کوھی مَری، اکس گریں اھوالکار
اکس گری ءِ پڑ مئے چاگرد ءَ نوک انت بلے نوکیں ورناہ سک باز اے پڑ ءَ پیداگ انت۔ بلوچستان ءَ اکس گریں بازیں نامداریں اکس گر ھست انت کہ آ سوشل میڈیا ءَ وتی اکساں شنگ کن انت۔ اے پڑ ءِ تہ ءَ اھوالکاری کنوک سک کم انت۔ کوھی مری بلوچستان ءِ ھمے ورناہ یانی تہ ءَ یکے کہ فوٹو جرنلزم کنگ ءَ انت۔ گوادر ءِ توار ءَ گوں گولگدارے ءَ کوھی مری ءَ وتی اے پڑ ءِ تہ ءَ آئگ ءِ ھیال ءُ لیکہ شنگ کتگ انت۔
کوھی مری ءِ سیادی بلوچستان ءَ انت۔ آ شال ءَ پیداگ بوتگ ءُ آئی ءَ انگلینڈ ءَ آرکیٹکچر ءِ تہ ءَ ونتگ۔ بلے آئی ءِ گیشتر ھُب ءُ واھگ اکس گری ءِ تہ ءَ انت۔ کوھی ءَ بازیں اھوالکاری ادارگاں گوں کار کتگ ءُ انگت ھم کنگ ءَ انت۔ ءُ ڈنی ادارگانی تہ ءَ ٹائمز میگزین ءُ الجزیرہ ءَ ھم کار کتگ۔
کوھی نوکیں ھُب داروکانی بابت ءَ وتی کلوہ ءِ تہ ءَ گُشیت کہ اے پڑ مئے چاگرد ءَ نوک انت بلے اگاں کسے ءِ تہ ءَ ھُب ءُ جھد کنگ ءِ سکت بہ بیت آ وت ءَ زوت منائینت کنت۔ کوھی گُشیت کہ اکس گری وتی گپانی یا مارشتانی درشانی ءِ یک دابے۔ اے وڑ ءَ ھم تو کسہ کُت کن ئے، وتی مارشتاں درشان کُت کن ئے۔ کوھی ءِ رد ءَ اکس گری ءُ اھوالکاری ءِ تہ ءَ مارا آئگ لوٹیت چیاکہ انی نوکیں ءُ انٹرنٹ ءِ دھر ءَ سک باز پلیٹ فارمز ھست انت کہ مردم وتی کاراں دیم ءَ آرت کنت۔
کوھی ءِ گُلگدار ءِ لنک، گوادر ءِ توار ءِ یوٹیوب ءَ
No comments:
Post a Comment