گوادر ھور ءَ پد گریب ءُ امیر ءِ پرک
گوادر ءَ ترندیں ھوراں یک شَل گورتگ۔ سرجمیں شھر آپ ءَ پُر اِنت۔ میتگ ءُ دمک یک ھساب ءَ آپ ءَ پُر بوتگ انت بلے واکدار ءُ نماھندگانی چم چاری ءِ سبب ءَ گریبانی گِلہ اِنت کہ آیانی دیم ءَ ٹینکر ءُ جنریٹر سیر ءُ ازگاریں مردمانی لوگاں رو انت بلے گریباں کس جُست نہ کنت۔
مُلا بند میتگ گوادر ءِ جاھمنند مھمد بلوچ ھم گِلہ کنگ ءَ انت کہ ھور ءَ سے روچ گوستگ بلے آئی ءِ لوگ ءِ آپانی کشگ ءَ کس نیتکگ۔ آئی ءَ بازیں منتے کُتگ بلے ھچ جواب نہ رستگ۔ سیمی روچ ءَ پد نی واکدارانی یک ٹیمے اتکگ ءُ نی آئی ءِ لوگ ءِ آپ کشگ بوھگ بیگ ءَ انت۔
اے مرد ءِ گُشگ ءِ رد ءَ 2 روچ بیت اشانی لوگ ءَ آس روک کنگ نہ بوتگ۔ لوگ ءُ چُل آپ ءَ پُر انت۔ ھمساھگانی کر ءَ اشاں وتی چُکاں نان وارینتگ۔
سرجمیں رپورٹ ءِ چارگ ءَ پہ یوٹیوب لنک ءَ کلک بکن اِت
No comments:
Post a Comment