منی یک دزگُہارے ءِ سیر بوت تاں آ وشّ ءُ گَل اَت. بلے پدا لَهتے روچ ءَ رند آئ ءَ منا گُشت کہ آئ ءِ مرد وپت ءُ واب کُت نہ کنت ءُ سکس کنگ ءَ آ ناکام اِنت - من جُست کُت گُڑا نی تئ هیال چی اِنت ، چی جیڑاِتگ ؟ درّائینت ئ کہ چی بہ جیڑ آں؟ نی وَ سیر بیتگ هَوار زندگی کنگی اِنت- منی ہمے دزگُہار ءَ سَئے چُک بوت گُڑا من گُشت تو وتی مرد ءِ بارو ءَ منا دگہ گپّے جَتگ اَت، اِے چُک چہ کُجا چیں؟ آئ ءَ گوں زَدگیں بچکندے ءَ گُشت " چُک پیداک کنگ ءُ وپت ءُ وابی ایمن بوئگ دو جتائیں چیز اَنت -
مرچی وهدیکہ من امریکہ ءَ "جنسیات" وانگ ءَ آں تاں منا سماه بئیگ ءَ اِنت کہ منی دزگہار ءَ راست گُشتگ اَت - مئے چاگرد ءِ تہا گیشتر مردین جنسی واهشت ءَ تہنا وتی مِلکیت سرپد بیت اِنت ، جنین اِے رِد ءَ واهگ ءُ هیال ءِ درشان ءَ بکنت بدکردارے لیکگ بیت. وهدے مردین ءِ دل لوٹیت آ جنین ءِ گوْر ءَ رؤت بلے جنین چوش کنگ ءَ میار کنت ءُ تُرسیت- یک جن ءُ مردے ءِ سیادی چو پوشاک ءِ وڑ ءَ اِنت، دوئیں یک ءُ دومی ءِ پوشاک بَنت بلے چاگرد ءَ تنگ نظری ءِ انچیں آئ ءَ پابندی یے جَتگ کہ جنین هچبر اِے گُشت نہ کنت کہ آئ ءِ مرد آئ ءَ ایمن ءُ دلجم کنگ ءَ نہ اِنت- اِے وڑیں جنین نفسیاتی نادُراه جوڑ بَنت ، آیانی مرد مزنیں اشتاپی ءُ ہُلّ ءُ جوشگ آیانی گوْرا کایَنت ءُ پدا ہمینچو زیت ءُ جلدی کار ءَ کن اَنت - چَرے زانگ ءَ بےسَماه کہ جنین ہم دلجم ءُ ایمن بوت یا ناں - مئے گوْرا اِے گوْنڈُکیں عام جیڑه یے- آرگیزم (سِکس ءِ آسری وشّی) چینچو جنیناں نسیب بیت سکّیں گوْنڈیں کچّے ءَ ، اِشی ءِ مستریں سَوب مرد ءِ چَٹَکّ ءُ بےپرواہی اِنت - سِکس تہنا هور بئیگ ءِ نام نہ اِنت، آئ تہا گپ و تران ءَ بِگر داں گوازی ءُ توازه هَوار بَنت بلے مئے مردینانی گوْر ءَ اِے تربیت نیست ، نیکہ آیاں اے ڈؤل کنگ ءِ کوشست کُتگ ہمے رنگ ءَ آ جَناں ہینّار کن اَنت یل دَینت - " جنسیات " سَرا گپ کنگ سک الّمی اِنت ، اِے چاگرد ءِ بلائیں جیڑه یے ، لوگانی تہا اکثر بدامنی ءُ جنگ ءُ چوپانی بُنیاتی سَوب ہمیش اِنت بلے مردُم اِے نہ مَنّ اَنت - ہما مرد ءُ جَن ءِ میان ءَ کہ وپت ءُ وابی ایمنی یک کَچّ ءَ بیت آ وشّ ءُ آسیدگ بَنت۔
No comments:
Post a Comment