بلوچ راجی مچی، گوں ماما تالپور ءَ ایسپ بلوچ ءِ ￵ ￴گلگدارے

 بلوچ راجی مچّی ءُ ￶استیں بلوچ سیاست ءِ ￵لوٹ ءُ ￶گزرانی بابت ءَ“ ￴بلوچ زانتکار میر مھمد علی تالپور ءَ ￴گوں گلگدارے

دلگوش: بلوچ زانتکار، نبشتہ کار ءُ ￶جھدکار واجہ میر مھمد علی تالپور ءَ ￴گوں گلگدار گْوادر ءِ ￵توار ءِ ￵باسک ایسپ بلوچ ءَ ￴کتگ۔ اے گلگدار 10 جولائی ءَ ￴کنگ بوتگ۔ واجہ ءَ ￴جستانی پسّو انگریزی ءَ ￴داتگ انت ءُ ￶ایسپ بلوچ ءَ ￴پسّو بلوچی ءَ ￴ترّینتگ انت۔ لبزانی روانی ءُ ￶پسّوانی شوکتریں رنگے ءَ ￴ زانگ ءِ ھاترا باز لبز پہ زانت بلوچی ءَ ￴ترّینگ نہ بوتگ انت پہ ایشی ءَ ￴ما پیشگی پھلی لوٹ ایں۔

ایسپ بلوچ: تو بی وائی سی ءَ ￴چوں چارئے ءُ ￶بلوچ سیاست ءِ ￵تہ ءَ ￴بلوچ راجی مچّی ءِ ￵اہمیت چی انت؟

میر محمد علی تالپور: بی وائی سی ￴بلوچ ءِ ￵روایتی سیاست ءِ ￵ پروش انت ھما سیاست کہ آئی ءَ ￴ راجدوستی ءِ ￵نام ءَ ￴بنجاہی بستارے ￴است بوتگ ءُ ￶بلوچستان ءِ ￵تہ ءَ ￴ھاکمی اِش کتگ۔ لھتیں ”نیم راجدوستی“ ءِ ￵پروگرام ءِ ￵تہ ءَ ￴سیاست کنگ ءَ ￴بوتگ انت،ایشانی ھیال بوتگ کہ ما فیڈریشن ءِ ￵تہ ءَ ￴وتی لوٹاں پیلو کنیں بلے بے سوب بوتگ انت ءُ ￶حاکم ءِ ￵ھمکار جوڑ بوتگ انت۔ لھتیں این جی اوز بوتگ انت آھانی ٹاپار ھم بلوچستان ءِ ￵ھزمت بوتگ بلے ایشانی آسر ءَ ￴ما ھچ نہ دیستگ۔

بی وائی سی سیاسی گلے ￵ نہ انت ءُ ￶نئیکہ بی وائی سی ءَ سیاسی گلے ￵جوڑ بوھگی انت،اگاں جوڑ بوت تہ بزاں وتی کبر ءَ ￴وت جنگ ءَ ￴انت۔ بی وائی سی چاگردی ءُ ￶سیاسی جنزے،ایشی ءِ ￵مکسد بلوچ ءِ ￵سرا بوتگیں زوراکیانی پدّر کنگ ءُ ￶لس مھلوک ءِ ￵ھواری ءَ ￴زوراکیانی ھلاپ ءَ ￴گھگیری کنگ انت۔ اے سکّیں مزنیں کارے، تُربَت-اسلام آباد ءِ ￵نندانکاں پد مھلوک ءَ زورانسری بیگواھی ءِ ￵درچ ایر جت ءُ ￶گھگیری کت۔

راجی مچّی نوکیں ھیالے پہ مھلوک ءِ ￵ ھاترا ءُ ￶مھلوک نیمگ ءَ بوھگ ءَ ￴انت۔ اے ھیال چہ جرگہ ءَ ￴جتا انت کہ آ حان کلات سلیمان داؤد ءِ ￵نیمگ ءَ ￴ماں ستمبر 2006 ءَ ￴لوٹائینگ بوتگ ات،گشگ بیت اے جرگہ 128 سال ءَ ￴پد جمّ کنگ بوتگ ات۔ راجی مچّی چوں جنزینگ بیت ایشی ءَ ￴ ￵ما دیما گندیں بلے اے لس مھلوکے سیاسی عمل ءَ ￴بھر کنگ ءِ ￵یک جھدے۔ اے چشیں چیزے نئیں کہ بار بار گشگ بہ بیت، اے ھما بحران ءِ ￵دیمپانی کنگ ءِ ￵یک بحرانی مچّی یے کہ ایشی ءِ ￵داں مرچی بلوچ زوراکی ءُ ￶مال ءُ ￶مڈّیانی لٹّ ءُ ￶پل ءِ رنگ ءَ ￴دیمپان انت۔ اے یک Slow burning Genocide یے، اے بلوچ ءِ ￵ھمک تک ءُ ￶پھنات ءَ ￴نشانگ کنگ ءَ ￴انت چاھے آ دود ءُ ￶ربیدگ بہ بنت،راجدپتر،سیاست یا بلوچ ءِ ￵مادی زند بہ بیت۔

ایسپ: بی وائی سی ءِ ￵بطور در پارلیمانی سیاسی جنزے چِست بوھگ ءُ ￶توانا بوھگ،بلوچستان ءِ ￵پارلیمانی سیاست ءِ ￵سرا چوں سانمند بیت؟

میر تالپور: بی وائی سی ءِ ￵بطور در پارلیمانی جنزے ءِ ￵توانا بوھگ ءِ ￵جھلانکیں سان ماں بلوچستان سیاست ءِ ￵تہ ءَ ￴است مان انت۔ یکّے ایش کہ بی وائی سی ءَ ￴نندانک،زھرشانی ءُ ￶پریس کانفرنس ءِ ￵وسیلہ ءَ ￴زوراکیانی ھلاپ ءَ ￴تچکیں مؤقف ءِ ￵داشت ءُ ￶روایتی قوم پرست گَل پد کِنز کت انت۔ اے جنز ءِ ￵ سوب ءَ ￴پارلیمانی سیاست ءِ ￵منّوگریں سیاسی گل جیڑھے ءِ ￵آماچ انت چیا کہ آھانی سیاست مدام گوں بیان ءُ ￶اپیلانی سرا بندوک بوتگ۔ سیاسی گلاں مھلوک ءِ ￵چمّاں وتی شرپ گار کتگ۔ نوں مھلوک ءِ ￵گور ءَ ￴انچیں جنزے ءِ ￵گچین ءِ ￵اختیار است انت کہ آئی ءِ ￵لوٹ تچک اِنت ءُ ￶آ لس مھلوک ءِ ￵لوٹ ءُ ￶جوزگانی نمائندگی ءَ ￴کنگ ءَ ￴انت۔ جھلانکیں سان ایش انت کہ دیر انت مکسد ءِ ￵پیلو کنگ ءِ ￵ھاترا پارلیمانی سیاست ءَ ￴چہ مھلوک ءِ ￵بیسہ ￵نزور انت چیاکہ مھلوک ءَ ￴دیستگ ات چوں پارلیمانی گلاں کسانیں لوٹانی (وزیری ءُ ￶گورنری) ھاترا راجی لوٹانی سودا کتگ۔ مھلوک ءِ ￵گور ءَ ￴سیاسی گلانی مٹّ است انت ءُ ￶آ چہ بی وائی سی ءَ ￴مطمئن انت۔

ایسپ: بی وائی سی راجی مچّی ءَ ￴چہ تنظیمی اسٹرکچرے ءِ ￵نیمگ ءَ ￴روَگ ءَ ￴انت،ایشی ءِ ￵سان ماں بلوچ سیاست ءَ ￴چی بنت؟

میر تالپور: بی وائی سی ءِ ￵اہمیت آئی ءِ ￵گام ءُ ￶پالیسیاں گوں بندوک بیت۔ بی وائی سی چوں بلوچ ءِ ￵سرا استیں زوراکیانی دیمپانی ءَ ￴کنت ءُ ￶وتی گچین کتگیں کِشک ءِ ￵سرا داں چنچو وھد ءَ ￴اوشت ایت، اے سیاسی تناظر ءَ ￴آئی ءِ ￵اہمیت ءِ ￵پیسلہ ءَ ￴کنت کہ بلوچ سیاست ءِ ￵سرا چوں وتی مھکمی ءَ ￴برجاہ داریت۔

اے نہ تھنا ”زندگ بوھگ“ ءِ ￵ھاترا ردوم زورگ ءَ نہ ￴انت بلکیں سانمندیں قوتے ءِ ￵بستار ءَ ￴مانیت کنت کہ چہ ایشی  ءَ ￴￴ بلوچ وتی مچّی لوٹاں بندوک بہ کن انت۔

ایسپ: ما گندیں کہ بلوچستان ءَ ￴سیاسی گل بِھ سنگل پارٹی یا راجی گلے ءِ ￵بستار ءَ ￴یکجاہ نہ بوتگ انت ءُ ￶انگت ایشانی جھد جتا انت۔ استیں وھد ءَ ￴بی وائی سی ءَ ￴راج یکجاہ کتگ،تئی ھیالاں بی وائی سی راجی گلے ءِ ￵پجّار ءَ ￴کاملیں رنگے ءَ ￴جاہ دئیگ بیت؟

میر تالپور: من ایشی ءَ ￴'گلے' ءِ ￵گشگ ءَ ￴دزکشّ آں،منی ھیالاں اے یک جنزے۔ بلے ھئو، ایشی ءَ ￴زوراکیانی ھلاپ ءَ ￴بلوچ ءِ ￵تہ ءَ ￴تپاکی آرگ ءُ ￶یکجاہ جھد کنگ ءِ ￵ھاترا انگت باز پند بُرّگی انت،باز کار کنگی انت۔

ایسپ: ما دیست کہ بی وائی سی ءِ ￵بلوچ لانگ مارچ ءِ ￵میان ءَ ￴،اسلام آباد ءَ ￴استانی زوراکی ءَ ￴پد کلّیں بلوچستان ءَ ￴زھرشانی بوت ءُ ￶مھلوک ءِ ￵کساس سکّ مزن ات، بلے اردیں شال ءَ ￴مچّی ھلاس بوت مھلوک ھاموش بوت انت۔ اے میان ءَ کہولانی نیمگ ءَ ￴زوراکیانی ھلاپ ءَ ￴مزنیں کچّے ءَ ￴زھرشانی بوت بلے مھلوک ءِ ￵ھواری یکبرے پدا نزور ترّاِیت۔ اے وڑ چیا بوت،آیا اینکدریں سیاسی موبلائزیشن ءَ ￴چہ پد ھم راجی شعور چِست نہ بوتگ؟

میر تالپور: راجی شعور یقینی طور ءَ ￴است انت،زوراکیانی ھلاپ ءَ ￴زھرشانیاں مردم ھوار انت بلے بوت کنت ھما کساس ءَ ￴نہ انت کہ آئی ءَ ￴را تاثر مند گشگ بہ بیت۔ اے ھم شموشگی نہ انت کہ استان ءِ ￵زوراکیں دست چو ”ڈیموکلس ءِ ￵سگار“ ءِ ￵وڑا راج ءِ ￵سرا میلانک انت۔ استان جسمانی ءُ ￶زبانی بیھارانی گوما مھلوک ءِ ￵سرا زور دنت، ریاستی عدالتی نظام ءُ ￶ریاستی پالیسیانی پھازوکیں ریاستی مشینری مردماں چہ بھر زورگ ءَ ￴رکّین انت۔

مچّی اے روشت ءَ ￴یک ھدّے ءَ ￴بدل کت￴ کنت کہ بی وائی سی ءِ ￵ذمہ دار میتگانی تہ ءَ ￴مھلوک ءِ ￵ یکجاہ کنگ ءِ ￵جھد کنگ ءَ ￴انت۔

ایسپ: بی وائی سی لانگ مارچ ءَ ￴پد میڈیا ءِ ￵کوریج ھم نزور ترّ اِت ءُ ￶چہ ایشی ءِ ￵سوب ءَ ￴مھلوک ءِ ￵باوست (ڈسکشن) سانمند بوت۔ شال مچّی ءَ ￴پد بلوچستان ءَ ￴مزنیں کچّے ءَ ￴روڈ بلاک،ننداک ءُ ￶زھرشانی بوت بلے چہ ایشاں میڈیا ءَ  مئے باوست مٹّ کت نہ کت۔ اے جاورھال تو چوں دیست انت؟

میر تالپور: میڈیا (واجہ ءِ ￵اشارہ ریاستی میڈیا ات) اسٹبلشمنٹ ءِ ￵بہرے ءُ ￶آ جیڑھاں سک کم دلگوش دنت کہ آ اسٹبلشمنٹ ءَ ￴دوست نہ بنت۔ بلوچ راج ءِ ”اختلافی کار“ پہ پہ میڈیا ءِ ￵واستہ off-limit انت۔

2014 ءَ ￴ماما قدیر ءِ ￵سروکی ءَ ￴مارچ برجاہ ات ءُ ￶22 فروری ءَ ￴من جہلم ءَ ￴یکبرے پدا مارچ ءَ ￴ھوار بوت انت تہ اے میان ءَ ￴میڈیا ءِ ￵ھچ کوریج نیست ات۔ وھدے مارچ پنڈی ءَ ￴سر بوت تہ میڈیا واب ءَ ￴پاد اتک کمّو باز کوریج ءِ ￵دات۔ وھدے ما نیشنل پریس کلب اسلام آباد ءَ ￴سر بوتاں تہ یکبرے مارا پریس کلب ءِ ￵تہ ءَ ￴روَگ ءَ ￴مکن کنگ بوت پدا پریس کلب ءِ ￵ڈنّی ”لان“ ءَ ￴ اناگہی پریس کانفرنس ءِ ￵ٹھینگ بوت ءُ ￶ماما قدیر ءُ ￶فرزانہ مجید ءَ ￴را وتگڑیں جست ءُ ￶پرس کنگ بوت ءُ ￶فرزانہ مجید ءَ ￴شوکیں رنگے ءَ ￴ایشانی پسّو دات انت، چہ ایشی ءَ ￴پد مارا پریس کلب ءِ ￵تہ ءَ ￴روَگ ءِ ￵موکل دئیگ بوت۔ اِیدے میڈیا استان ءُ ￶استانے پالیسیاں چہ جتا نہ انت۔

ایسپ: 70 ءِ ￵گھگیری ءِ ￵ھلاسی ءَ ￴پد داں 90 ءِ ￵گڈّی دھکاں ￴پارلیمانی سیاست ءَ ￴یکبرے پدا ردوم زورت۔ 2013-2018 ءَ ￴پارلیمانی سیاست یک کسانیں اُوشتے ءَ ￴پد،پدا مھکم بوت۔ مرے سال ءَ ￴گچین کاری یک ھدّے ءَ ￴سرپیس سیاست ءَ ￴سانمند کت انت۔ اگاں باندہ بی وائی سی سیاسی عمل ءَ ￴چہ دور دارگ بوت تہ آمیدگسی سیاست یکبرے پدا ساہ کشّیت؟ اگاں ردوم بہ زوریت تہ ایشی ءِ ￵سوب چی بنت،چی سوب انت کہ وقتی ھاموشی ،لس مھلوکے باوست ءُ ￶توجّہ ءَ ￴دگے نیمگ ءِ ￵بارت؟

میر تالپور: 2008-2013 ءِ ￵میان ءَ ￴بنجاہ ءُ ￶صوبہ ￴ءَ ￴پیپلز پارٹی ءِ ￵سرکار پہ بلوچاں ”ترسناکیں سال اتنت“۔ ھمے زمانگ ءَ ￴ڈیتھ اسکواڈ جوڑ کنگ بوت انت،تاکت دئیگ بوت انت ءُ ￶ایشاں بے سزا ءُ ￶جزا ءَ ￴مھلوک بیگواہ کت انت،ژانگولیں کنٹ دور دات انت۔

ایشی ءَ ￴پدے زمانگ ھم جوان نہ ات،ھما کار بوت انت بس وزیرانی رنگ ءُ ￶دروشم مٹّ بوت انت۔ ڈاکٹر مالک چار ھزار ءُ ￶قدّوس بزنجو چار سد ￴ووٹ ءَ ￴وزیر بوت انت۔ اے میان ءَ ￴زورانسری بیگواہی ءُ ￶فوجی ھاکمی ھما داب ءَ ￴برجاہ اتنت۔ ڈاکٹر مالک، بلوچ دوستے نہ ات۔ ڈاکٹر ءِ ￵دور ￴ءَ ￴ زاھد ءُ ￶اسد آوار جنگ بوت انت۔۔۔ ھزاراں بلوچ آوار جنگ بوت انت،اے پورا بے وسّ ات،ھچّے کت نہ کت۔ ایشی ءَ افتخار چوہدری ءِ ￵چُکّ ￴ریکوڈک ءِ ￵فوکل پرسن کت۔

منی گمان انت کہ اگاں ھدا مہ کنت بی وائی سی بے سوب بہ بیت ھم راج ءَ ￴وتگڑیں پارلیمان ءُ ￶سرکار ءِ ￵مُزّ دیستگ انت۔ پدا وتگڑیں راجدوستانی کرد ءَ ￴بچار (من نام نہ گراں)۔ ھما کہ وتی بربادی ءِ ￵دُمب ￴کپتگ انت، آ الّم پارلیمانی سیاست ءِ ￵پلاّمرزی ￴ءَ ￴جھد کن انت۔

ایسپ: بلوچ ءِ ￵یک تبک ئے ماں ھپتاد ءَ ￴چہ پارلیمانی سیاست ءِ ￵ھلاپ ءَ ￴جھد کنگ ءَ ￴انت۔ ھرچ وھدا اے سیاست دیما اتکگ تہ لس مھلوک ءِ ￵حمایت اِش باز کپتگ بلے اردیں وقتی کریک ڈاؤن ءِ ￵آماچ بوتگ تہ پارلیمانی سیاست ءَ ￴پدا سر چِست کتگ۔ آیا بلوچ ءِ ￵اجتماعی شعور انگت جذباتی وابستگی ءِ ￵آماچ انت؟

میر تالپور: سیاست جوزگ ءِ ￵نام انت ۔ پارلیمانی سیاست ءِ ￵درگت ءَ ￴مھلوک ءِ ￵جذباتی وابستگی ھلاس انت یا نزور انت، اگاں جوزگ ءِ ￵بوتین تہ گچین کاریاں دھاندلی ءِ ￵ھلاپ ءَ ￴مھلوک ءَ ￴جھد کتگ ات۔ منی ھیالاں مھلوک ءَ ￴اے زانگ یل کتگ کہ کئے باج بارت۔ مھلوک نوں زانگ ءَ ￴انت کہ گچین کاری ءَ ￴باج برگ ءِ ￵پیسلہ مھلوک ءِ ￵نہ بیت بلکیں اے پیسلہ ءَ ￴دِگرے کنت۔ لس مھلوک ءِ ￵پارلیمانی سیاست ءَ ￴گوں مایوسی ءِ ￵است۔ مایوسی ءِ ￵سوب تھنا اے نئیں کہ یک تبک ءِ ￵پارلیمانی سیاست ءِ ￵ھلاپ ءَ ￴کار کنگ ءَ ￴انت،ایشی ءِ ￵سان یقیناً است انت بلے بلوچ ءِ گوما ￵استان رویّہ ءُ ￶گچین کاریاں چہ وتی تب ءِ ￵مردمانی دیما آرگ ھم مایوسی ءِ ￵سوب است انت۔

ایسپ: استیں سیاست ءَ ￴پگری گھگیری ءِ ￵رد ءَ ￴چہ گوست ءَ ￴چوں گند اِت؟

میر تالپور: سیاست ارتقائی عمل ئے، اگاں وھدے ھمراھی ءَ ￴توانا مہ بیت تہ بے سوب انت۔ یقیناً مرچی ئیں پگری گھگیری توانگر انت بلے اے ھما پگری ءُ ￶سیاسی کشک ءَ ￴سپر کنگ ءَ ￴انت کہ آ زی گشّینگ بوتگ۔ اگاں اے کشک یل کنگ بہ بیت تہ مھلوک ءِ ￵بیسہ پروشیت۔

ایسپ: گھگیری سیاست ءَ ￴پگر ءِ ￵اہمیت ءُ ￶بستار چی انت؟

میر تالپور: دیدانک بئیدے عمل ءَ ￴ھچ حاصل نہ کنت بلکیں  عمل  دیدانک ءُ ￶پگر ءَ ￴شاھگان کنت۔ ایشانی ھستانک یکّے دومی ءَ ￴گوں بندوک انت۔ بلے دیدانک ھما بہ بیت کہ آ مھلوک ءِ ￵دل ءُ ￶لوٹانی گوما نزّیکی بہ کنت۔

ایسپ: بلوچ سیاست پہ رھشون کدی ھم سنٹ نہ بوتگ بلے باز براں گندگ کئیت کہ سیاسی تجزیہ یا زانتکارانی پِڑ ھورک انت۔ ایشی ءِ ￵بابت ءَ ￴تئی ھیال چی انت۔

میر تالپور: بلوچ ءَ ￴را ساچشتی ذہن وَ است بلے جُست کنوکیں ذہن نزور گندگ کاینت پمے سوب ءَ ￴وتی سیاست ءِ ￵سرا بلوچ ءِ ￵انچو باوست ءُ ￶تران نہ بوتگ کہ بوھگ لوٹیت۔

راجی شعور چوں پاد کنگ بیت ایشیءِ ￵سرا باوست ءِ ￵بدل ءَ ￴ما کسان ءُ ￶بے سِریں باوستاں گوں کپ ایں۔ پرے زوتاں مہرک ءِ ￵پینٹینگ ءِ ￵سرا باز باوست بوتگ انت، منی ھیالاں اے غیر ضروری ءُ ￶ وھد زوالی ءِ ￵ اَت۔

ھمے وڑا بانک مھرنگ ءِ ￵سرا نگد کنگ بوت کہ آئی ءَ ￴بلوچستان ”زورگپتیں ڈیھ“ ءِ ￵بدل ءَ ￴زربار ءُ ￶روکپتی صوبہ گشتگ۔ راستی ایش انت کہ اے شموشگ بوت کہ بانک ءَ ￴میان استمانی دیوانے ءَ ￴بلوچ ءِ ￵نمائندگی کت۔ مہرنگ ءِ ￵سرا بابا مری ءِ ￵لیکہ ءِ ￵گوما دغا  کنگ ءِ ￵الزام جنگ بوت۔ ما بنّکی جیڑھاں لگت دیاں ءُ ￶بے سریں بنگپّانی سرا گیش دلگوش دیئنت۔ چہ اے تب ءَ ￴ما کدی ھم ”دانشورانہ باوست“ ءِ ￵نیمگ ءَ ￴شت نہ بئیں۔

ایسپ: بلوچ ءِ ￵سیاسی بیانیہ ءَ مانِشت (￴بقا) ءِ ￵اہمیں مقام ءِ ￵است۔ تو چشکہ وت عملی گھگیری ءِ ￵بھر بوتگ ئے ءُ ￶باز نبشتہ ھم کتگ۔ تئی ھیالاں راجی مانشت یا تشخص ءِ ￵بزانت چی انت۔ ایشی ءَ ￴چہ کئیا خطرہ است ءُ ￶چیا رکّینگ بہ بیت؟

میر تالپور: بلوچ Slow motion genocide ءِ ￵دیمپان انت۔ چکچینی تھنا مادی زند ءِ ￵ھلاسی نہ انت بلکیں راجدپتر،دود ءُ ￶ربیدگ ءُ ￶معاش ءِ ￵پچگرگ یا ھلاس کنگ ھم چکچینی ئے۔ استان بلوچ ءِ ￵مال ءُ ￶مڈیاں ”ڈلینگ“ ءَ ￴انت۔ من ایشی ءَ ￴ڈلینگ گشاں،مال ءُ ￶مڈی پہ بلوچ کارمرد بوھگ ءَ ￴نہ انت بزاں ڈلگ بوھگ ءَ ￴انت،شگالی بوھگ ءَ ￴انت۔

بلوچ اگاں وتی مانشت ءَ ￴حاصل کنگ لوٹیت تہ گھگیری الّم بہ انت۔ 75 سال ءَ ￴چہ بلوچ گھگیری کنگ ءَ ￴انت ھمے وڑا مرچی ھم گھگیری کنگ اژدری انت۔ مانِشت،گھگیری ءَ ￴گوں بندوک انت مرچی گھگیری ءِ ￵ڈبّہ بی وائی سی ءَ ￴گون انت۔

ایسپ: استیں بلوچ سیاست ءِ ￵دیمروئی ءَ ￴ ￴میان استمانی سیاست ءِ ￵تہ ءَ تو ￴چوں گندے؟

میر تالپور: میان استمانی سیاست ءَ ￴ما سک پدمنتگ انت۔ استیں وھد ءَ ￴بانک مھرنگ ءُ ￶بانک سمّی ءِ ￵منّگ،لوٹائینگ ءُ ￶گوشدارگ شوکیں دیمروئی ئے بلے بلوچ ڈائسپورا استانی زوراکیاں ھاسیں رنگے ءَ ￴پدّر کنگ ءَ ￴سوبین نہ بوتگ،چش ھم نہ انت کہ ڈائسپورا ءِ ￵بلوچ جھد کنگ ءَ ￴نہ انت بلے ایشانی کار ءِ ￵تہ ءَ ￴نزوری الّم است انت پمے سوب ءَ ￴ایشانی کار ءِ ￵سان انچو نہ انت کہ بہ بیت یا بوت کنت۔ ایشی ءِ ￵بزانت ایش انت کہ بلوچستان ءَ ￴استیں زوراکیانی ھلاپ ءَ ￴ھواریں جھد کنگ بہ بیت۔