رو دراتک ءُ روبرکتی بلوچستانءِ سیم سرا بزگیں پوریاگرانی توار مں سوشل میڈیاءَ
گوادر ءِ توار
رودراتکی بلوچستان ءُ روبرکتی بلوچستان ءِ سیم سرا پہ سیم سر ءِ پچ کنگ ءِ لوٹ کنوکیں بلوچ پوریاگرانی ھاتر ءَ سوشل میڈیاءَ توار بُرز بوئگءَ انت۔ اے درگتءَ ھالانی ردءَ سیم سرا گوں بندوکیں ہزارانی کساسءَ پوریاگر باز روچ بیت کہ گُژن ءُ تُن سیم سرا نندوک آں بلے انگت پاکستان ءُ ایران ءِ چیردستیءَ سیم سر بند انت۔ اے پوریاگرانی روزگار گوں سیم سرا تیل ءِ کاروبارءَ گوں بندوک انت کہ اشییءِ بند بوئگءَ چہ بازیں چُلانی آس مُرتگ انت۔
چاگردی رسانکءَ اے درگت ءَ وتی ھئیالانی درشان کنانءَ بلوچ نودربر راہشون بانک ماہ رنگ بلوچ ءَ گُشتگ "اے ریاست ءِ زمہ واری انت کہ وتی اُلسءَ روزگار بہ دنت بلے ادا سرکار بے سوب بوتگ۔ مہلوک پہ وتی زند ءِ رکینگءَ لاچار بوتگ کہ بلے نوں سیم سرءِ بند کنگءِ بزانت ھمیش انت کہ مردُم چہ گُژن بہ مِر انت" ۔
سیم سرءِ پچ کنگءِ لوٹ کنوک ٹوئیٹر ءَ انساپ پہ سیم سر ءِ آماچاں ، ٹرینڈءَ کارمرز کنگ ءَ آں۔
#JusticeForBorderVictims
No comments:
Post a Comment