پلسپہ
سمیر بلوچ
پیلوسوپی یونانی زبان ءِ گالے۔ آئی ءِ لبزی گالبند دو لبزانی سرا اِنت
Philo
وانگ ءُ زانگ۔ دومی بھر
sophy
متلب سوچگ ءُ پگر کنگ۔ اے چہ کج ءَ اتکگ، اے چیز پرچا در آتکگ، ساچشتءِ انسانی زندمان ءَ کرد ءُ کار چی اِنت ، زند ءِ ھر پڈ ءَ سوچگ چیزانی سرءَ پگر کنگ گور کنگ چہ کجا اتکگ۔ چہ کجا ودی بوتگ آئی ءِ ودی بوھگ سبب چے انت ؟
آئی ءِ ودی بوھگءِ مول ءُ مراد چے انت، آئی ءِ راجدپتر ءِ تہ ءَ کرد ءُ زانشت چے انت، آئی ءَ چے کرد اَد ءَ کتگ۔ سرجمیں اِلّم چہ کج ءَ ودی بوتگ انت ؟
وھدے دگنیا الم ءُ زانت ءِ پُشت ءَ کپتگ ات گڑا ھمے َپلسپہ ءِ پٹ ءُ پولکاری ءِ اوست ءَ دنیا ءَ زند ءِ ھر پِڈ ءَ دیمروئی کت۔
دگنیا ءَ سرجمیں پڈاں دیمروئی کنگءِ بنگیجی وھدءَ ایر جتگ ات۔ انچش سیاست ،سائنسی ساچشت ، بُنکی ھک ءُ ھکوک ،راجزانتی ،راجمانی، چاگردی ،راجی جھدکاری ،راجی کار ،راجدپتری پٹ ءُ پلکاری، انسانیت ،دود ءُ درمان، انساپی الم ءُ زانشت۔
اے دگہ کُلیں پڈاں سرجمیں دگنیا ءَ دیمروئیءِ بن ھشت سرجم کت ءُ سنتی پڈ ءَ بلا بلاھیں ءُ پھلواھیں بدلی ءُ انکلاب اڈ کتگ ات۔
ھم پلسپہ ساچشت ءُ مارشت انت ءُ دنیا وتی پجار ءُ ارزشت ءَ زانت ءُ ندکاری۔ کمکاری وتی دست ءَ کت ءُ الم ءُ زانت پڈ ءَ باز دیمروئی کت ۔
انسان ءَ را وتی ساچشت ءِ الم ءُ زانشت ءَ آزمان ءِ سرا دات ءُ ھرچیز ءِ بنگیج پٹ ءُ پکاری بنیادءَ سرجم کت ۔
پلسپہ ءِ بابتءَ انچش گوش انت کہ کلیں سرجمیں الم ءُ زانتکاری ءُ ساچشتءِ الم ءُ زانت چہ پلسپہءَ ودی بوتگ ۔
پلسپہءِ آیگ ءَ سرجمیں دنیا ءِ تہ ءَ بلاھیں آشوب ءُ انکلابے اتکگ۔
پلسپہءِ بلوچی بزانتءَ بلدکار شھزانتی ءُ پلاسپرءَ شاہ زانت گوش اَنت۔
No comments:
Post a Comment