دَران، بلوچستان
"وشیں وتن مئے مَکّران
دائم بِبات ءِ تو کامران"
بلوچستان ءِ ھمک دمگ بے مٹ انت آھانی سیل ءُ سواد باز وش ءُ دلکش انت انچو کہ دران۔
دران ءِ مانا ءَ بلوچی زُبان ءِ مزن نامیں شائر ءُ نبشتہ کار، زانتکار نمیرانیں واجہ سید ظہورشاہ ھاشمی وتی کتاب سید گنج ءِ تہ ءَ گُشیت
"دَران :(دَ رَا نْ )گنز ءُ جیمُڑی ءِ میانجی ءَ دراجیں کوھدرے کہ درچک ءُ آپ ئِے مان ، ریک پاد اِنت ، ھور ءِ آپ چہ ھمود ءَ ملّان ءَ پہ دریا ءَ روت ، ھور ھم چہ دریا ءَ دانکہ پندے راہ ءَ کیت"
دران جیوانی ءَ چہ دہ 10 کلومیٹر دیر انت۔ جیوانی ضلع ءِ گوادر ءِ تحصیل انت ءُ گوادر ءَ چہ 90 کلومیٹر دیر مگرب ءِ نیمگ ءَ جیوانی ءُ دران آں۔ دگہ بازیں کُچّگ ھم ھست انت چوشکہ پانوان ۔گنز ۔ بندری ۔ ۔۔۔۔۔۔۔۔
بلئے اے بیست ءُ یکّمی کرن ءَ ھم چہ آپ ءُ لئین (بجلی) ءَ زبہر انت۔ شّریں وانگجاہ ھم نیست انگت ما گُشیں کہ گوادر دیمروئی کنگ انت ۔۔۔۔
بلے ھئیر !
گُش انت کہ سئے سد سال پیسر ادا مردم ھم آباد بیتگ انت انچو کہ مارا دران ءَ کدیمی ایں قبر ھم گِندگ ءَ کئیت ۔۔۔ آثار قدیمہ ءِ پاکستان ءَ ھم اے قبرانی سرا پَٹّ ءُ پول کُتگ ءُ آئی گُشگ انت کہ اے قبر شش ہزار سال پیسریگین انت ۔۔۔
وشّیں آپ ءِ چات مارا دران ءَ باز گِندگ کئیت بلے اے چاتانی تہ ءَ یک چاتےءِ آپ سک وش انت۔ اے چات چہ مَکّہ ءِ نام ءَ زانگ بیت ۔۔۔ گُشنت کہ مَکّہ یک بلوچ زالبولے سکیں (سخی یے ) بیتگ مَکّہ ءِ لوگ واجہ ءِ نام حسن بیتگ مَکّہ بُندرءَ گنز ءِ جاہ مِنند بیتگ ۔۔۔۔مَکّہ ءِ قبر بندری ءَ اِنت ۔۔
ھسن ءِ ءُ مَکّہ ءِ دو بچّ ءِ نام منا دست کپتگ ۔۔۔۔۔
بچاّنی نام ۔۔ سُمائیل ۔۔۔ علی محمد ءِ نام ءَ زانگ بنت۔۔ زیادئیں سرپدی منا نرستگ !!
اے چہ رئیس کُٹم ءَ بیتگ انت
اِشانی پُشپد انّی گنز ءَ آباد انت ۔۔۔۔ ھمے مَکّہ ءِ چات ءِ کِرّا یک وشیں کرگے ھم ھست۔ اے کرگ ءَ تقریباََ 160 سال یا کہ کمیں گیش بیت بلئے گُشنت کہ وھد ءُ زمانگاں لھتے مھلوک ءَ کرگ ھم ھبابت (عبابت) کُتگ بلئے اللہ بِزانت چے راست چے دْروگ ۔۔۔
دران ءَ کساس چارسد ایکڑ ءَ چہ گیش سیل ءُ سواد ءِ جاہ انت۔ دران ءِ تہ ءَ باز دلکشیں زیبائیں ندارگ گندگ ءَ کا ینت۔ دران سئے کوہ ءِ مَیان ءَ اِنت ۔
No comments:
Post a Comment