توتی لسانیں سنجی
پولکار - اَبدالله میر
سنجی جت کیچ ءِ دمگ شے زنگی نگور ءَ جَتانی بازار ءِ نندوک بوتگ. آ کدی ودی بوتگ اے چیز زانگ نہ بیت چشکہ آ وھد ءَ کم مردم وانندہ بوتگ کہ چشیں روچاں یاداشت بہ کنت مئے بلوچ راج ءِ گیشتر یاداشتی سال چشکہ پِلاں سال ءَ توپان بوتگ یاکہ پِلاں سال ءَ ھار بوتگ یا کہ پِلاں سال ڈکالی سالے بوتگ پِلان ءَ سال اے مردم ودی بوتگ مئے راج ءِ گیشتر (تاریخ) یاداشتی ھمے دروشم ءَ بیت.
بی بی سنجی کدی ودی بوتگ " روچ ءُ ماہ ءُ سال زانگ نہ بنت سنجی ءِ کماش ءِ نام ھسین اشرپ جت بوتگ ءُ آئی ءِ مات ءِ نام صابُک بوتگ .واجہ ھسین اشرپ ءِ چار جنک زھگ بوتگ اَنت ءُ یک بچکیں زھگے کہ آئی ءِ نام پیرل بوتگ. پیرل یک جنگے ءِ دِینّاں جَنگ بیتگ واجہ ھسین اشرپ بندات ءَ چہ زگری کیمونٹی ءَ چہ سیادی کنت چشکہ ھسین اشرپ زگر یلہ کرت ءُ نماز بندات کرت گڑا آئی ءَ وتی درستیں کول ءُ زھگ بزانکہ وتی چک چاریں جنک ءُ یکیں بچک ءَ را ھم نماز کنگ ءِ سکین دات چشکہ سنجی اے ھک ءَ نہ اَت آئی ءَ گشت کہ من وتی پت ءُ پیروکی زگر ءَ یلہ نہ کن آں چشکہ سنجی سپت ءُ چوگان ءِ جنگ ءَ سک ماھر بوتگ ءُ آئی ءِ توار ھم سک وش بوتگ گڑا آئی ءِ کماش ءَ ھسین ءَ گشت کہ وھدے تو نماز نہ کن ئے گڑا من ھم ترا لوگ ءُ جاگہ بزانکہ سیر ءُسانگ نہ دیاں ترا من لھتے بُز (رمگ) دیاں تو چارین اِش چشکہ دگہ درد ءَ تو نہ ورئِے گڑا سنجی اے ھبر ءَ رازی بوت ءُ آ گوں مال ءُ دلواتاں دلگوش بوت گڑا سنجی ءِ سرجمیں زند گوں مال ءُ دلوتانی دمبالگیری ءَ شُت.
سنجی ءِ توار سک وش بوتگ آئیءِ لھتے کلاسیکل شئیر یات بوتگ چشکہ ھمل ءُ جیھند ءُ حضرت سلیمان ءِ کیا سدو ءُ ھانی شے مرید شئیر ءُ دگہ لھتے شئیر آئی چہ نواراں اش کرتگ انت ءُ آئی وتی دل ءَ یات کرتگ انت سنجی ءَ مدام ھمے شئیر جنگل ءَ رمگانی چارینگ ءَ دپگال کرتگ انت۔ سنجی ءَ باز کم شئیر گوں ساز ءُ زیمل ءَ جتگ آئی ءِ ھسابی گوشتگیں شئیر گوں زیمل ءَ ھمل جیھند ءِ ءُ حضرت سلیمان ءِ ءُ حضرت علی ءُ کیا سدو ءُ ھانی ءُ شے مرید دگہ سے ءُ چار شئیر گوں وش تواری ساز ءُ زیمل ءَ گوں نوکیں دابے ءَ گوشتگ اَنت۔
سنجی ءِ مستریں وش دروشمی اش بوتگ کہ آئی ءَ اے شئیر گوں وتی ترزا گوشتگ اَنت وھدیکہ ائی ءِ کماش ھسین اشرپ وتی گڈی روچاں بیت گڑا آ سنجی ءَ لوٹاھینت ءُ گُش ایت کہ سنجی منی چُک من ءَ پَھل کن من ترا سور ءُ سانگ لوگ ءُ جاگہ نہ کرتگ من اَچ تو اے ردی ءَ پھلی لوٹ آں گڑا سنجی آرا پسو دنت کہ منی ءُ تئی پھلی ھاوند ءِ درگاہ ءَ بیت ھساب ءُ کتاب ءِ روچ ءَ گڑا لھتے روچ گوز ایت ھسین اشرپ چہ اے دنیا ءَ روت سنجی ءِ سرجمیں زند گوں مال ءُ دلوتانی گوما گوستگ آ وتی رمگ ءُ مالانی گوما دلگوش بوتگ آئی ءَ وتی کار ءُ کسب درست وت کرتگ انت چشکہ پسانی کاہ ءُ کدیم مزنیں کھیر ءُ چِشاں چہ ٹال ءِ بُرگ اے ھما کار انت کہ گیشتر مردین اش کن انت بلے سنجی ءَ وتی سرجمیں کار ءُ کسب وت انجام داتگ انت آئی ءِ بودناکی پیداوار بوتگ۔
سنجی ءَ ابید چہ کلاسیکل شئیراں چہ سوت ءُ نازینک، سپت ءُ چوگان ھم جتگ سنجی ءِ توار سک وش بوتگ سنجی دو ھزار چاردہ ءُ پانزدہ ءِ میانجی چہ اے کوڑھیں دنیا ءَ یلہ کنت ءُ روت پہ مدامی واستا سنجی ءِ توار ابدمان انت پہ راج ءَ آ مدام ھست ءُ نمیران انت سنجی ءِ گیشتر شئیر قادر جت ءِ گورا ھست انت چشکہ سنجی ءِ زندنامہ ءُ کسہ چہ قادر جت ءِ گورا چہ اش کرتگ ۔
بلوچی ءُ بلوچستان سبزبات
No comments:
Post a Comment