تب زانتی
سائیکوءِ متلب تب،ھئیال ءُ دماگ۔ اے گال ءِ دو گالبند انت ءُ دو بھر اَنت یکے اے گال چہ یونانی زُبان ءَ در اتکگ ھمے زبان ءَ چہ ودی بوتگ۔
اولی بھرءِ وانگءَ ادا لَنکُک بجن اِت
دومی لوجی، متلب وانگ ءُ زانگ ۔ اے سائنسی اِلم ءُ زانتکاری ءِ یک بھرے کہ تبزانتی انسانی دماگ ءَ وانیت کہ انسان کجام وھد ءَ چتور ءُ چے پیم ءَ کار کنت کجام ھالتاں چتور پگر ءُ سسا ءُ مراسا اڑ کنت
وھد ءُ ھالت چتور آئیءِ زندگی ءَ اسر کنت۔ چتور پریشان بیت ءُ چتور گمیگ بیت۔ چتور دیمروئی کنت۔ چتور وتی دماگ ءُ سسا ءَ داشت کنت
کجام وھد ءَ ءُ کجام داب ءَ کجام تب ءِ مالک بیت ۔کجام وھد ءَ وتی ھالتاں چتور بدل کُت کنت۔
چنچو ھیال ءُ لیکہاں کار کنت۔ آئی ءِ وتی جاور چون انت؟ وتی کارست ءَ چوں بدل کُت کنت؟ دیوان ءِ تہ ءَ وتی تب ءُ مئیل ءُ پگر ءَ چتور بدل کنت؟
کجام وھدءَ گل بیت۔ کجام گپ ءُ ھبر آئی ءَ را گل کنت۔ کجام گپ آئی ءِ زندگی ءُ تب ءِ سرا اسر کنت؟
بیماری ءُ نادراھی آئیءِ سوچ ءُ پگرانی تہ ءَ وڈ وڈ ءَ اسر کنت '' آئیءِ سوچ ءِ سرءَ چاگرد ءُ مردمانی کرد ءُ اَمَل چون اِنت۔ آئی ءِ زندگی ءِ سرا مات ءُ پتانی گپ چتور دوست انت۔
کجام انسان کجام اِلمءُ تب ءِ مالک اِنت۔ آئی درپ کنگ ئے (دربَرگ ءُ وتی تہءَ جاگہ دئیگءِ) زانشت ءُ زانتکاری ءِ بود چتور اِنت۔
No comments:
Post a Comment