من ءُ ماہکان
زرینہ بلوچ
منا چوناہا ابرم ءِ ہر چی دوست بیت ھُدا ءَ پہ ڈولے ءِجوڈ کُتگنت کوہ ،دریا درچک ءُ دار ءُ ماہ استال. اے نیلیں زر منا زاناں چوں دوست بیت همے کہ من شپانی پاساں تیاب دپ ءَ ندان ءُ ماہ ءَ سئیل کناں برے برے دل گشی مردم ءَ اے نیلیں زر ءِ وتا مئیار کتیں ہر کجا برت ئِے ہرچی اوگارتے آ زر ءِ وتئ کیف ات ،
آں !شمارا من اے گشاں منا ماه تہنا چارده ءَ دوست نبیت منا اے ماه ءِ همک گْوناپ دوست بیت دوستی کمبہ انچیں چیزے کہ گوں عروج ءُ زوالاں کارئِے نیست چوناہا منا چہ در کسانی ماه دوست بیت بندر ءَ بس دوست بوتہ گڈ ء چہ منی رپتگیں کسانکیں برات ءَ کہ من داں چاراں پری ئِے ماه ءِ تہا نشتہ ءُ منی برتک ءَ لولی دئیگ انت اسل ءَ پیش ما ءَ ہر سئیںناں نشتگ ءُ شپ پاسی کتہ دیوان ءُ ترانی بوتگیں همے کہ چارده ءَ سر بوتیں تہ گمان کتہ دوستی ءُ مہرانی تب بدل بوتہ نوں کہ من چہ جہان ءِکار ءُ چلوپگاں آجو باں تچک ءَ تیاب ءَ رواں مرچاں ناں گپے نا هبرے گشئے ما امنچو هبر کتہ نوں پمارا دگے هبر ءِ جند سر نئیتکہ همے خاطر ءَ نیم عمریں ماہکانیں شپاں استالانی سرا منا سک بد کئیت گشئے توامیں استال ماه ءِ دیوان ءَ نشتگ ءُ منی پچوکان انت،
بلئے منی سر انگہ پر نہ بیت مردماں ماه تہنا چارده ءِ سند ءَ چیا دوست بیت.
No comments:
Post a Comment