گیرت ءِ ٹیکھدار

گیرت ءِ ٹیکھدار

 نبشتہ کار: این آر بلوچ

      

وھدے کہ آئی ءَ اولی رند ءَ اِش کُت کہ بیا لُوامز ءَ بزاں مں لسبیلہ ءِ شھدربر جاہ ءَ

 food festival 

ءِ بوھگی اِنت ۔کتاب ءِ اسٹال لگ ایت۔ نوک نوکیں کتاب کم نھاد ءَ دست کپ اَنت ءُ اشانی ھمرائی ءَ وڑ وڑیں ورگانی اسٹال ھم لگ ایت ءُ پدا مستریں گپ اِش اِنت جِنک کائنت۔ آئی ءَ اِے گپے اش کنگ ءَ پد گُش ئے زاناں یک بلایں تاھرے رس اِت آئی ءِ 

mid 

ءِ چکاس بوھگ ءَ اِتاں ھمے شپ ءَ کہ گُڑی پیپر ءِ تیاری کنگی  اَت آئی ءَ  نہ کُت بَلے۔۔ آ چہ ھمے گپ ءَ واب نہ کپت کہ باریں کدی روچ بیت پیپر ءَ دیاں ءُ ھچ مھتل نہ باں پہ روگ ءَ

 hairdresser

 ءَ وت ءَ شوک کناں پرچا کہ شوک و بوھگی اِنت ۔

آئی ءَ وت ءَ ھرچ وڑیں شوک کنگی کریم موشت ۔ ریشاں ھما کتے کشت کہ گپ نہ بیت ۔نی کہ وت ءَ آینک ءَ چارگ ءَ ات سک گُل اَت دل ءِ تہ ھمے جیڑگ اَت کہ دنیا ءِ تہ اگاں شوکی یے است گُڑا ۔۔آ  من آں ！

چوشیں جلوانکی ،آ دل ءِ تہ  وتی سر ءَ گنوک بوھاں ات داں ھجام ءَ گُشت نوں گوں من نہ بیت ！

آئی ءَ دل پہ دنتاں داشتگ اَت اَنچوش بے تاھر اِت گُشے زاناں چیزے گاری کُت گُت ھمے شپ ءَ نہ وابی اَتگ ءُ نا کہ چکاس ءِ تیاری کُت۔ آ وتی کمرہ یے تہ ءَ ھمے

 food festival 

ءِ بابت ءَ جیڑگ اَت ءُ لُنٹانی سر ءِ بچکند ھلاس بوھگ ءِ نام ءَ نزانگ ءَ اَت گُشے زاناں نوک  دشتار ءِ نام اَت ئے ءُ ھمے ھیالانی تہ چو ھور ءَ پیسر مُرگانی وڑا آزمان ءِ دل بنداں بال کناں اَت داں ھمے وڑاں واب کپت ۔

آئی یے چم کہ سھب ءَ بچ بوتاں داں وھد شُتگ اَت جلدی جلدی شُت 

food festival 

ءَ وت ءَ سری کُت داں بچک ءُ جنک دو چاپی ءَ اِنت بَلے اشی یے رسگ ءَ ساری اِے اوں ھلاس بوت

آ سک زار ءَ پُر اَت بَلے دستی کس ءَ رسگ ءَ نہ اِت نہ آئی ءَ نہ  کتاب زرت ءُ نہ کہ دگہ چیزے نی ھما اِنت مرد شوشل میڈیا ءَ  گیرت ءِ  ٹیکہ دار جوڑ بوتگ۔۔۔۔！