پن لینڈ ءِ باریگ اَت کہ اوداں اوں بازین ءِ مُرت ءُ گار بیت ،1995 ءَ چہ 1998 ءِ میان ءَ اسکاٹ لینڈ اوں ڈُکّال ءِ ارجان بیتگ اَت لھتے جاہ ءَ و ھچ مردم پشت نہ داتگ اَت ڈُکّال ءَ، بازیں مُلا ءُ زانت کار  ھمے سوچ ءُ پگر ءِ تہا گار کُت اَنت کہ نیم روچ ءَ ورگ نہ رسگ ءَ چی بیت یا نیکراہ ءِ منّوگرانی روچگ دارگ ءَ چہ بیت انچوش کہ تو پہ وزن ءِ کم کنگ ءِ ھاتر چیزئے روچ ءَ تک سبزی ور ئے بَلے اِے وھد ءَ چی مارگ ءَ بئے کہ تو بازیں روچ بیت تو ھچ پہ واردن ءَ نئیتگ اَت！

بَلے بژن کہ مئے پت ءُ پیروک چہ اِے ترس ءَ شَر سرپد بیتگاں کہ واجہ ھُدا ءِ دیم ءَ گْریتگ ئے کہ واجہ ھُدا مارا چہ اِے ڈُکّال بہ پَہریز .

روان اِنت۔۔۔۔！