نمدی کریمہ ءِنام ءَ

نِمدی کریمہ ءِ نام ءَ 

ھَو اے نمدی بانُک کریمہ بلوچ تئی نام ءَ اِنت ھَر کجائے شات بات ئے !        

کریمہ !  باور کن ئے من پیسر ءَ نہ زانتگ کہ دسمبر مردم ءَ اے ھَد ءَ ھم دردیگ کُت کنت ، بلئے نی ما زانگ ءَ آں کہ دسمبر وَ درد ءُ دورانی دیار اِنت پہ بلوچ ءَ ، بلئے بانُک تو وَ اے دسمبر ءِ دردیگ ایں شئر ءُ کسّھاں ھم چہ دستے گوْست ئے ۔ 

بقولِ شائر 

   درد ءِ ابیتکی اِنت کہ دل ءَ دست جن ئے کُدیت

اے ایوکی پہ شئر تسلہ دیگ نہ بیت

کریمہ ! من زاناں کہ تو چہ انگریزی ءِ شائر (شیلے) ءَ چہ آشنا ئے ، ھَئو ھما شیل ءِ کہ چہ آئی ءِ ءُ (والٹئر) ءِ نظم آں چہ فرانس ءِ تہا آشوبی جُنز بندات بیت ، ھَئو ھما شیلے کہ مُدام گُشتگتی کہ "Water is my life "

ءُ زند ءِ گُڈی روچ ءَ ھم ھمے دریا ءِ میار بیت ءُ شُت ۔ 

بلئے کریمہ! تو مُدام گُشگ ءَ ات ئے کہ 

"Balochistan is my life"

ءُ ترا دِگہ گپے ھال دئیگ لوٹاں،  زان ئے تو چیا اِنچو زیبا بیتگ ئے؟

چیا کہ تو زمین ءُ زمین ءَ ترا پجّہ آؤرت،  زمین ھرکس ءَ کہ پجّہ بیاریت آ زیبا بیت ۔

کریمہ !  ما اِشکنگ ءَ آں کہ تو گُشگ ءَ ئے کہ اے سھت ءَ مُلک ءِ مُوسم چون اِنت؟ 

بانُک ! بھتاور تو بی ۔۔۔۔۔۔ چونیں جُست کن ئے ،   تئی ھیال ءَ اے سھت ءَ موسم چون بیت کنت ؟  آئی ءَ بس بِچکندت ءُ ھچ نہ گُشت ۔

بانُک! مُلک ءَ چاریں نیمگ ءَ تھاری اِنت ،  ھَئو ۔۔۔ دردیگ ایں تھاری یے ءُ ھمے تھاری ءِ تھا رُژنائیاں سَر کَشتگ ءُ  کم کم ءَ چو البرز ءَ مِک بیان اَنت ۔ 

ھَئو، ما زاناں کہ تو جیڈگائے کہ اے وَ منی جُست ءِ پسّہ نیا ، بلئے چی کن ئے  تو انچیں جُستے کُتگ ۔ تئی جُست ءِ پسّہ ءَ اے ساھت ءَ من ءَ تھنا (شمس الرحمان فاروقی ) ءِ اے شئر یات پیداک انت کہ 

اب کے دوئیں میں خون کی سُرخی کا رنگ ہے 

یوں اِن گھروں میں پہلی بھی لگتی رہی ہے آگ 

کریمہ ! ما زاناں کہ تو اے سھت ءَ ھم جیڈگ ءَ ئے ءُ جُھد کنگ ءَ بئے پہ وتی راج ءَ ، گپ وَ سک باز اَنت ۔ بلئے اے سھت ءَ من ( پدی زِر) ءِ چولانی دپ ءَ اُشتاتگ آں ءُ اے نمدی ءَ پتو رائیگ کنگ ءَ آں ، امیت انت کہ تو گوں اے نمدی ءَ  ھمے زِر ءَ دُچار کپ ئے ۔

تئی کستر،

ولید وفا