ناکو میر بل
قاسم بلوچ
ناکو میر بلّ زہیروکانی تہراں آشنا ات۔ سروز جت ءُ دلانی تار اش شنگینتاں.....میر بل یک عہدے ات ...سروز ءِ ازم ءَ گوں سک بلد ات.........
ناکو میر بلّ چُکّ اِنت، دُرجان ءِ ، دُرجان ءِ پیراندادؔ ءُ کُنچتیؔ ءِ مردُمے ءُ محمد امین آئی ءِ بچّ اِنت۔ چوناہا سروز جنت بلئے برے برے تمبورگ اوں جنت ....
من گشاں کہ ہمے استیانی برکت انت کہ بلوچی زِندگ اِنت ..
ناکو میر بلّ ءِ گُشگ اِنت کہ نامئیں پہلوان رمیؔ ءِ گوں ما آئی ءِ کماش دُرجانءَ سُروز جتگ۔چو کہ ماں کیچ ءِ دَمگ ءَ کوشکلاتءَ پہ زہیروک ءِ گوشدارگ ءُ گُشگ ءَ نامدار بُوتگ ۔ ناکو میربلؔ ءِ کماش ءَ اود ءِ بازیں عَہدی زیمری مراگشاں بہر زُرتگ۔
ناکو میربلّ ءِ سروز ءَ مدام نال ات ءُ بالاد وشنود کتاں.....
کسانی ءَ ناکو میربلّؔ ءِ نام میرکؔ ءُ میر راجؔ بُوتگ بلئے پدا میتگ ءِ مردُماں چہ دوستی ءَمیر بلّؔ کُتگ۔
میر بل مۂے میتگ بزاں کہ دشت کنچتی ءِ زیمل ءِ استاد ات ءُ سروز زانت ات بلے مرچی اچ ما گسر کپت
ءُ اے دنیائے پہ داۂمی یل دات .............
بلے اے میتگ ءِ درچک ءُ دار اوں مرچی پرسیگ اتاں چیا کہ میتگ ءِ جنگل سروز ءِ آواز ءَ مدام ملما کتگ انت......
آه میر بل تو مارا یلدات....بلے تئی ازم مدام زندگ انت
آرواه آسودگ بات....آمین
٭٭٭
No comments:
Post a Comment