Emotional psychology مارشتی تبزانت
سمیر بلوچ
اولی بھر
اولی بھر ءِ تہ ءَ ما وان ایں کہ انسان وتی ھیال ءُ لیکہاں چتور ءُ چے پیم دار اِیت چے پیم ءَ کار گِر ایت چتور وتی مجگ ءَ کار مرز کنت کجام ساھت ءَ کجام مارشت ءُ لیکہ یا وس وس ءُ بیم آئیءِ دلءَ چِست بنت۔
مارشت '' انسان ھر وھد ءَ وتی مارشت ءُ لیکہانی تہ ءَ سوچگ ءَ اِنت۔ چیاکہ انسان ءِ وتی مجگ وت یک ھیالی لیب جاھے۔ لکّانی بے کچ ءُ کساس ءُ بے ھساب انسان سوچانی مالک اِنت۔
ھر وھد ءَ آئیءِ مجگ چہ ھیالاں سر ریچ ایت۔ انسان ءِ مجگ ھچ وھد ءَ تھنا نہ اِنت ھچ وڈ ءَ وتی ھیالاں جتا جتا نہ اِنت۔
چاگردی
اِنسان ءُ بنی آدمے سوچ ءُ پگر آئیءِ چاگردی پھلاھیں کردے اَد ءَ کنت آئی چاگرد، ھرچی آ اِش کنت ھر چی گند اِیت پد ءَ آئی ءَ مار اِیت ءُ آئی ءِ سر ءَ پگر کنت
ھیلکاری
اِلم گیشتر مارشت ءِ زانشت ءُ سرپدی ءِ بابت ءَ اِنت کہ انسان چتور وتارا الکاری بہ دنت کہ آ مارشتانی گلام مہ بیت چاگرد ءُ مردمانی دیمءَ بے وس مہ بیت وتی ھرابیں ھیال ءُ لیکہانی گلام مہ بیت وتارا ھاٹیگ بہ دنت تاکہ ھالت آئی ءَ بے وس کُت کنت
تُرس ءُ بیم ءُ وِھم
اے وانگ مارا ءُ شمارا کُمک کنت کہ انسان اگاں وتی مارشتاں جُوانیں بیسہ ءُ دُروشم مار اِت بہ کنت گڑا وتی دُرائیں مارشتاں داشت کنت ءُ آ را بدل کت کنت وھم ءُ تُرس ءَ وتی اندر ءَ در کنت بس وتی ھیالانی سر ءَ کار ءُ جھد بہ کنت
سوبمندی
مارشتانی دارگ ءُ براشت کنگءَ پد ءَ نزّآرھگ ءُ وھد ءُ ھالتانی بدل کنگ ءِ باز کُمکّ ءُ مدت دنت کہ چتور وت ءَ بدل بہ کن وتی مجگ ءِ لج ءَ بہ کش ایت وتارا انسانے جوڑ بہ کنت۔ وتی گپّانی درشان کنگ بہ زانت مارشتانی دارگ یک بلاھیں ازم ءُ وزمکاری یے۔
No comments:
Post a Comment